← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


41:01 )1( [ai]וְאַעֲלַנִי לְהֵיכְלָא וֻמשַח יָת אַלַיָא/איליא#3#/ שֵית אַמִין פוּתיָא מִכָא וְשֵית אַמִין פוּתיָא מִכָא פוּתיָא דְמַשכְנָא/דְבֵיתָא#3#/׃
41:02 )1( [ai]וֻפוּתיָא דְתַרעָא עֲסַר אַמִין וְכִתפֵי תַרעָא חֲמֵיש אַמִין מִכָא וָחֲמֵיש אַמִין מִכָא וֻמשַח אוּרכֵיה אַרבְעִין אַמִין וֻפוּתיָא עַסרִין אַמִין׃
41:03 )1( [ai]וְעַל לְגָיו וֻמשַח אַלָא/אילא#3#/ דְתַרעָא תַרתֵין אַמִין וְתַרעָא שֵית אַמִין וֻפוּתיָא דְתַרעָא שְבַע אַמִין׃
41:04 )1( [ai]וֻמשַח יָת אוּרכֵיה עַסרִין אַמִין וֻפוּתיָא עַסרִין אַמִין דִקדָם הֵיכְלָא וַאֲמַר לִי דֵין בֵית קוֹדַש קוּדשַיָא׃
41:05 )1( [ai]וֻמשַח כוּתלָא דְבֵיתָא שֵית אַמִין וֻפוּתיָא דִמחִיצְתָא אַרבָע אַמִין סְחוֹר סְחוֹר מַקַף לְבֵיתָא סְחוֹר סְחוֹר׃
41:06 )1( [ai]וֻמחִיצַיָא מְחִיצָא עַל מְחִיצָא תְלָתִין וֻתלָת חֲדַא עַסרֵי בְסִדרָא קְבִיעָן בְכוּתלַיָא דְמִגָיו לִמחִיצַיָא סְחוֹר סְחוֹר לְמִהוֵי רֵישֵי שַריָתָא נָיְחָן עַל זִיזַיָא וְלָא יִהוְיָן שָריָתָא מַעבְרָן בְכוּתלֵי בֵיתָא׃
41:07 )1( [ai]וֻפוּתיָא מְסִיבְתָא וְסַלְקָא לְעֵילָא לְעֵילָא מִן מְחִיצַיָא אֲרֵי מַקְפָא בֵיתָא וְסַלְקָא לְעֵילָא לְעֵילָא סְחוֹר סְחוֹר לְגָיו עַל כֵין פְתֵי בֵיתָא/בתי#3#/ מִלְעֵילָא וְכֵין בִמסִיבְתָא סָלְקִין מִן אַרעָיתָא לְעִלִיתָא בְאוֹרַח מְצִיעָיתָא׃
41:08 )1( [ai]וַחֲזֵית לְבֵיתָא רוּמָא סְחוֹר סְחוֹר מְשַכלְלָן מְחִיצַיָא מִשחַת קַניָא שֵית אַמִין רוּחַ׃
41:09 )1( [ai]פוּתיָא דְכוּתלָא דִמחִיצְתָא דִלבַרָא חֲמֵיש אַמִין וַאֲתַר שְבִיק בֵית מְחִיצַיָא דִלגָיו׃
41:10 )1( [ai]וֻבֵין לִשכָתָא פוּתיָא עַסרִין אַמִין סְחוֹר סְחוֹר מַקַף לְבֵיתָא סְחוֹר סְחוֹר׃
41:11 )1( [ai]וְתַרעָא דִמחִיצְתָא לַאֲתַר שְבִיק/שָבֵיק#2#/ תַרעָא חַד פְתִיַח לְאוֹרַח צִפוּנָא וְתַרעָא חַד פְתִיַח לְדָרוֹמָא וֻפוּתיָא דַאֲתַר שְבִיק/שָבֵיק#2#/ חֲמֵיש אַמִין סְחוֹר סְחוֹר׃
