← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


37:01 )1( [ai]שְרַת עֲלַי רוּחַ נְבוּאָה מִן קֳדָם יוי וְאַפְקַנִי בְרוּחַ נְבוּאָה דִשרָת עֲלַי מִן קֳדָם יוי וְאַשרְיַנִי בְגוֹ בִקעֲתָא וְהִיא מַליָא גַרמֵי אֲנָשָא׃
37:02 )1( [ai]וְאַעבְרַנִי עֲלֵיהוֹן סְחוֹר סְחוֹר וְהָא סַגִיאִין לַחדָא עַל אַפֵי בִקעֲתָא וְהָא יַבִישִין לַחדָא׃
37:03 )1( [ai]וַאֲמַר לִי בַר אָדָם הֲיֵיחוֹן גַרמַיָא הָאִלֵין וַאֲמַרִית יוי אֲלֹהִים אַת גְלֵי קֳדָמַך׃
37:04 )1( [ai]וַאֲמַר לִי אִתנַבִי עַל גַרמַיָא הָאִלֵין וְתֵימַר לְהוֹן גַרמַיָא יַבִישַיָא קַבִילוּ פִתגָמָא דַיוי׃
37:05 )1( [ai]כִדנָן אֲמַר יוי אֲלֹהִים לְגַרמַיַא הָאִלֵין הָא אֲנָא מַעֵיל בְכוֹן רוּחָא וְתֵיחוֹן׃
37:06 )1( [ai]וְאַתֵין עֲלֵיכוֹן גִידִין וְאַסֵיק עֲלֵיכוֹן בִסרָא וְאַקרוֹם עֲלֵיכוֹן מַשכָא וְאַתֵין בְכוֹן רוּחָא וְתֵיחוֹן וְתִידְעוּן אֲרֵי אֲנָא יוי׃
37:07 )1( [ai]וְאִתנַבִיתִי כְמָא דְאִתפַקַדִית וַהֲוָה קָל כְאִתנַבָיוּתִי וְהָא זְיָעָא וֻקרִיבוּ גַרמַיָא גַרמָא לְוָת חַברֵיה/גרמיה#3#/׃
37:08 )1( [ai]וַחֲזֵית וְהָא עֲלֵיהוֹן גִידִין וֻבִסרָא סְלֵיק וֻקרַם עֲלֵיהוֹן מַשכָא מִלְעֵילָא ורוּחָא לֵית בְהוֹן׃
37:09 )1( [ai]וַאֲמַר לִי אִתנַבִי עַל רוּחָא אִתנַבִי בַר אָדָם וְתֵימַר לְרוּחָא כִדנָן אֲמַר יוי אֲלֹהִים מֵיאַרבַע רוּחַיָא אֵיתַא רוּחָא וְעוּלִי בִקטִילַיָא הָאִלֵין וְיֵיחוֹן׃
37:10 )1( [ai]וְאִתנַבִיתִי כְמָא דְפַקְדַנִי וְעַלַת בְהוֹן רוּחָא וַחיוֹ וְקָמוּ עַל רַגלֵיהוֹן מַשרְיָן סַגִיאָן לַחדָא לַחדָא׃
37:11 )1( [ai]וַאֲמַר לִי בַר אָדָם גַרמַיָא הָאִלֵין כָל בֵית יִשרָאֵל אִנוּן הָאִנוּן אָמְרִין יְבִישוּ גַרמַנָא פְסַק סִבוּרַנָא אֲבַדנָא לַנָא׃
37:12 )1( [ai]בְכֵין אִתנַבִי וְתֵימַר לְהוֹן כִדנָן אֲמַר יוי אֲלֹהִים הָאֲנָא פָתַח יָת קִברֵיכוֹן וְאַסֵיק יָתְכוֹן מִקִברֵיכוֹן עַמִי וְאַעֵיל יָתְכוֹן לְאַרעָא דְיִשרָאֵל׃
37:13 )1( [ai]וְתִדְעוּן אֲרֵי אֲנָא יוי כַד אַפתַח יָת קִברֵיכוֹן וְכַד אַסֵיק יָתְכוֹן \מִגוֹ קִברֵיכוֹן /מִקִברֵיכוֹן#3#/ עַמִי׃
37:14 )1( [ai]וְאַתֵין רוּחִי בְכוֹן וְתֵיחוֹן וְאַשרִי יָתְכוֹן עַל אֲרַעכוֹן וְתִדְעוּן אֲרֵי אֲנָא יוי גְזַרִית בְמֵימְרִי וַאקַיֵים אֲמַר יוי׃
37:15 )1( [ai]וַהֲוָה פִתגָם נְבוּאָה מִן קֳדָם יוי עִמִי/עלי#3#/ לְמֵימַר׃
