← Back
The Comprehensive Aramaic Lexicon
← Return to the Text Browser
click on the file description for more information
81002: TgPs (Targum Psalms)

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous chapter


073:001 [ai]תושבחתא על ידיה דאסף ברם טב לישראל אלהא לברירי ליבא׃
073:002 [ai]ואנא כזעיר /פון#1#/ אתמוטטא ריגלי כלמא דאזדעזעא איסתוורי׃
073:003 [ai]ארום טננית במתלעביא בעידן די שלם רשיעיא אחמי׃
073:004 [ai]ארום ליתיהון תווהין ומצטערין מטול/על#1#/ יום מיתתיהון איתבעיין מחשבתהון ופטים ואלים לבהון׃
073:005 [ai]בליעות גברין דמתעסקין באוריתא ליתיהון לעיין ועם בני נשא צדיקי דסבלין ייסורי/איסורי#1#/ לא/ליתיהון#1#/ מתכתשין׃
073:006 [ai]לכך/בגין#1#/ כן עטרתנון גיוותנותא כלילא דמשוין ברישיהון מן חטוף דילהון׃
073:007 [ai]שנא מן שמנא/שויתא דמות#1#/ פרצופיהון עברו חוטביהון/רוטביהון#1#/ חפורת/חפו על לוחי#1#/ ליבא׃
073:008 [ai]יתמקמקון מן פיטמא/רוטבא#1#/ וימללון לאבאשא ולטלומא מן רום לבהון ימללון׃
073:009 [ai]שויאו בקדישי שמיא פומהון ולישנהון מצלהבא בקדישי/בצדיקי#1#/ ארעא׃
073:010 [ai]בכן/בגין כן#1#/ \תאיב על עמיא דייי למלכותהון /על דייי#1#/ וימחונון במרזופין ודמעין /היך#1#/ סגיעין מחתין להון׃
073:011 [ai]ויימרון הכדין ידע אלהא ואית מנדעא בעילאה׃
073:012 [ai]הא אילין רשיעיא דיתבין בשלותא בעלמא הדין/#1#/ אדביקו נכסין קנו חילא׃
073:013 [ai]ברם לסריקותא זכית לבבי/לבי#1#/ ושזבית בברירו ידי׃
073:014 [ai]והויתי כתיש כל יומא ומכסנותי לצפרירי׃
073:015 [ai]אין אמרית אישתעי דמכמתהון/דכסתחין#1#/ הא על דר בנייך ארשעית׃
073:016 [ai]וחשבית למידע ית דא ליעות הוא בעיני׃
073:017 [ai]עד זמן פורקנא דאיתי \לות מקדשי/לבית מקדשא#1#/ אלהא אתבין לסופיהון׃
073:018 [ai]ברם בקבליא שויתא להון רמיתנון לשהוותא/לשחותא#1#/׃
073:019 [ai]הכדין הוו לצדו כשעתא כלו/#1#/ אישתיצון /שלימו#1#/ מן איתרגשון/איתרוגשן#1#/׃
073:020 [ai]היך חילמא מן גבר /רוי#1#/ דמיתער ייי ליום דינא רבא באתעריתהון מן בית קבורתהון ברגז דמותהון תבסר׃
073:021 [ai]ארום יחוש לבי וכולייתי בערן כאשא׃
073:022 [ai]ואנא שטיא ולא אידע היך בעירי איתחשבית גבך׃
073:023 [ai]ואנא תדירא עימך/גבך#1#/ אוחדתא ביד ימיני׃
073:024 [ai]במלכתך תדברינני /בעלמא הדין#1#/ ובתר שלים איקריה דאמרת עלי לאייתאה תסבנני׃
073:025 [ai]מן כוותך דילי בשמיא אלא את ועימך/ובהדך#1#/ חברא לא צביתי בארעא׃
073:026 [ai]אשתיצא גושמי ולבבי תקיפא דבחין לבבי וחולקי אלהא לעלמא׃
073:027 [ai]ארום הא רשיעיא די מתרחקין מינך יאבדון שיציתא כל דטעי מן בתר דחלתך׃
073:028 [ai]ואנא למיקרב בייי לי טב שוית בייי אלהים רוחצני למישתעיא לצדיקיא כולהון פיקודי שליחותך׃

next chapter