← Back
The Comprehensive Aramaic Lexicon
← Return to the Text Browser
click on the file description for more information
51019: TgJ Jonah

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


04:01 )1( [ai]וֻבאֵיש לְיוֹנָה בִישָא רַבָא וֻתקֵיף לֵיה׃
04:02 )1( [ai]וְצַלִי קֳדָם יוי וַאֲמַר קַבֵיל בָעוּתִי יוי הֲלָא דֵין/דא#3#/ פִתגָמִי \עַד דַהֲוֵיתִי /כד הויתי#3#/ קַיָים עַל אַרעִי עַל כֵין אוֹחִיתִי לְמִערַק לְיַמָא אֲרֵי יָדַענָא אֲרֵי אַת אֲלָהָא חַנָנָא וְרַחמָנָא מַרחֵיק רְגַז וֻמַסגֵי לְמַעֲבַד טַבוָון וֻמתִיב מֵימְרֵיה מִלְאֵיתָאָה בִישָא׃
04:03 )1( [ai]וֻכעַן יוי סַב כְעַן יָת נַפשִי מִנִי אֲרֵי טָב דַאֲמוּת מִדְאֵיחֵי׃
04:04 )1( [ai]וַאֲמַר יוי הֲלַחדָא תְקוֹף לָך׃
04:05 )1( [ai]וֻנפַק יוֹנָה מִן קַרתָא וִיתֵיב מִמַדנַח לְקַרתָא וַעֲבַד לֵיה תַמָן מְטַלְתָא וִיתֵיב תְחוֹתַה בְטוּלָא עַד דְיִחזֵי מָא יְהֵי בְסוֹף קַרתָא׃
04:06 )1( [ai]וְזָמֵין יוי אֲלֹהִים קִיקָיוֹן וֻסלֵיק עֵיל מִן יוֹנָה לְמִהוֵי טוּלָא עַל רֵישֵיה לְאַגָנָא לֵיה/עלוהי#3#/ מִבִשתֵיה וַחדִי יוֹנָה עַל קִיקָיוֹן חַדָוא רַבָא׃
04:07 )1( [ai]וְזָמֵין יוי <ית#3#> תוֹלַעתָא בְמִיסַק צַפרָא דְיוֹמָא דְבָתְרוֹהִי וֻמחָת/ומחא#3#/ יָת קִיקָיוֹן וִיבֵיש/ובאש#3#/׃
04:08 )1( [ai]וַהֲוָה כְמַדנַח שִמשָא וְזָמֵין יוי רוּחַ קִידוּמָא שְתִיקְתָא וֻטפַחַת שִמשָא עַל רֵישָא דְיוֹנָה וְאִשתַלהִי וֻשאֵיל יָת נַפשֵיה לִממָת וַאֲמַר טָב דַאֲמוּת מִדְאֵיחֵי׃
04:09 )1( [ai]וַאֲמַר יוי לְיוֹנָה הֲלַחדָא תְקוֹף לָך עַל קִיקָיוֹן וַאֲמַר לַחדָא/תקנא#3#/ תְקוֹף לִי עַד מוֹתָא׃
04:10 )1( [ai]וַאֲמַר יוי אַת חַסתָא עַל קִיקָיוֹן דְלָא עֲמַלתָא/לאיתת#3#/ בֵיה וְלָא רַבִיתָהִי דִי בְלֵיליָא הָדֵין הֲוָה וֻבלֵיליָא אוּחרָנָא אֲבַד׃
04:11 )1( [ai]וַאֲנָא לָא אֲחוּס עַל נִינְוֵה קַרתָא רַבְתָא דְאִית בַה סַגִי מִתַרתַא עַסרֵי רִבוֹ אֲנָשָא דְלָא יְדַע בֵין יְמִינֵיה לִסמָאלֵיה וֻבעִיָרא סַגִי׃