← Back
The Comprehensive Aramaic Lexicon
← Return to the Text Browser
click on the file description for more information
51017: TgJ Am

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


02:01 )1( [ai]כִדנָן אֲמַר יוי עַל תְלָתָה חוֹבֵי מוֹאָב וְעַל אַרבְעָה לָא אַשבוֹק לְהוֹן עַל דְאוֹקֵיד גַרמֵי מַלכָא דַאֲדוֹם וְסָדִינוּן בְגִירָא בְבֵיתֵיה׃
02:02 )1( [ai]וַאֲשַלַח אִישָתָא בְמוֹאָב וֻתשֵיצֵי בִירָניָת כַרכָא וִימוּת בְאִתרְגוֹשַא מוֹאָב בְיַבָבָא בְקָל שוֹפָרָא׃
02:03 )1( [ai]וַאֲשֵיצֵי דַיָנַהָא מִגַוַה וְכָל רַברְבַהָא אַקטוֹל/איתקטילו#3#/ עִמֵיה/כחדא#3#/ אֲמַר יוי׃
02:04 )1( [ai]כִדנָן אֲמַר דַיוי/יוי#2#/ עַל תְלָתָה חוֹבֵי <בֵית#2#> יְהוּדָה וְעַל אַרבְעָה לָא אַשבוֹק לְהוֹן עַל דְקָצוּ בְאוּרָיתָא דַיוי וֻקיָמוֹהִי לָא נְטַרוּ וְאַטעִיאוּנוּן כַדבֵיהוֹן דְהַלִיכוּ אֲבָהָתְהוֹן בָתְרֵיהוֹן׃
02:05 )1( [ai]וַאַשלַח אִישָתָא בִדבֵית יְהוּדָה וֻתשֵיצֵי בִירָניָת יְרוּשלַם׃
02:06 )1( [ai]כִדנָן אֲמַר יוי עַל תְלָתָה חוֹבֵי יִשרָאֵל וְעַל אַרבְעָה לָא אַשבוֹק לְהוֹן עַל דְזַבִינוּ בְכַספָא זַכָאִין/מיסכינין#3#/ וְחַשִיכַיָא בְדִיל דְיַחסְנוּן׃
02:07 )1( [ai]דְשָיְטִין כְעַפרָא/בְעַפרָא#2#/ דְאַרעָא <דישראל#3#> רֵיש מִסכֵינַיָא וְדִין חַשִיכַיָא מַסטַן וֻגבַר וַאֲבוּהִי אָזְלִין לְוָת/על#3#/ עוּלֵימְתָא \בְדִיל לְאַחָלָא /לאפסא#3#/ יָת שְמָא דְקוּדשִי׃
02:08 )1( [ai]וְעַל שְוָיִין דְמִשכוֹן/דְמַשכוֹן#2#/ מַסחֲרִין/מסהדין#3#/ בִסטַר <כל#3#> אֲגוֹרֵיהוֹן וַחֲמַר אוּנסָא שָתַן בֵית טָעֲוָתְהוֹן׃
02:09 )1( [ai]וַאֲנָא שֵיצִיתִי יָת אֲמוֹרָאָה מִן קֳדָמֵיהוֹן דִכרוּם אַרזִין רוּמֵיה וְחַסִין הוּא כְבַלוּטִין וְשֵיצִיתִי אִבֵיה מִלְעֵילָא וְשוּרשוֹהִי מִלְרַע׃
02:10 )1( [ai]וַאֲנָא אֲסִיקִית יָתְכוֹן מֵאַרעָא דְמִצרָיִם וְדַבַרִית יָתְכוֹן בְמַדבְרָא אַרבְעִין שְנִין לְמֵירַת יָת אַרעָא דְאֲמוֹרָאָה׃
02:11 )1( [ai]וַאֲקֵימִית מִבְנֵיכוֹן לִנבִיִין וֻמֵיעוּלֵימֵיכוֹן לְמַלְפִין/למלכין#3#/ הַאַף/הברם#3#/ לֵית דָא בְנֵי/בית#3#/ יִשרָאֵל אֲמַר יוי׃
02:12 )1( [ai]וְאַטעִיתוּן יָת מַלְפֵיכוֹן בְחַמרָא וְעַל נְבִיַיָא פַקֵידתוּן לְמֵימַר לָא תִתנַבוֹן נְבוּאָה׃
02:13 )1( [ai]הָאֲנָא מֵיתֵי עֲלֵיכוֹן עָקָא וֻמעִיק לְכוֹן בַאֲתַרכוֹן כְמָא דְפָיְקָא/דעייקא#3#/ עֲגַלתָא דִטעִינָא לַה/#2#/ עָמִירָא/עיבורא#3#/׃
02:14 )1( [ai]וְיֵיבַד בֵית עֵירוּקֵי מִדְקַלִיל וֻדתַקִיף לָא יְחַסֵין/יַחסֵין#2#/ חֵילֵיה וְגִיבָר/ודקליל#3#/ לָא יְשֵיזֵיב נַפשֵיה׃
02:15 )1( [ai]וְאָחֵיד קַשתָא לָא יְקוּם/יתקיים#3#/ <בחרבא#3#> וֻדקַלִיל בְרַגלוֹהִי לָא יִשתֵיזַב וְרָכֵיב סוּסיָא לָא יְשֵיזֵיב נַפשֵיה׃
02:16 )1( [ai]וֻדתַקִיף לִבֵיה בְגִיבָרַיָא עַרטִלָאָה דְלָא זֵין יִערוֹק בְעִדָנָא/ביומא#3#/ הַהוּא אֲמַר יוי׃

next chapter