← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


40:01 )1( [ai]בְעַסרִין וַחֲמֵיש שְנִין לְגָלוּתַנָא בְרֵישַה דְשַתָא בְעַסרָא לְיַרחָא בְאַרבַע עַסרֵי שְנִין בָתַר דְאִיתָרַעַת קַרתָא בִכרַן יוֹמָא הָדֵין שְרָת עֲלַי רוּחַ נְבוּאָה מִן קֳדָם יוי וְאַעֵיל יָתֵי לְתַמָן׃
40:02 )1( [ai]בְחֵיזוּ/ברוח#3#/ נְבוּאָה דִשרָת עֲלַי מִן קֳדָם יוי אַעֲלַנִי לְאַרעָא דְיִשרָאֵל וְאַשרְיַנִי עַל טוּר רָם לַחדָא וַעֲלוֹהִי כְבִניַן קַרתָא מִדָרוֹמָא׃
40:03 )1( [ai]וְאַעֵיל יָתִי לְתַמָן וְהָא גֻברָא חַזוֵיה כְחֵיזוּ נְחָשָא וְחוּט דְכִיתָנָא בִידֵיה וֻקנֵי מִשחֲתָא וְהוּא קָאֵים בְתַרעָא׃
40:04 )1( [ai]וֻמַלֵיל עִמִי גֻברָא בַר אָדָם חֲזִי בְעֵינָך וֻבאֻדנָך שְמַע וְשַו לִיבָך לְכָל דַאֲנָא מַחזֵי יָתָך אֲרֵי בְדִיל לְאַחזָיוּתָך אֵיתְיוּכָא הָלְכָא חַוִי יָת כָל דְאַת חָזֵי לְבֵית יִשרָאֵל׃
40:05 )1( [ai]וְהָא שוּרָא מִבַרָא לְבֵיתָא סְחוֹר סְחוֹר וֻביַד גֻברָא קְנֵי מִשחֲתָא דְחַד מִנְהוֹן שֵית אַמִין בְאַמַיָא בְאַמְתָא/כְאַמְתָא#3#/ דְהִיא אַמָה וֻפשַך וֻמשַח יָת פוּתיָא דְבִניָנָא קַניָא חַד וְרוּמָא קַניָא חַד׃
40:06 )1( [ai]וְעַל לְתַרעָא דִפתִיַח לְאוֹרַח מַדנְחָא וֻסלֵיק בְדַרגוֹהִי וֻמשַח יָת סִיפָא דְתַרעָא קַניָא חַד פוּתיָא וְיָת סִיפָא חַד קַניָא חַד פוּתיָא׃
40:07 )1( [ai]וְתַוָא קַניָא חַד אֻרכָא וְקַניָא חַד פֻתיָא וֻבֵין תַויָא כוּתלָא חֲמֵיש אַמִין וְסִיפָא דְתַרעָא מִקֳבֵיל אוּלַמָא דְתַרעָא מִלְגָיו קַניָא חַד׃
40:08 )1( [ai]וֻמשַח יָת אוּלַמָא דְתַרעָא מִלְגָיו קַניָא חַד׃
40:09 )1( [ai]וֻמשַח יָת אוּלַמָא דְתַרעָא תַמנֵי אַמִין וְאַלוֹהִי/ואילוהי#3#/ תַרתִין אַמִין וְאוּלַמָא וְאַרעָא/דְתַרעָא#3#/ מִלְגָיו׃
40:10 )1( [ai]וְתַוֵי תַרעָא בְאוֹרַח מַדנְחָא תְלָתָה מִכָא וֻתלָתָה מִכָא מִשחָא חַד לִתלָתֵיהוֹן וֻמִשחֲתָא/וֻמִשחָא#2#/ חֲדָא לְאַלַיָא/לְאִליָא#2#/ מִכָא וֻמִכָא׃
40:11 )1( [ai]וֻמשַח יָת פֻתיָא דְמַעֲלַנָא דְתַרעָא עֲסַר אַמִין אֻרכָא דְתַרעָא תְלָת עַסרֵי אַמִין׃