41:12 )1( [ai]וֻבִניָנָא דִקדָם בִצוּרתָא רוּחַ אוֹרַח מַערְבָא פוּתיָא שִבעִין אַמִין וְכוּתלָא דְבִניָנָא חֲמֵיש אַמִין פוּתיָא סְחוֹר סְחוֹר וְאוּרכֵיה תִשעִין אַמִין׃
41:13 )1( [ai]וֻמשַח יָת בֵיתָא אוּרכָא מְאָה אַמִין וֻבִיצוּרתָא וֻבִניָנָא וְכוּתלַיָא אוּרכָא מְאָה אַמִין׃
41:14 )1( [ai]וֻפוּתיָא דִקדָם בֵיתָא וֻבִיצוּרתָא לְמַדנְחָא מְאָה אַמִין׃
41:15 )1( [ai]וֻמשַח אוּרכָא דְבִניָנָא דִקדָם בִיצוּרתָא דִלאֲחוֹרַהָא וְזִויָתַהָא מִכָא וֻמִכָא מְאָה אַמִין וְהֵיכְלָא גָוָאָה וְאוּלַמֵי דָרְתָא׃
41:16 )1( [ai]סִפַיָא וְכַוִין סְתִימַן וְעַתִיקַיָא/וְאַתִיקַיָא#2#/ סְחוֹר סְחוֹר לִתלָתֵיהוֹן לִקבֵיל סִפָא דְחָפֵי נִסרִין דְאַרזָא סְחוֹר סְחוֹר וְאַרעָא עַד כַוַיָא וְכַוִין סְתִימָן׃
41:17 )1( [ai]עַד לְעֵילָא מִן תַרעָא וְעַד/ומן#3#/ בֵיתָא גַוָאָה וֻלבַרָא וְעַל כָל כוּתלָא סְחוֹר סְחוֹר מִלְגָיו וֻמִלבָרָא מִשחָן׃
41:18 )1( [ai]וֻגלִיף כְרוּבִין וְכוֹתְרָן וְכוֹתְרָתָא בֵין כְרוּבָא לִכרוּבָא וֻתרֵין אַפִין לִכרוּבָא׃
41:19 )1( [ai]וְאַפֵי אֲנָשָא עֲבֵיד לְכוֹתַרהָא מִכָא וְאַפֵי אַריָא עַבֵיד לְכוֹתַרתָא מִכָא גְלִיף עַל כָל בֵיתָא סְחוֹר סְחוֹר׃
41:20 )1( [ai]מֵאַרעָא עַד לְעֵילָא מִן תַרעָא כְרוּבִין וְכוֹתְרָן גְלִיפִין וְכֵין/וֻבֵין#2#/ לְכוּתלָא דְהֵיכְלָא׃
41:21 )1( [ai]הֵיכְלָא דְסִיפוֹהִי מְרֻבְעִין וְאַפֵי בֵית כַפוֹרֵי חִזוֵיה כְחֵיזוֹ יְקָרָא׃
41:22 )1( [ai]כִקבֵיל מַדבְחָא פָתוּרָא דְאָעָא תְלָת אַמִין רוּמֵיה וְאוּרכֵיה תַרתֵין אַמִין וְזִויָן לֵיה וְאוּרכֵיה וְכוּתלוֹהִי אַעָא וֻמַלֵיל עִמִי דֵין פָתוּרָא דִקדָם יוי׃
41:23 )1( [ai]וְתַרתֵין דַשִין לְהֵיכְלָא וֻלבֵית כַפוֹרֵי׃
41:24 )1( [ai]וְתַרתֵין דַשִין אִימְהָן לְדַשַיָא תַרתֵין מַקְפָן דַשִין תַרתֵין לְדַשָא חֲדָא וְתַרתֵין דַשִין לְאוֹחרָנְתָא׃
41:25 )1( [ai]וֻגלִיף עֲלֵיהוֹן עַל דַשֵי הֵיכְלָא כְרוּבִין וְכוֹתְרָן כְמָא דִגלִיף עַל כוּתלַיָא וֻסקוּפְתָא דְאָעָא עַל אַפֵי אוּלַמָא מִלְבָרָא׃
41:26 )1( [ai]וְכַוִין סְתִימָן וְכוֹתְרָתָא מִכָא וֻמִכָא עַל כַתפֵי אוּלַמָא וֻמחִצָת בֵיתָא וֻסקוּפַיָא׃

next chapter