The Comprehensive Aramaic Lexicon

01:01 )1( [ai]	מַטַל כָס דִלוָט לְאַשקָאָה יָת נִינְוֵה מִלְקַדמִין אִתנַבִי עֲלַה יוֹנָה בַר אֲמִתַי נְבִיָא דְמִגַת חֵפַר וְתַבַת מֵחוֹבַהָא וְכַדוּ דְאוֹסֵיפַת לְמִחטֵי תָב וְאִתנַבִי עֲלַה נַחוּם דְמִבֵית קוֹשִי כְמָא דִכתִיב בְסִפרָא הָדֵין׃
01:02 )1( [ai]	אֲלָה דַיָין וְפוֹרעָן יוי מִתפְרַע יוי וְסַגִי חֵילָא קֳדָמוֹהִי עֲתִיד יוי לְאִתפְרָעָא מִסָנְאֵי עַמֵיה וֻבִרגַז חַסִין מִבַעֲלֵי דְבָבוֹהִי׃
01:03 )1( [ai]	יוי מַרחֵיק רְגַז וְסַגִי חֵילָא קֳדָמוֹהִי <עתיד ייי לאתפרע#3#> וְסָלַח לִדתָיְבִין לְאוֹרָיתֵיה וְלִדלָא תָיְבִין לָא מְזַכֵי יוי בְעַלעוּל וֻברוּחַ מְדַבַר וַעֲנַן אֲמִיטְתָא כֵיבַש קֲדָמוֹהִי׃
01:04 )1( [ai]	נַזֵיף/דְנָזֵיף#3#/ בְיַמָא וֻמיַבֵיש לֵיה וְכָל נַהרָוָתָא מַחרֵיב צְדִי מַתנַן וְכַרמְלָא וְאִילָנֵי לִבנָן נֲתַרוּ׃
01:05 )1( [ai]	טוּרַיָא זָעוּ מִן קֳדָמוֹהִי וְרָמָתָא אִתפָרַקָא וַחֲרוֹבַת אַרעָא מִן קֳדָמוֹהִי וְתֵבֵל וְכָל דְיָתְבִין בַה׃
01:06 )1( [ai]	אִם כַד אִתגְלִי בְרַחמְתָא לְמִיתַן אוֹרָיתָא לְעַמֵיה כֵין/כַד#3#/ זָע עָלְמָא מִן קֳדָמוֹהִי בְכֵין כַד יִתגְלֵי בִרגַז לְאִתפְרָעָא מִסָנְאֵי עַמֵיה קֳדָם פוֹרעָנוּתֵיה מַן יְקוּם וֻמַן יְסוֹבַר בְאַבאָשוּת רוּגזֵיה חִמתֵיה/רוּגזֵיה#3#/ כְאִישָתָא מַמסֵי וְטִנָרַיא אִתפָרַקוּ מִן קֳדָמוֹהִי׃
01:07 )1( [ai]	טָב יוי לְיִשרָאֵל לְאִסתְמָכָא עֲלוֹהִי בְעִדָן עָקָא וֻגלֵי קֳדָמוֹהִי דִרחִיצִין עַל מֵימְרֵיה׃
01:08 )1( [ai]	וֻבִרגַז חַסִין וֻבִחמָא תַקִיפָא גְמֵירָא יַעֲבֵיד עִם/לכל#3#/ עַמְמַיָא דְקָמוּ וְאַחרִיבוּ לִגמֵירָא יָת בֵית מַקדְשָא <דייי#3#> וֻבַעֲלֵי דְבָבוֹהִי יִמסַר לְגֵיהִנָם׃
01:09 )1( [ai]	<מֶה#3#> עַמְמַיָא דְבַזוּ יָת יִשרָאֵל מָא אַתוּן חֲשִיבִין קֳדָם יוי גְמֵירָא הוּא עֲתִיד \לְמַעֲבַד עִמְכוֹן /לְאִתפְרָעָא מִנְכוֹן#2#/ לָא תִתקַיַים עֲלֵיכוֹן כְבֵית יִשרָאֵל תַרתֵין זִמנִין רְוַח בָתַר עָקָא׃
01:10 )1( [ai]	אֲרֵי שִלטוֹנִי עַמְמַיָא דְבַזוּ יָת <בית#3#> יִשרָאֵל וֻכמָא דְטָעַן בְחַמרָא <כן#3#> אַטעִיאוּנוּן שֵיצִיאוּנוּן כְמָא דִמשֵיצְיָא אִישָתָא בְקַשָא יַבִישָא סָגִי׃
01:11 )1( [ai]	מִנִיך נִינְוֵה נְפַק מַלכָא דְחַשֵיב עַל עַמֵיה דַיוי בִישָא מָלֵיך מֵילַך <מַלַך#2#> בִרשַע/דִרשַע#2#/׃
01:12 )1( [ai]	כִדנָן אֲמַר יוי אִם יְהוֹן שַלמִין בְעֵיצָא וְסַגִיאִין בְאִתמְנָיוּתָא עַמְמַיָא דְמִתכַנשִין לְאַעָקָא לִיך יְרוּשלַם יְגוּזוּן עַל/יָת#2#/ דִגלָת וְיִעבְרוּן עַל/יָת#2#/ פְרָת <וְיֵיתוֹן לְעַנָיוּתִיך#2#> וֻדשַעבֵידתִיך לָא אֲשַעבְדִנִיך עוֹד׃
01:13 )1( [ai]	וֻכעַן אַתבַר נִיר עַמְמַיָא מִצַורֵיכוֹן וַחֲנָקֵיכוֹן אֲפַסֵיק׃
01:14 )1( [ai]	וִיפַקֵיד עֲלָך יוי יָת מַלכָא דְאַתוּר וְלָא יְהֵי דוּכרַן מִשְמָך עוֹד מִבֵית טָעוּתָך אֲשֵיצֵי צֵילַם וֻמַתְכָא תַמָן אֲשַוֵי קִברָך אֲרֵי קַלִילָא דָא קֳדָמָי׃

next chapter