The Comprehensive Aramaic Lexicon

139:001 [ai]	לשבחא על יד דוד תושבחתא ייי פשפשתני וידעת׃
139:002 [ai]	את קדמך גלי אותבותי למיעסק באוריתא ואוקימותי למיזל/למיעל#1#/ בקרבא איתביינת לחברותי בכנישתך מן עם רחיק׃
139:003 [ai]	כדון בהליכותי/במיזלי#1#/ באורחא וברבעותי למעסק באוריתא איתעבדת חילוני וכל אורחותי אסכינתא׃
139:004 [ai]	וכד/ארום#1#/ לית ממלל בלישני /דשקר#1#/ הא ייי ידעת מחשבת \לבי כולא /כל גושמי#1#/׃
139:005 [ai]	מאחוראי ומאפי אעיקתא יתי וגרית עלי מחתא דידך׃
139:006 [ai]	\מכסיא למידע /פרישא מנדעא#1#/ מיני איתקפת/איזדקפת#1#/ לא איכול לה׃
139:007 [ai]	אן/האן#1#/ אזיל מן קדם זעפך והאן מן קדמך איפוך׃
139:008 [ai]	אין אסק לשמיא תמן אנת/את#1#/ ואימוך לשיול הא תמן מימרך׃
139:009 [ai]	אזקוף ציצין דקריץ אשרי בסופי ימא/מערבא#1#/׃
139:010 [ai]	לחוד תמן אידך תדבר יתי ותחדינני ימינך׃
139:011 [ai]	ואמרית ברם חושך \דמחברבר עלי וליליא קביל אמטולתי /קבלא עלי ברם ליליא מנהר עלי#1#/׃
139:012 [ai]	לחוד חשוכא לא יחשיך מן מימרך וליליא היך יומא ינהיר היך חשוכא היך נהורא שויין׃
139:013 [ai]	ארום אנת/את#1#/ קניתא כולייתי אישתיית לי בכריסא דאמי/דאומי#1#/׃
139:014 [ai]	אודינך מטול דדחילן /עבדתא#1#/ פרישית פרישן עובדיך ונפשי חכמא לחדא׃
139:015 [ai]	לא אתכסא גרמי מינך די אתעבידית בטומרא אצטיירית בכריסא דאמא/דאומי#1#/׃
139:016 [ai]	גושמי חמיין עיינך ועל ספר דכרנך כולהון יומי מכתבן ביומא דאתברי עלמא מן שירויא איתבריין כולהון ביריתא /בשיתא יומין#1#/ ולית בחד חד /יומא#1#/ ביניהון׃
139:017 [ai]	ולי/וקדמי#1#/ כמה יקירין /אינון#1#/ רחמייך צדיקיא אלהא /וכמה#1#/ איתחיילו רבניהון׃
139:018 [ai]	אימנינון בעלמא הדין יתיר מן חלא יסגעון אתערית בעלמא דאתי ועד כדון אנא גבך׃
139:019 [ai]	אין תקטול אלהא לרשיעא וגברין דחייבין דין דקטול יזורון מיני׃
139:020 [ai]	די יימון בשמך על ניכלא משתבעין על מגן בעלי דבבך׃
139:021 [ai]	הלא מסנאך ייי אנא סני וכד קיימין לקובלך אנא מגרג/מרגג#1#/׃
139:022 [ai]	עד שיציאות סניתא סניתינון לבעלי דבבין הויין לי׃
139:023 [ai]	חקרני/פשפש יתי#1#/ אלהא וידע רעיוני בחון יתי וידע הירהורי׃
139:024 [ai]	וחמי אין אורח דטעין בי ודבר יתי באורח תריצי עלמא׃

next chapter