40:12 )1( [ai]וֻתחוּמָא דִקדָם תָוַיָא אַמְתָא חֲדָא וְאַמְתָא חֲדָא תְחוּמָא מִכָא תַוַיָא שֵית אַמִין מִכָא וְשֵית אַמִין מִכָא׃
40:13 )1( [ai]וֻמשַח יָת תַרעָא מֵאִיגָר תַוָא לְאִיגָרֵיה פוּתיָא עַסרִין וַחֲמֵיש אַמִין תְרַע לָקֳבֵיל תְרַע׃
40:14 )1( [ai]וַעֲבַד יָת אַלַיָא/אִליָא#2#/ שִתִין <אַמִין#3#> רוּמְהוֹן אַמְתָא חֲדָא וְעַל אַלָא/אִלָא#2#/ דְדָרְתָא דְתַרעָא סְחוֹר סְחוֹר׃
40:15 )1( [ai]וֻקדָם תַרעָא מְצִיעָאָה דִקדָם אוּלַמָא דְתַרעָא גַוַאָה חַמשִין אַמִין׃
40:16 )1( [ai]וְכַוִין סְתִימָן לְתַוַיָא וֻלאַלֵיהוֹן מִגָיו לְתַרעָא סְחוֹר סְחוֹר וְכֵין לְאוּלַמַיָא וְכַוִין סְחוֹר סְחוֹר לְגָיו וְעַל אַלָא/אִלָא#2#/ כוֹתַרתָא׃
40:17 )1( [ai]וְאַעֲלַנִי לְדָרְתָא בָריָתָא וְהָא לִשכָן וְרִצפְתָא עֲבִיד לְדָרְתָא סְחוֹר סְחוֹר תְלָתִין לִשכָן עַל רִצפְתָא׃
40:18 )1( [ai]וְרִצפְתָא לְעָבְרָא דְתַרעַיָא לָקֳבֵיל אוּרכָא דְתַרעַיָא רִצפְתָא אַרעִיתָא׃
40:19 )1( [ai]וֻמשַח פֻתיָא מִן קֳדָם תַרעָא מְצִיעָאָה/אַרעָאָה#2#/ דִקדָם דָרְתָא גָוָיתָא מִלְבַרָא מְאָה אַמִין לְמַדנְחָא וֻלצִפוּנָא׃
40:20 )1( [ai]וְתַרעָא דִפתִיַח לְאוֹרַח צִפוּנָא לְדַרְתָא בָרָיתָא מְשָח אוּרכֵיה וֻפֻתיֵה׃
40:21 )1( [ai]וְתַווֹהִי תְלָתָה מִכָא וֻתלָתָה מִכָא וְאַלוֹהִי וְאוּלַמוֹהִי <וְכוֹתְרָתֵיה#3#> הֲוָה כְמִשחָת תַרעָא קַדמָאָה חַמשִין אַמִין אוּרכֵיה וֻפוּתיָא עַסרִין וַחֲמֵיש אַמִין׃
40:22 )1( [ai]וְכַווֹהִי וְאוּלַמוֹהִי וְכוֹתְרָתֵיה כְמִשחָת תַרעָא דִפתִיַח לְאוֹרַח מַדנְחָא וֻבדַרגִין שִבעָה סַלְקִין בֵיה וְאוּלַמוֹהִי קֳדָמֵיהוֹן׃
40:23 )1( [ai]וְתַרעָא לְדַרְתָא גָוָיתָא לִקבֵיל תַרעָא דִפתִיַח לְצִיפוּנָא וֻלמַדנְחָא וֻמשַח מִתְרַע לִתרַע מְאָה אַמִין׃
40:24 )1( [ai]וְאוֹבְלַנִי בְאוֹרַח דְרוֹמָא וְהָא תַרעָא חַד פְתִיַח לְאוֹרַח דְרוֹמָא וֻמשַח אַלוֹהִי/אילהוי#3#/ וְאוּלַמוֹהִי כְמִשחָתָא הָאִלֵין׃
