← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


46:01 )1( [ai]כִדנָן אֲמַר יוי אֲלֹהִים תַרעָא דְדָרְתָא גָוָיתָא דִפתִיַח לְמַדנְחָא יְהֵי אֲחִיד שְתָא/שִבעָה#3#/ יוֹמֵי חוּלָא וֻביוֹמָא דְשַבְתָא יְהֵי פְתִיַח וֻביוֹמָא דְיַרחָא יְהֵי פְתִיַח׃
46:02 )1( [ai]וְיֵיעוֹל רַבָא בְאוֹרַח אוּלַמָא דְתַרעָא מִלְבָרָא/לְמִבַרָא#3#/ וִיקוּם עַל סְקוּפַת תַרעָא וְיַעבְדוּן כְהָנַיָא יָת עֲלָתֵיה וְיָת נִכסַת קוּדשוֹהִי וְיִסגוֹד עַל סְקוּפַת תַרעָא וְיִפוֹק וְתַרעָא לָא יִתאֲחַד עַד רַמשָא׃
46:03 )1( [ai]וְיִסגְדוּן עַמָא דְאַרעָא בְמַעֲלַנָא דְתַרעָא הַהוּא בְשַבַיָא וֻבַירַחיָא קֳדָם יוי׃
46:04 )1( [ai]וַעֲלָתָא דִיקָרֵיב רַבָא קֳדָם יוי בְיוֹמָא דְשַבְתָא שִתָא אִמְרִין שַלמִין וֻדכַר שְלִים׃
46:05 )1( [ai]וֻמִנחָתָא מְכִילְתָא לְדִכרָא וֻלאִמְרַיָא מִנחָתָא דְתַדבֵיק יְדֵיה וֻמִשחָא מְלֵי הִינָא לִמכִילְתָא׃
46:06 )1( [ai]וֻביוֹמָא דְיַרחָא תוֹר בַר תוֹרֵי שְלִים וְשִתָא אִמְרִין וֻדכַר שַלמִין יְהוֹן׃
46:07 )1( [ai]וֻמכִילְתָא לְתוֹרָא וֻמכִילְתָא לְדִכרָא יַעֲבֵיד מִנחָתָא וֻלאִימְרַיָא כְמָא דְתַדבֵיק יְדֵיה וֻמִשחָא/ומנחתא#3#/ מְלֵי הִינָא לִמכִילְתָא׃
46:08 )1( [ai]וֻבמֵיעַל רַבָא בְאוֹרַח אוּלַמָא דְתַרעָא <למיסג{ר}<ד> קדם ייי באורח אולמא דתרעא#3#> יֵיעוֹל וֻבאוֹרחֵיה יִפוֹק׃
46:09 )1( [ai]וֻבמֵיעַל עַמָא דְאַרעָא לִמִסגַד קֳדָם יוי בְמוֹעֲדַיָא דְעָלֵיל בְאוֹרַח תְרַע צִיפוּנָא לְמִסגַד יִפוֹק בְאוֹרַח תְרַע דָרוֹמָא וֻדיֵיעוֹל בְאוֹרַח תְרַע דָרוֹמָא יִפוֹק בְאוֹרַח תְרַע צִיפוּנָא לָא יְתוּב בְאוֹרַח תַרעָא דְעַל בֵיה אֲרֵי לְקִבלֵיה יִפוֹק׃
46:10 )1( [ai]וְרַבָא בֵינֵיהוֹן בְמֵיעַלהוֹן יֵיעוֹל וֻבמִפַקהוֹן יִפְקוּן׃
46:11 )1( [ai]וֻבחַגַיָא וֻבמוֹעֲדַיָא תְהֵי מִנחָתָא מְכִילְתָא לְתוֹרָא וֻמכִילְתָא לְדִכרָא וֻלאִמְרַיָא דְתַדבֵיק יְדֵיה וֻמִשחָא מְלֵי הִינָא לִמכִילְתָא׃
46:12 )1( [ai]וַאֲרֵי יַעֲבֵיד רַבָא נְדַבתָא עֲלָתָא אוֹ נִכסַת קוּדשַיָא נְדַבתָא קֳדָם יוי וְיִפתַח לֵיה יָת תַרעָא דִפתִיַח לְמַדנְחָא וְיַעֲבֵיד יָת עֲלָתֵיה וְיָת נִכסַת קוּדשוֹהִי כְמָא דְיַעֲבֵיד בְיוֹמָא דְשַבְתָא וְיִפוֹק וְיֵיחוֹד יָת תַרעָא בָתַר מִפְקֵיה׃
