← Back
The Comprehensive Aramaic Lexicon
← Return to the Text Browser
click on the file description for more information
51017: TgJ Am

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


07:01 )1( [ai]כְדֵין אַחזְיַנִי יוי אֲלֹהֵים וְהָא בִריַת גוֹבַי בְאַוַל צִימוּח לַקִיש/לַקִישָא#2#/ וְהָא צִמוּח דַעֲדַק בָתַר דְאִתגזֵיזַת שִיחֲתָא דְמַלכָא׃
07:02 )1( [ai]וַהֲוָה עַד לָא/כד#3#/ שֵיצִי לְמֵיכַל יָת עִסבָא דְאַרעָא וַאֲמַרִית קַבֵיל בְעוּתִי יוי אֲלֹהִים שְבוֹק כְעַן לְחוֹבֵי שְאָרָא דְבֵית יַעֲקֹב מַן יְקוּם וְיִבעֵי עַל חְטָאֵיהוֹן אֲרֵי מְטֻלטְלִין אִנוּן׃
07:03 )1( [ai]אֲתִיב יוי רוּגזֵיה מִן/על#3#/ דָא לָא תִתקַיַים אֲמַר יוי׃
07:04 )1( [ai]כְדֵין אַחזְיַנִי יוי אֲלֹהִים וְהָא עֲתִיד לִמדָן בְאִישָתָא יוי אֲלֹהִים וַאֲכַלַת יָת תְהוֹם רַבָה וְשֵיצִיאַת יָת אַחסָנְתָא/אַחסָנָא#2#/׃
07:05 )1( [ai]וַאֲמַרִית קַבֵיל בָעוּתִי יוי אֲלֹהִים שְבוֹק כְעַן לְחוֹבִי שְאָרָא \דְבֵית יַעֲקֹב /דישראל#3#/ <ארי#3#> מַן יְקוּם וְיִבעֵי עַל חְטָאֵיהוֹן אֲרֵי מְטֻלטְלִין אִינוּן׃
07:06 )1( [ai]אֲתִיב יוי רוּגזֵיה מִן/על#3#/ דָא אַף הִיא לָא תִתקַיַים אֲמַר יוי אֲלֹהִים׃
07:07 )1( [ai]כְדֵין אַחזְיַנִי וְהָא יוי מְעַתַד עַל שוּר דְדִין וֻקדָמוֹהִי דִין׃
07:08 )1( [ai]וַאֲמַר יוי לִי מָא אַת חָזֵי עָמוֹס וַאֲמַרִית דִין וַאֲמַר יוי <לי#3#> הָאֲנָא עָבֵיד דִין בְגוֹ עַמִי יִשרָאֵל לָא אוֹסֵיף עוֹד לְמִשבַק לְהוֹן׃
07:09 )1( [ai]וִיצַדְיָן/מַשרְיָן#2#/ בָמָת יִשחָק וֻמִקדְשֵי <בית#3#> יִשרָאֵל יִחרְבוּן וַאֲקֵים עַל בֵית יָרָבעָם דְקַטְלִין בְחַרבָא׃
07:10 )1( [ai]וֻשלַח אֲמַציָה רַבָא לְבֵית אֵל לְוָת יָרָבעָם מַלכָא דְיִשרָאֵל לְמֵימַר מְרֵיד עֲלָך עָמוֹס בְגוֹ בֵית יִשרָאֵל \לָא תִכוֹל /וְלָא תִבטַל#2#/ אַרעָא לְסוֹבָרָא יָת כָל פִתגָמוֹהִי׃
07:11 )1( [ai]אֲרֵי כִדנָן אֲמַר עָמוֹס בְחַרבָא יְמוּת/יִתקְטִיל#2#/ יָרָבעָם וְיִשרָאֵל מִגלָא יִגלוֹן מֵעַל אֲרַעהוֹן׃
07:12 )1( [ai]וַאֲמַר אֲמַציָה לְעָמוֹס נְבִיָא אֵיתַא אִיזֵיל לָך/#2#/ לְאַרעָא דְבֵית יְהוּדָה וַאֲכוֹל תַמָן לַחמָא וָתַמָן תִתנַבֵי/תִתקַיַים#2#/׃
07:13 )1( [ai]ובֵית אֵל לָא תוֹסֵיף עוֹד לְאִתנַבָאָה אֲרֵי מַקדַש מַלכָא הוּא וֻבֵית מַלכוּתָא הוּא׃
07:14 )1( [ai]וַאֲתֵיב עָמוֹס וַאֲמַר לַאֲמַציָה לָא נְבֵי אֲנָא וְלָא בַר נְבֵי אֲנָא אֲרֵי מָרֵי גֵיתִין אֲנָא וְשִקמִין לִי <נייח#3#> בְשָפֵילתָא מִן קֳדָם חוֹבֵי בֵית/#2#/ עַמִי אֲנָא מְסַגֵיף נַפשִי׃
07:15 )1( [ai]וְדַברַנִי יוי מִן דֵירָא מִבָתַר עָנָא וַאֲמַר לִי יוי אִיזֵיל אִתנַבִי עַל עַמִי יִשרָאֵל׃
07:16 )1( [ai]וֻכעַן קַבֵיל פִתגָמָא דַיוי אַת אָמַר לָא תִתנַבֵי <בשמא דייי#3#> עַל <בֵית#2#> יִשרָאֵל וְלָא תַלֵיף עַל בֵית יִשחָק׃
07:17 )1( [ai]בְכֵין כִדנָן אֲמַר יוי אִתְתָך בְקַרתָא תִטעֵי וֻבנָך וֻבנָתָך \בְחַרבָא יִתקַטלוּן /בקרבא יפלון ויתקטלון#3#/ וְאַרעָך בְעַדבָא תִתפְלַג וְאַת עַל אֲרַע מְסָאֲבָא תְמוּת וְיִשרָאֵל מִגלָא יִגלוֹן מֵעַל אֲרַעהוֹן׃

next chapter