The Comprehensive Aramaic Lexicon

092:001 [ai]	שבחא ושירא די אמר אדם קדמאה על יומא דשבתא׃
092:002 [ai]	טב לאודאה קדם ייי ולשבחא שמך עילאה׃
092:003 [ai]	לתנאה/לתנויי#1#/ בצפרא טובך וקושטך בלילון׃
092:004 [ai]	על פום כנורא דעשרתי נימין ועל פום ניבלא עלי ריננת כינרייא׃
092:005 [ai]	ארום אחדיתני ייי בעובדך בעובדי אידך אביע/אבוע#1#/׃
092:006 [ai]	כמה /הינון#1#/ רברבין עובדך ייי לחדא עמיקין מחשבתך׃
092:007 [ai]	בר נש שטיא/טפשא#1#/ לא ידע וכסילא/ושטיא#1#/ לא יתביין ית דא׃
092:008 [ai]	כד מיתלבלבן רשיעיא היך עסבא ונצצין כל עבדי שקר ועתיד דישצינון אלהא עד עלמא׃
092:009 [ai]	ואת/ואנת#1#/ רמא ועילאה בעלמא הדין ייי ואת/ואנת#1#/ רמא ועילאה לעלמא דאתי׃ /{ת׳׳א} ואנת ידך עיליתא לאיתפרעא מן חייביא לעלמא דאתי ליום דינא רבא ייי ואנת ידך עיליתא למיתן אגר טב לצדיקיא לעלמא דאתי ייי#1#/׃
092:010 [ai]	ארום הא בעלי דב<ב>ך /מצלחין בעלמא הדין#1#/ ייי ארום הא בעלי דבבך יהובדון לעלמא דאתי ומתפרשין מן סיעתהון דצדיקיא כל עבדי שקר׃
092:011 [ai]	וזקיפתא היך רימנא תוקפי רביתא יתי במשח רבותא רטיבא דזית עבוף׃
092:012 [ai]	ואיסתכלת עייני בהובדנא דמעיקי בקיימין עלי לאבאשא שמען אודני קל תברהון׃
092:013 [ai]	צדיקא היך דיקלא ילבלב פירין היך ארזא בליבנן יסגא ויעביד שרשין׃
092:014 [ai]	בנוי יהויין שתילין בבית מקדשא דייי בדרת בית אלהנא ילבלבון׃
092:015 [ai]	תוב כאבהתהון יעבדון בנין בשיבו דהינין ורטיבין יהון׃
092:016 [ai]	מטול דיחוון דיירי ארעא ארום תריץ ייי תקפי/תקיפי#1#/ ולית עוולתא ביה׃

next chapter