46:13 )1( [ai]וְאִימַר בַר שַתֵיה שְלִים תַעֲבֵיד עֲלָתָא לְיוֹמָא קֳדָם יוי בִצפַר בִצפַר תַעֲבֵיד יָתֵיה׃
46:14 )1( [ai]וֻמִנחָתָא תַעֲבֵיד עַלוֹהִי בִצפַר בִצפַר חַד מִן שִיתָא בִמכִילְתָא וֻמִשחָא תַלתוּת הִינָא לְעָרָבָא יָת סוּלתָא מִנחָתָא קֳדָם יוי קְיָם עָלַם תְדִירָא׃
46:15 )1( [ai]יַעבְדוּן יָת אִימְרָא וְיָת מִנחָתָא וְיָת מִשחָא בִצפַר בִצפַר/בטפר#3#/ עֲלַת תְדִירָא׃
46:16 )1( [ai]כִדנָן אֲמַר יוי אֲלֹהִים אֲרֵי יִתֵין רַבָא מַתְנָא לְחַד מִבְנוֹהִי אַחסָנְתֵיה הִיא דִבנוֹהִי תְהֵי אֲחוּדַתהוֹן הִיא בְאַחסָנָא׃
46:17 )1( [ai]וַאֲרֵי יִתֵין מַתְנָא מֵאַחסָנְתֵיה לְחַד מֵעַבדוֹהִי וֻתהֵי לֵיה עַד שַתָא דְיוֹבֵילָא וֻתתוּב לְרַבָא בְרַם/בְיוֹם#3#/ אַחסָנְתֵיה דִבנוֹהִי דִילְהוֹן תְהֵי׃
46:18 )1( [ai]וְלָא יִסַב רַבָא מֵאַחסָנַת עַמָא לְמֵינַסהוֹן מֵאַחסָנַתהוֹן מֵאַחסָנְתֵיה יַחסֵין לִבנוֹהִי בְדִיל דְלָא יִתבַדְרוּן עַמִי גְבַר מֵאָחסָנְתֵיה׃
46:19 )1( [ai]וְאַעֲלַנִי בְמַעֲלַנָא דִלעֵיבַר תַרעָא לְלִשכַת/קודשיא#3#/ קוּדשָא דְכָהֲנַיָא דִפתִיחָן לְצִיפוּנָא וְהָא תַמָן אַתרָא בְסוֹפְהוֹן מַערְבָא׃
46:20 )1( [ai]וַאֲמַר לִי דֵין אֲתַר דִיבַשְלוּן תַמָן כָהֲנַיָא יָת אֲשָמָא וָיָת חַטָתָא דְיֵיפוֹן יָת מִנחָתָא בְדִיל דְלָא לְאַפָקָא לְדָרְתָא בְרָיתָא לְאִתעָרָבָא עִם עַמָא׃
46:21 )1( [ai]וְאַפְקַנִי לְדָרְתָא בָרָיתָא וְאַעבְרַנִי עַל אַרבַע זָויָת דָרְתָא וְהָא דָרְתָא בְזָוִית דָרְתָא דָרְתָא בְזָוִית דָרְתָא׃
46:22 )1( [ai]בְאַרבַע זָויָת דָרָתָא דָרְתָא מְקַטְרָן/מְקֻטְרָא#3#/ אַרבְעִין אוּרכָא וֻתלָתִין פֻתיָא מִשחֲתָא חֲדָא לְאַרבַעתֵיהוֹן דְדָרָתָא׃
46:23 )1( [ai]וְנִדבָכִין עֲבִידִין לְהוֹן סְחוֹר סְחוֹר לְאַרבַעתֵיהוֹן וַאֲתַר לְבַשָלָא עֲבִיד מִלְרַע לְנִדבָכַיָא סְחוֹר סְחוֹר׃
46:24 )1( [ai]וַאֲמַר לִי דֵין/אלין#3#/ אֲתַר מְתֻקַן לְבַשָלָא דִיבַשְלוּן תַמָן מְשַמְשֵי בֵיתָא יָת נִכסַת קוּדשַיָא דִלעַמָא׃

next chapter