37:16 )1( [ai]וְאַת בַר אָדָם סַב לָך לוּחָא חַד וֻכתוֹב עֲלוֹהִי שִבטָא דִיהוּדָה וֻבנֵי/וְכָל בֵית#2#/ יִשרָאֵל אֲחֵיהוֹן וְסַב לוּחָא חַד וֻכתוֹב עֲלוֹהִי שִבטָא דְיוֹסֵף דְהוּא שִבטָא דְאַפרַיִם \וְכָל בֵית /ולבני#3#/ יִשרָאֵל אֲחֵיהוֹן׃
37:17 )1( [ai]וְקָרֵיב יָתְהוֹן חַד לְוָת חַד לָך לְלוּחָא חַד וִיהוֹן לְחַד בִידָך׃
37:18 )1( [ai]וְכַד יֵימְרוּן לָך בְנֵי עַמָך לְמֵימַר הֲלָא תְחַוֵי לַנָא מָא אִלֵין לָך׃
37:19 )1( [ai]אִתנַבִי לְהוֹן כִדנָן אֲמַר יוי אֲלֹהִים הָאֲנָא מְקָרֵיב יָת שִבטָא דְיוֹסֵף דְהוּא שִבטָא דְאַפרַיִם וְשִבטֵי יִשרָאֵל אֲחֵיהוֹן וַאֲחַבַר יָתְהוֹן עֲלוֹהִי יָת שִבטָא דִיהוּדָה וְאַעבֵידִנוּן לְעַמָא/ללוחא#3#/ חַד וִיהוֹן חַד קֳדָמַי׃
37:20 )1( [ai]וִיהוֹן לוּחַיָא דְתִכתוֹב עֲלֵיהוֹן בִידָך לְעֵינֵיהוֹן׃
37:21 )1( [ai]וְאִתנַבִי לְהוֹן כִדנָן אֲמַר יוי אֲלֹהִים הָאֲנָא מְקָרֵיב יָת בְנֵי יִשרָאֵל מִבֵינֵי עַמְמַיָא דְאִתַגלִיוּ לְתַמָן וָאֲכַנֵיש יָתְהוֹן <מביני עממיא#3#> מִסְחוֹר סְחוֹר וְאַעֵיל יָתְהוֹן לַאֲרַעהוֹן׃
37:22 )1( [ai]וְאַעֲבֵיד יָתְהוֹן לְעַמָא חַד בְאַרעָא בְטוּר קֻדשָא דְיִשרָאֵל וֻמַלכָא חַד יְהֵי לְכוּלְהוֹן לְמִהוֵי מַלכָא וְלָא יְהוֹן עוֹד לִתרֵין עַמְמִין/מלכוון#3#/ וְלָא יִתפַלגוּן עוֹד לְתַרתֵין מַלכְוָן עוֹד׃
37:23 )1( [ai]וְלָא יִסתָאֲבוּן עוֹד בְטַעֲוָתְהוֹן וֻבשִקוּצֵיהוֹן וֻבכָל מִרדֵיהוֹן וְאַפרוֹק יָתְהוֹן מִכָל מוֹתְבָנֵיהוֹן דְחָבוּ <קדמי#3#> בְהוֹן וַאֲדַכֵי יָתְהוֹן וִיהוֹן קֳדָמַי לְעַם וַאֲנָא אַהוֵי לְהוֹן לַאֲלָה׃
37:24 )1( [ai]וְעַבדִי דָוִד מַלכָא עֲלֵיהוֹן וֻפַרנָסָא/וֻפַרנָס#2#/ חַד יְהֵי לְכוּלְהוֹן וֻבדִינַי יְהָכוּן וֻקיָמַי יִטְרוּן וְיעַבְדוּן יָתְהוֹן׃
37:25 )1( [ai]וְיִתְבוּן עַל אַרעָא דִיהַבִית לְעַבדִי לְיַעֲקֹב דִיתִיבוּ בַה אֲבָהָתְכוֹן וְיִתְבוּן עֲלַה אִנוּן וֻבנֵיהוֹן וֻבנֵי בְנֵיהוֹן עַד עֲלְמָא וְדָוִד עַבדִי מַלכָא לְהוֹן לְעָלַם׃
37:26 )1( [ai]וְאַגזַר לְהוֹן קְיָם שְלָם קְיָם עָלַם יְהֵי עִמְהוֹן וַאֲבָרֵיכִנוּן וְאַסגֵי יָתְהוֹן וְאַתֵין יָת מַקדְשִי בֵינֵיהוֹן לְעָלַם׃
37:27 )1( [ai]וְאַשרֵי שְכִינְתִי בֵינֵיהוֹן וְאַהוֵי לְהוֹן לַאֲלָה וְאִנוּן יְהוֹן קֳדָמַי לְעַם׃
37:28 )1( [ai]וְיִדְעוּן עַמְמַיָא אֲרֵי אֲנָא יוי מְקַדֵיש יָת יִשרָאֵל בְמִהוֵי מַקדְשִי בֵינֵיהוֹן לְעָלַם׃

next chapter