40:25 )1( [ai]וְכַוִין לֵיה וֻלאוּלַמוֹהִי סְחוֹר סְחוֹר כְכַוַיָא הָאִלֵין חַמשִין אַמִין אוּרכָא וֻפוּתיָא עַסרִין וַחֲמֵיש אַמִין׃
40:26 )1( [ai]וְדַרגִין שִבעָה דַרגוֹהִי וְאוּלַמוֹהִי קֳדָמֵיהוֹן וְכוֹתְרָן לֵיה חֲדָא מִכָא וֻחדָא מִיכָא עַל אַלוֹהִי/אילוהי#3#/׃
40:27 )1( [ai]וְתַרעָא <דפתיח#3#> לְדַרְתָא גָוָיתָא בְאוֹרַח דְרוֹמָא וֻמשַח מִתְרַע לִתרַע בְאוֹרַח דְרוֹמָא מְאָה אַמִין׃
40:28 )1( [ai]וְאַעֲלַנִי לְדָרְתָא גָוָיתָא בִתרַע/באורח#3#/ דָרוֹמָא וֻמשַח יָת תְרַע דָרוֹמָא כְמִשחָתָא הָאִלֵין׃
40:29 )1( [ai]וְתַווֹהִי וְאַלוֹהִי/ואילוהי#3#/ וְאוּלַמוֹהִי כְמִשחָתָא הָאִלֵין וְכַוִין לֵיה וֻלאוּלַמוֹהִי סְחוֹר סְחוֹר חַמשִין אַמִין אוּרכָא וֻפֻתיָא עַסרִין וַחֲמֵיש אַמִין׃
40:30 )1( [ai]וְאוּלַמַיָא סְחוֹר סְחוֹר אוּרכָא עַסרִין וַחֲמֵיש אַמִין וֻפוּתיָא חֲמֵיש אַמִין׃
40:31 )1( [ai]וְאוּלַמוֹהִי לְדָרְתָא בָרָיתָא וְכוֹתְרָן עַל אַלוֹהִי/אילוהי#3#/ וְדַרגִין/וְדַרגוֹהִי#2#/ תְמָניָא דַרגוֹהִי׃
40:32 )1( [ai]וְאַעֲלַנִי לְדָרְתָא גָוָיתָא בְאוֹרַח מַדנְחָא וֻמשַח יָת תַרעָא כְמִשחָתָא הָאִלֵין׃
40:33 )1( [ai]וְתַווֹהִי וְאַלוֹהִי/ואילוהי#3#/ וְאוּלַמוֹהִי כְמִשחָתָא הָאִלֵין וְכַוִין לֵיה וֻלאוּלַמוֹהִי סְחוֹר סְחוֹר אוּרכָא חַמשִין אַמִין וֻפֻתיָא עַסרִין וַחֲמֵיש אַמִין׃
40:34 )1( [ai]וְאוּלַמוֹהִי לְדָרְתָא בָרָיתָא וְכוֹתְרָן עַל אַלוֹהִי/אילוהי#3#/ מִכָא וֻמִכָא וֻתמָניָא דַרגִין דַרגוֹהִי׃
40:35 )1( [ai]וְאַעֲלַנִי לְתַרעָא דִפתִיַח לְצִפוּנָא וֻמשַח כְמִשחָתָא הָאִלֵין׃
40:36 )1( [ai]תַווֹהִי אַלוֹהִי וְאוּלַמוֹהִי וְכַוִין לֵיה סְחוֹר סְחוֹר אוּרכָא חַמשִין אַמִין וֻפוּתיָא עַסרִין וַחֲמֵיש אַמִין׃
40:37 )1( [ai]וְאַלוֹהִי/ואילוהי#3#/ לְדַרְתָא בָרָיתָא וְכוֹתְרָן עַל אַלוֹהִי/אילוהי#3#/ מִכָא וֻמִכָא וֻתמָניָא דַרגִין דַרגוֹהִי׃
40:38 )1( [ai]וְלִשכְתָא פְתִיחָא בְאַלַיָא/באיליא#3#/ דְתַרעַיָא תַמָן מְתַקְנִין יָת עֲלָתָא׃
