← Back
The Comprehensive Aramaic Lexicon
← Return to the Text Browser
click on the file description for more information
81002: TgPs (Targum Psalms)

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous chapter


050:001 [ai]תושבחתא על ידוי דאסף תקיפא אלהא ייי מליל מן בראשית \שירתא וגזר/וקרא#2#/ למעבד ארעא ממדנח שמשא עד מעלניה׃
050:002 [ai]/מכלל#1#/ ושירוי בירית/בריאת#1#/ עלמא מציון ומן תמן גמיר שופריה אלהא יתגלי׃
050:003 [ai]יימרון צדיקיא ביום דינא רבא ייתי אלהנא ולא ישתוק למעבד פורענות עמיה אשתא קדמוי תצלהב וחזור חזור ליה תזעוף עלעולא לחדא׃
050:004 [ai]יקרא לאנגלי מרומא מלעיל ולצדיקי ארעא מלרע למימתח דין על עמיה׃
050:005 [ai]כנושו לותי חסידי די גזרו קיימי וקיימו אוריתי ואיתעסקו בצלותא דאימתילא לקורבנא׃
050:006 [ai]ויתנון אנגלי מרומא זכותיה ארום אלהא דיינא הוא לעלמא׃
050:007 [ai]שמעא עמי ואמליל ישראל ואסהיד בך אלהא אלהך אנא׃
050:008 [ai]לא מטול דיבחך דלא קריבתא קדמי בגלותא \אנא מוכח לך/אכסנינך#1#/ ארום עלוותך דקריבו אבהתך לקבלי תדירא׃
050:009 [ai]מן יומא די חרוב בית מקדשי לא קבילית מן אידך תורא מן עדרך ברחי׃
050:010 [ai]ארום דילי כל חיות חורשא ואתידית/ועתידית#1#/ לצדיקיא בגן עדן בעיריא דכיין ותור בר/דרביע#1#/ דרעי בכל יומא טורין אלפא׃
050:011 [ai]גליין קדמי כל מיני/זייני#1#/ עופא דפרחין באויר שמיא /ושרכיפיהון בטוריא#1#/ ותרנגול ברא דקרצוליה שרין בארעא ורישיה מטי בשמיא מרנין קדמי׃
050:012 [ai]אין ימטי זמן קרבנא תדירא דקריצתא לא אימר לך ארום דילי ארעא ומלייהא׃
050:013 [ai]מן יומא דחרוב בית מקדשי לא קבילית בשר נכסת פטימיא ודמא דברחי לא זריקו כהניא קדמי׃
050:014 [ai]כבוש יצרא בישא ויתחשב קדם ייי כניכסת תודתא ושלים לעילאה נדריך /דנדרת בסיני לקיימא פיקודיא#1#/׃
050:015 [ai]וצלי קדמי ביומא דעקתא אישיזבינך ארום תיקרנני׃
050:016 [ai]ולרשיעא דלא עבד תתובא ומצלי במרודא אמר ייי/אלהא#1#/ מה לך למשתעי קיימי ותימי/ותומי#1#/ בשמי ותדכר קיימי עלי פומך׃
050:017 [ai]ואנת/ואת#1#/ סניתא מכסנותא דחכימיא וטלקתא פתגמי בתרך׃
050:018 [ai]אין חמיתא גנבא ורהיטתא בתרוי ועם גייופי שויתא חולקך׃
050:019 [ai]פומך שלחתא למישתעי \לישנא בישא /לישן תליתאי#1#/ ולישנך מדבקא למללא ניכלא׃
050:020 [ai]תתיב באחך תמליל כדבותא/כדכובא#1#/ בבר אימך/אומך#1#/ תשוי דופיא׃
050:021 [ai]אילין עובדין בישין עבדתא ואוריכית דתיתיב חשבתא למהוי עד עלמין שלים אמרת בלבבך/בליבך#1#/ אהוי \תקיף די כמך אוכיחנך בעלמא הדין /דוגמת אלהא ואנא בתקוף רגז איתפרע מינך אכסינך בעלמא הדין#1#/ ואסדר דין גהנם בעלמא דאתי קדמך׃
050:022 [ai]איתבוננו כדין/כדון#1#/ דא רשיעיא דאשליו/דשליין#1#/ /דחלת#1#/ אלהא דילמא איתבר תוקפכון ולית משזיב׃
050:023 [ai]דדבח יצרא בישא /וכביש ליה#1#/ היך קורבן תודתא יתחשב ליה ומוקיר לי ודי יעדי אורחא בישא אחמי ליה בפורקנא דייי/אלהא#1#/׃

next chapter