← Back
The Comprehensive Aramaic Lexicon
← Return to the Text Browser
click on the file description for more information
51016: TgJ Joel

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


02:01 )1( [ai]תְקַעוּ שוֹפָרָא בְצִיוֹן וְיַבִיבוּ בְטוּרָא דְקוּדשִי יְזוּעוּן כָל יָתְבֵי אַרעָא אֲרֵי מְטָא יוֹמָא דַעֲתִיד לְמֵיתֵי מִן קֳדָם יוי אֲרֵי קָרִיב׃
02:02 )1( [ai]יוֹם חֲשוֹך וֻקבַל יוֹם עֲנָנָא וַאֲמִטְתָא כְנֵיהוֹר צַפרָא דִפרִיס עַל טוּרַיָא עַם רַב וְתַקִיף דִכוָתֵיה לָא הֲוָה מִן עָלְמָא וֻבָתְרוֹהִי לָא יוֹסֵיף עַד שְנֵי דָר וְדָר׃
02:03 )1( [ai]קֳדָמוֹהִי אָכְלָא אִישָתָא וֻבָתְרוֹהִי מְשֵיצְיָא שַלהָבִיתָא כְגִינְתָא דְעֵדַן אַרעָא קֳדָמוֹהִי וֻבָתְרוֹהִי מִדבַר צָדֵי וְאַף שֵיזָבָא לֵית בֵיה לְרַשִיעַיָא׃
02:04 )1( [ai]כְחֵיזוּ סוּסָוָתָא חִזוֵיהוֹן וֻכפָרָשַיָא כֵין רָהֲטִין׃
02:05 )1( [ai]כְקָל רְתִיכַיָא עַל רֵישֵי טוּרַיָא מְקַפְצִין כְקָל שַלהוֹבִי אַשָא/אִישָא#3#/ דִמשֵיצְיָא בְקַשָא יַבִישָא כְעַמָא תַקִיפָא דְיָדַע סִדרֵי קְרָבָא׃
02:06 )1( [ai]מִן קֳדָמוֹהִי יְזוּעוּן עַמְמַיָא כָל אַפַיָא אִתחֲפַאוּ/אִתחֲפַאָה#3#/ אִכְרוּם אוּכָמִין כְקִדרָא׃
02:07 )1( [ai]כְגִיבָרַיָא רָהֲטִין כְגוּברֵי עָבְדֵי קְרָבָא סָלְקִין לְשוּרָא וֻגבַר בְאוֹרחֵיה אָזְלִין וְלָא מְעַכְבִין אוֹרחָתְהוֹן׃
02:08 )1( [ai]וֻגבַר אֲחוּהִי לָא דָחֲקִין גְבַר בִכבָשֵיה אָזְלִין וֻלאֲתַר דְאִינוּן שְלִיחִין אָזְלִין קָטְלִין וְלָא מְקַבְלִין מָמוֹן׃
02:09 )1( [ai]בְקַרתָא מְדָיְנִין/מִזדָיְנִין#3#/ עַל שוּרָא רָהִטִין בְבָתַיָא סָלְקִין מִן חֲרַכַיָא עָלִין כְגַנָבַיָא׃
02:10 )1( [ai]קֳדָמוֹהִי חֲרוֹבַת אַרעָא זָעוּ שְמַיָא שִמשָא וְסֵיהֲרָא קְבַלוּ וְכוֹכְבַיָא כְנַשוּ זֵיהוֹרֵיהוֹן׃
02:11 )1( [ai]וַיוי אֲרִים מֵימְרֵיה קֳדָם מַשרְיָתֵיה אֲרֵי סַגִיאָן לַחדָא מַשרְיָתֵיה אֲרֵי תַקִיפִין עָבְדֵי מֵימְרֵיה אֲרֵי רָב יוֹמָא דַעֲתִיד לְמֵיתֵי מִן קֳדָם יוי וְחַסִין לַחדָא וֻמַן יָכוֹל לְסוֹבָרוּתֵיה׃
02:12 )1( [ai]וְאַף כְעַן אֲמַר יוי תוּבוּ לְפֻלחָנִי בְכָל לִבְכוֹן וֻבצוֹמָא וֻבִבכֵיתָא וֻבמִספֵדָא׃
02:13 )1( [ai]וְאַעדוֹ רְשַע לִיבְכוֹן וְלָא בְבִיזוּע לְבוּשֵיכוֹן וְתוּבוּ לְפֻלחָנָא דַיוי אֲלָהֲכוֹן אֲרֵי חַנָנָא וְרַחמָנָא הוּא מַרחֵיק רְגַז וֻמַסגֵי לְמַעֲבַד טַבוָן וֻמתִיב מֵימְרֵיה מִלְאֵיתָאָה בִישָא׃