40:39 )1( [ai]וֻבאוּלַמָא דְתַרעָא תְרֵין פָתוּרִין מִכָא וֻתרֵין פָתוּרִין מִכָא לְמִכַס עֲלֵיהוֹן עֲלָתָא וְחַטָתָא וַאֲשָמָא׃
40:40 )1( [ai]וֻלעִברָא דְמִבַרָא לְמַסְקַנָא בְמַעֲלַנָא דִתרַע צִפוּנָא תְרֵין פָתוּרִין וֻלעִברָא אוּחרָנָא דִלאוּלַמָא דְתַרעָא תְרֵין פָתוּרִין׃
40:41 )1( [ai]אַרבְעָה פָתוּרִין מִכָא וְאַרבְעָה פָתוּרִין מִכָא לְעִברָא דְתַרעָא תְמָניָא פָתוּרִין בֵינֵיהוֹן נָכְסִין׃
40:42 )1( [ai]וְאַרבְעָה פָתוּרִין לַעֲלָתָא דְאַבנֵי גָזִית אוּרכָא אַמְתָא חֲדָא וֻפלַג וֻפוּתיָא אַמְתָא חֲדָא וֻפלַג וְרוּמָא אַמְתָא חֲדָא עֲלֵיהוֹן יָחֲתוּן יָת מָנַיָא דְיִכְסוּן יָת עֲלָתָא בְהוֹן וְנִכסַת קוּדשַיָא׃
40:43 )1( [ai]וְעוֹנַקלִין נָפְקִין פְשַך חַד קְבִיעִין בְעַמוּדֵי בֵית מַטבְחִין מִגָיו לְאוּלַמַיָא/לְאוּלַמָא#2#/ סְחוֹר סְחוֹר וְעַל פָתוּרַיָא בְסַר/בָתַר#3#/ קוּרבָנָא׃
40:44 )1( [ai]וֻמִבַרָא לְתַרעָא גַוָאָה לִשכַת לֵיוָאֵי בְדָרְתָא גָוָיתָא דִלעֵיבַר תְרַע צִפוּנָא וְאַפֵיהוֹן לְאוֹרַח דָרוֹמָא חַד לְעֵיבַר תְרַע מַדנְחָא אַפֵי אוֹרַח צִפוּנָא׃
40:45 )1( [ai]וֻמַלֵיל עִמִי דָא לִשכְתָא דִפתִיחָא לְאוֹרַח דָרוֹמָא לְכָהֲנַיָא נָטְרֵי מַטְרַת בֵיתָא׃
40:46 )1( [ai]וְלִשכְתָא דִפתִיחָא לְאוֹרַח צִפוּנָא <דרומא לכהניא נטרי מטרת ביתא ולישכתא דפתיחא לאורח#3#> לְכָהֲנַיָא נָטְרֵי מַטְרָת מַדבְחָא אִנוּן בְנֵי צָדוֹק דְקָרִיבִין מִבְנֵי לֵוִי לְפֻלחָנָא דַיוי לְשַמָשָא קֳדָמוֹהִי׃
40:47 )1( [ai]וֻמשַח יָת דָרְתָא אוּרכָא מְאָה אַמִין וֻפוּתיָא מְאָה אַמִין מְרֻבַע וֻמַדבְחָא דִקדָם בֵיתָא׃
40:48 )1( [ai]וְאַעֲלַנִי לְאוּלַמָא דְבֵיתָא וֻמשַח אַלָא/אילא#3#/ דְאוּלַמָא חֲמֵש אַמִין מִכָא וַחֲמֵיש אַמִין מִכָא וֻפוּתיָא דְתַרעָא תְלָת אַמִין מִיכָא וֻתלָת אַמִין מִכָא׃
40:49 )1( [ai]אוּרכַא דְאוּלַמָא עַסרִין אַמִין וֻפֻתיָא חֲדָא עַסרֵי אַמִין וֻבדַרגִין דְסָלְקִין לֵיה וְעַמוּדַיָא עַל אַליָא/אַלַיָא#3#/איליא#3#/ חַד מִכָא וְחַד מִכָא׃

next chapter