← Back
The Comprehensive Aramaic Lexicon
← Return to the Text Browser
click on the file description for more information
81002: TgPs (Targum Psalms)

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous chapter


033:001 [ai]שבחו צדיקיא קדם ייי לתריצי יאי שבחתא/שבחא#1#/׃
033:002 [ai]אודיאו קדם ייי בכנרא בנבלא דעסרתי נימין שבחו ליה׃
033:003 [ai]שבחו קדם ייי שירתא חדתא אוטיבו לשבחא/לנגנא#1#/ ביבבא׃
033:004 [ai]מטול/ארום#1#/ דתקין פתגמא דייי וכל עובדוי בהימנותא׃
033:005 [ai]רחים צדקתא ודינא טובא דייי מליא ארעא׃
033:006 [ai]במילא דייי שמיא איתעבידו וברוחא דפומיה כל חיליהון׃
033:007 [ai]דמכניס היך זיקא מוי דימא יהבינון באפותיקי תהומיא׃
033:008 [ai]וידחלון/דחולו#1#/ מן קדם ייי כל יתבי ארעא מיניה ירתתון כל דיירי/יתבי#1#/ תבל׃
033:009 [ai]מטול/ארום#1#/ דהוא אמר והוי הוא פקיד ואיתקיים׃
033:010 [ai]ייי תבר מלכת עממיא בטיל מחשבת אומייא׃
033:011 [ai]מלכתא דייי לעלמא קיימא מחשבת ליביה לדרי דריא׃
033:012 [ai]טובוי דגברא/לבר נשא#1#/ דייי אלהיה עמא די בחר/איתבעי#1#/ לאחסנא ליה׃
033:013 [ai]מן שמיא איסתכל/אודיק#1#/ ייי חמא ית כל בני נשא׃
033:014 [ai]ממדור בית מותביה אודיק/איסתכל#1#/ לות כל/#1#/ יתבי ארעא׃
033:015 [ai]די ברא יתהון מכוון כחדא לבהון ומתביין/ומתבונן#1#/ לכל עובדיהון׃
033:016 [ai]לית מלכא מתפריק בסגעי חילותיה/חילא#1#/ גיברא לא מתפצי בסגעי חיליה/תוקפא#1#/׃
033:017 [ai]שקרא סוסא לפורקנא ובסגעי תוקפיה לא משתזיב׃
033:018 [ai]הא עינא דייי מסתכלין/#1#/ לדחלין מניה לסברין לטיבותיה׃
033:019 [ai]למפצי ממותא נפשהון ולקיימותהון באולצנא׃
033:020 [ai]נפשנא מסתכיא לפורקנא דייי סעודנא ותריסנא הוא׃
033:021 [ai]ארום במימריה יחדי ליבנא מטול דבשום קודשיה איתרחיצנא׃
033:022 [ai]יהי טובך ייי עלנא היכמה דסברינן/דסברנא#1#/ עלך׃

next chapter