02:14 )1( [ai]מַן יָדַע דְאִית בִידֵיה חוֹבִין יְתוּב מִנְהוֹן וְיִתרַחַם עֲלוֹהִי וְכָל מַן דִיתוּב יִשתְבֵיק לֵיה חוֹבוֹהִי וִיקַבֵיל בִרכָן וְנַחָמָן וֻצלוֹתֵיה כִגבַר דִמקָרֵיב קוּרבָנִין וְנִסכִין בֵית מַקדְשָא דַיוי אֲלָהֲכוֹן׃
02:15 )1( [ai]תְקַעוּ שוֹפָרָא בְצִיוֹן גְזַרוּ תַענֵי/צוֹמָא#3#/ עָרַעוּ כְנֵישָא׃
02:16 )1( [ai]כְנוּשוּ עַמָא זָמִינוּ קְהָלָא כְנוּשוּ סָבַיָא אֵיתוֹ טַליָא/טַלַיָא#3#/עלליא#3#/ וְיָנְקֵי תַדיָא יִפוֹק חַתְנָא מֵאִדְרוֹן בֵית מִשכְבֵיה וְכַלְתָא מִבֵית גְנוּנַהָא׃
02:17 )1( [ai]בֵין אוּלַמָא וֻלמַדבְחָא יִבכוֹן כָהֲנַיָא דִמשַמְשִין קֳדָם יוי וְיֵימְרוּן חוּס יוי עַל עַמָך וְלָא תִתֵין אַחסָנְתָך לְחִיסוּדִין לְמִשלַט בְהוֹן עַמְמַיָא לְמָא יֵימְרוּן בֵינֵי עַמְמַיָא אָן דְאִתפְרִיקוּ בְמֵימַר אֲלָהֲהוֹן׃
02:18 )1( [ai]וְחָס יוי עַל אַרעֵיה וְרַחֵים עַל עַמֵיה׃
02:19 )1( [ai]וַאֲתֵיב יוי וַאֲמַר לְעַמֵיה הָאֲנָא מְבָרֵיך לְכוֹן עֲבוּרָא וְחַמרָא וֻמִשחָא וְתִסבְעוּן יָתֵיה וְלָא אַתֵין יָתְכוֹן עוֹד חִסוּדֵי כַפנָא בֵינֵי עַמְמַיָא׃
02:20 )1( [ai]וְיָת עַמָא דְאָתֵי מִצִפוּנָא אַרחֵיק מִנְכוֹן וְאַגלֵינֵיה לַאֲרַע צָדיָא וְחָרבָא רֵישֵיה לְיַמָא מַדנְחָאָה וְסוֹפֵיה לְיַמָא מַערְבָאָה וְתִיסַק סְרוּתֵיה וִיהָך רֵיחֵיה אֲרֵי אַסגִי לְמַעֲבַד בִישָן׃
02:21 )1( [ai]לָא תִדחֲלִין אַרעָא דְיִשרָאֵל בוּעִי וֻחדַא אֲרֵי אַסגִי יוי לְמַעֲבַד בִיך טָבוָן לְעַמֵיה׃
02:22 )1( [ai]לָא תִדחֲלָן חֵיוַת בָרָא אֲרֵי אִתעֲטַרוּ/אִתעַטַרוּ#3#/ דֵירָוָת מַדבְרָא אֲרֵי אִילָנָא אַצלַח אִבֵיה תֵינַיָא וְגוּפנַיָא טַעֲנוּ/טְעַנוּ#3#/ פֵירֵיהוֹן׃
02:23 )1( [ai]וֻבנֵי צִיוֹן בוּעוּ וַחדוֹ בְמֵימְרָא דַיוי אֲלָהָכוֹן אֲרֵי אְתֵיב לְכוֹן יָת מַלְפֵיכוֹן בִזכוּ וֻמַחֵית לְכוֹן מְטַר בַכִיר בְעִדָנֵיה וְלַקִישָא בְיַרַח נִיסָן׃
02:24 )1( [ai]וְיִתמַליָן אִידְרַיָא עֲבוּרָא וִיטוּפוּן נַעֲוַיָא חַמרָא וֻבַדַיָא/וֻבֵידַיָא#2#/ מִשחָא׃
02:25 )1( [ai]וַאֲשַלֵים לְכוֹן שְנַיָא טָבָתָא חֲלָף שְנַיָא דְבַזוּ יָתְכוֹן עַמְמַיָא וְלִישָנַיָא שִלטוֹנַיָא וֻמַלכְוָתָא פוֹרעָנוּת חֵילִי רַבָה דִשלַחִית בְכוֹן׃
02:26 )1( [ai]וְתֵיכְלוּן מֵיכַל וְתִסבְעוּן וֻתשַבְחוּן יָת שְמָא דַיוי אֲלָהֲכוֹן דַעֲבַד עִמְכוֹן פְרִישָן וְלָא יִבַהתוּן עַמִי בֵית יִשרָאֵל לְעָלַם׃
02:27 )1( [ai]וְתִידְעוּן אֲרֵי בְגוֹ בֵית יִשרָאֵל אַשרִיתִי שְכִינְתִי וַאֲנָא יוי אֲלָהֲכוֹן וְלֵית עוֹד וְלָא יִבַהתוּן עַמִי בֵית יִשרָאֵל לְעָלַם׃

next chapter