← Back
The Comprehensive Aramaic Lexicon
← Return to the Text Browser
click on the file description for more information
51017: TgJ Am

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

01:01 )1( [ai]פִתגָמֵי <נבואת#3#> עָמוֹס דַהֲוָה מָרֵי גֵיתִין מִתְקוֹעַ דְאִתנַבִי עַל יִשרָאֵל בְיוֹמֵי עֻזִיָה מַלַך שִבטָא דְבֵית יְהוּדָה וֻבִימֵי יָרָבעָם בַר יוֹאַש מַלכָא דְיִשרָאֵל תַרתֵין שְנִין קֳדָם מֵיתֵי זְיָעָא׃
01:02 )1( [ai]וַאֲמַר יוי מִצִיוֹן יַכלֵי וֻמִירוּשלַם יְרִים מֵימְרֵיה וִיצַדוֹן מְדוֹרֵי מַלכַיָא וְיִחרַב תְקוֹף כַרכֵיהוֹן/מלכיהון#3#/׃
01:03 )1( [ai]כִדנָן אֲמַר יוי עַל תְלָתָה חוֹבֵי דַמַשַק וְעַל אַרבְעָה לָא אַשבוֹק לְהוֹן עַל דְדָשוּ בְמוּרגֵי בַרזְלָא יָת יָתְבֵי אֲרַע גִלעַד׃
01:04 )1( [ai]וַאֲשַלַח אִישָתָא בְבֵית חֲזָאֵל וֻתשֵיצֵי בִירָניָת בַר הֲדַד׃
01:05 )1( [ai]וְאַתבַר תְקוֹף דַמַשַק וַאֲשֵיצֵי יָתִיב מִבִקעַת אָוַן וְעָבֵיד שֻלטָן מִבֵית עַדַן וְיִגלוֹן עַמָא דַאֲרָם לְקִירֵינִי אֲמַר יוי׃
01:06 )1( [ai]כִדנָן אֲמַר יוי עַל תְלָתָה חוֹבֵי עַזָה וְעַל אַרבְעָה לָא אַשבוֹק לְהוֹן עַל דְאַגלִיאוּנוּן גָלוּ שַלמָא לְמִמסַר לַאֲדוֹם׃
01:07 )1( [ai]וַאֲשַלַח אִישָתָא בְשוּרֵי עַזָה וֻתשֵיצֵי בִירָניָתַהָא׃
01:08 )1( [ai]וַאֲשֵיצֵי יָתֵיב מֵאַשדוֹד וְעַבֵיד שֻלטָן מֵאַשקְלוֹן וַאֲתֵיב <ית#3#> מַחַת גְבוּרְתִי עַל עַקרוֹן וְיֵיבְדוּן שְאַרָא דִפלִשתָאֵי אֲמַר יוי אֲלֹהִים׃
01:09 )1( [ai]כִדנָן אֲמַר יוי עַל תְלָתָה חוֹבֵי צוֹר וְעַל אַרבְעָה לָא אַשבוֹק לְהוֹן עַל דִמסַרוּנוּן גָלוּ שַלמָא לַאֲדוֹם וְלָא אִידְכַרוּ קְיָים אַחִין׃
01:10 )1( [ai]וַאֲשַלַח אִישָתָא בְשוּרֵי צוֹר וֻתשֵיצֵי בִירָניָתַהָא׃
01:11 )1( [ai]כִדנָן אֲמַר יוי עַל תְלָתָה חוֹבֵי אֲדוֹם וְעַל אַרבְעָה לָא אַשבוֹק לְהוֹן עַל דְרַדפֵיה בְחַרבָא לַאֲחוֹהִי וְחַבֵיל רַחֲמוֹהִי וֻקטַל קְטוֹל עָלְמִין רוּגזֵיה וְחִמתֵיה נַטרַה לְאַפרָש׃
01:12 )1( [ai]וַאֲשַלַח אִישָתָא בְדָרוֹמָא וֻתשֵיצֵי בִירָניָת בָצרָה׃
01:13 )1( [ai]כִדנָן אֲמַר יוי עַל תְלָתָה חוֹבֵי בְנֵי עַמוֹן וְעַל אַרבְעָה לָא אַשבוֹק לְהוֹן עַל דְבַזַעוּ מְעַדְיָת אֲרַע גִלעָד בְדִיל לְאַפתָאָה יָת תְחוּמְהוֹן׃
01:14 )1( [ai]וְאַדלֵיק אִישָתָא בְשוּרֵי רַבָה וֻתשֵיצֵי בִירָניָתַהָא בְיַבָבָא בְיוֹמָא דִקרָבָא בְעַלעוּל בְיוֹם רוּחַ׃
01:15 )1( [ai]וִיהָך מַלכְהוֹן בְגָלוּתָא הוּא וְרַברְבוֹהִי כַחדָא אֲמַר יוי׃

next chapter