← Back
The Comprehensive Aramaic Lexicon
← Return to the Text Browser
click on the file description for more information
81002: TgPs (Targum Psalms)

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous chapter


089:001 [ai]שכלא טבא דאיתאמר על ידא דאברהם דאתא מן מדינחא׃
089:002 [ai]חסדא דייי לעלם אשבח לדר ודר אהודע קושטך בפומי׃
089:003 [ai]ארום אמרית עלמא בחסדא יתבני שמיא תתקין קושטך בהון׃
089:004 [ai]גזרית קיים לאברהם בחירי קיימית לדוד עבדי׃
089:005 [ai]עד עלמא אתקין בנייך ואבני לדר ודר כורסי מלכותך לעלמין׃
089:006 [ai]ויודון /אנגלי#1#/ שמיא פרישותך ייי לחוד קושטך בכינשת קדישין׃
089:007 [ai]ארום מן הוא בשחקי דמשתווי לייי דדמי לייי באוכלוסי מלאכיא׃
089:008 [ai]אלהא תקיפא ברזיהון דקדישין יתיב על כורסי יקרא ורבא ודחיל על כל מלאכיא דקיימין חזור חזור ליה׃
089:009 [ai]ייי אלהא ע{י}ל חיילי מרומא מן דכוותך חסינא ייי וקושטך חזור/חזור חזור#1#/ לך׃
089:010 [ai]את שליט בגיותנותא דימא כד מתרבן/#1#/ מתנטלין גלוי/גיללוי#1#/ אנת/את#1#/ תמאיכינון׃
089:011 [ai]את שפיית היך קטיל חרבא רהבא הוא פרעה רשיעא בתקוף אדרע עושנך בדרתא בעלי דבבך׃
089:012 [ai]די לך שמיא לחוד/אף#1#/ די לך ארעא תבל ומלייה את יסדתינון׃
089:013 [ai]מדבריא די בציפונא וית{ר}<ו>בין די בדרומא /את בראתינון תבור דבמערבא#1#/ וחרמון די במדינחא בשמך משבחין׃
089:014 [ai]די לך אדרעא עם גבורתא תעשן ידך למפרק עמך תרום ימינך לשכללא בית מקדשך׃
089:015 [ai]צדקתא ודינא מדור כורסי יקרך טיבו וקשוט מקדמין אפך׃
089:016 [ai]טוביהון דעמא דידעין לרצויי ברייהון ביבבא ייי בנהור זיו אפך יהלכון ויזכון בדינא׃
089:017 [ai]בשמך ירננון כל יומא ובצדקתך יתרוממון׃
089:018 [ai]ארום שיבהור עושניהון את/אנת#1#/ וברעותך תרום/תרומם#1#/ קרנהון/יקרנא#1#/׃
089:019 [ai]ארום דייי הינון תריסינא ודייי קדיש ישראל מלכנא׃
089:020 [ai]כהדין/הבכין#1#/ מלילתא בחזונא לחסידיך ואמירת שויתי סעיד לעמי על ידיה דמתגבר באוריתא אפרישית עולים מן ביני עמא׃
089:021 [ai]אשכחית דוד עבדי במשח קודשא רביתי יתיה׃
089:022 [ai]די אידי מתקנן בסעדיה ברם אדרעי תחייליניה׃
089:023 [ai]לא יטעי בעיל דבבא ביה ובר רישעא לא יסגפיניה׃
089:024 [ai]ואשוף מן קדמוי מעיקוי ומסנאוי אגוף׃
089:025 [ai]וקושטי וטובי עמיה ובשום מימרי תרומם יקריה׃
089:026 [ai]ואשוי במחוזי ימא שולטניה וביתבי על נהרותא גבורת ימיניה׃
089:027 [ai]הוא יקרי לי אבא את אלהי ותקוף פורקני׃
089:028 [ai]לחוד אנא בוכרא למלכיא דבית יהודה אתניניה עילאה על מלכי ארעא׃
089:029 [ai]לעלם אטור ליה טובי וקיימי מהימנא ליה׃
089:030 [ai]ואשוי לעלמין בנוי וכורסיה כיומיא דיקומון שמיא׃
089:031 [ai]אין ישבקון בנוי אוריתי ובדיני לא יהלכון׃
089:032 [ai]אין קיימי יפסו<ן> ופיקודי לא ינטרון׃
089:033 [ai]ואסער על ידהון דשיבטא דרשיעין מרדיהון ובמוזיקיא דמכתשין להון עוייתהון׃
089:034 [ai]וטובי לא אבטיל מיניה ולא אשקר בהמנותי׃
089:035 [ai]לא אפיס קיימי ומפקנות סיפותי לא אשני׃
089:036 [ai]חדא זימנא קיימית בשום קודשי אם לדוד אכדיב׃
089:037 [ai]בנוי לעלם יהויין וכורסיה נהיר/ניהור#1#/ היך שמשא לקיבלי׃
089:038 [ai]היך סיהרא דמיתקן לאת לעלם וסהיד בשחקא מהימן לעלמין׃
089:039 [ai]ואת שבקתא ורחקתא ארגיזתא עם משיחך׃
089:040 [ai]אשניתא קיים דעם עבדך אפיסתא לארעא כליליה׃
089:041 [ai]תקיפתא כל כרכוי שויתא פציחוי תברא׃
089:042 [ai]רמסון יתיה כל עברי אורחא הוה קלנא לשיבבוי׃
089:043 [ai]ארימתא ימינא דמעיקוי אחדיתא כל בעלי דבבוי׃
089:044 [ai]לחוד תתיב לאחורא סייפיה /חריפא#1#/ ולא אקימתא/אוקימתא#1#/ יתיה/ידיה#1#/ בקרבא׃
089:045 [ai]בטילתא כהניא דמדין על מדבחא ומדכין עמיה וכורסי מלכותיה לארעא מיגרתא׃
089:046 [ai]קצרתא יומי עלימוי/עולימוי#1#/ עטיפתא עלוי בהתא וכיסופא לעלמין׃
089:047 [ai]עד אימתי ייי תסלק שכינתך לעלמין תדליק היך אשתא חימתך׃
089:048 [ai]אדכר די אנא אתבריתי מן עפרא מטול מה לבטלא בריתא כל בני נשא׃
089:049 [ai]מן הוא גברא דיחי ולא יחמי מלאכא דמותא ושזיב נפשיה מן ידיה ולא ייחות לבית קבורתיה לעלמין׃
089:050 [ai]אן/האן#1#/ הינון/אינון#1#/ טבוותך דמן שירויא ייי דקיימתא לדוד בהימנותך׃
089:051 [ai]אידכר ייי חיסודא דעבדך סוברית בעטפי כל גידופיהון דסגיעין עממין׃
089:052 [ai]די חסידו בעלי דבבך ייי די חסידו איחור רושמת ריגלי משיחך ייי׃
089:053 [ai]בריך שמא דייי בעלמא הדין אמן ואמן בריך שמא דייי לעלמא דאתי אמן ואמן

next chapter