← Back
The Comprehensive Aramaic Lexicon
← Return to the Text Browser
click on the file description for more information
81004: TgJob

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous chapter


28:01[1] [ai]ארום אית לסימא מפקנא ואתר לדהבא מסננין׃
28:02[1] [ai]פרזלא מן עפרא יתנסב ואבנא יתיך כרכומא/נחשא#2#/׃
28:03[1] [ai]סוף שוי לחשוכא ולכל סופא הוא מפשפש אבנין מפולמן \דמן תמן /דמתמן#1##2#/ נפק חשוך וטולי וטולי מותא׃
28:04[1] [ai]תקף נחלא מן אתר דמזלח/דמיזדלח#1#/ מרזיבא דמתנשיין מן למעבד ברגלא אזדקפו מן בני נשא אטלטלו׃
28:05[1] [ai]ארעא דמנה נפיק מזונה ולרע מנה גיהנם דצינת תלגיה מתהפיך דכמת אשתא׃ {ת׳א} ארעא דסדום דמינה הוה נפיק לחמא ועל דחבת איתהפיך דכמת אישא׃
28:06[1] [ai]דגינתא דעדן אתר דשבזיזא אבניהא/אבנהא#1#/ ועפרותין/ועפרוריין#1#/ דדהבן ליה׃
28:07[1] [ai]שביל אילן חיי דלא חכמיה סמאל דפרח היך עופא ולא סקרתיה עינא דחוה׃ {ל׳׳א} אורח אילן חייא לא חכמתיה עופא ולא סקרתיתיה עין טרפיתא׃
28:07[2] [ai]{ל׳׳א} אורחא דלא חכמיה עופיא ולא סקרתיה עין ט{ו}<ר>פיתה׃
28:08[1] [ai]לא הליכו בה בני דאדם ולא סטא עלוהי חיויא׃ {ל׳׳א} לא טיילו בה בנייא דאריוון ולא זאר עילוי ליונא/ליתא#2#/׃
28:09[1] [ai]בשמיר אושיט ידיה הפך מן עיקריהון טוריא/טווריא#1#/׃
28:10[1] [ai]בטינרין נהרין בזע וכל איקרא חמת עיניה׃
28:11[1] [ai]מן זלחי קלילי נהריא זריז מן חרכא ותעלומאה מפיק נהורא׃
28:12[1] [ai]וחכמתא מן האן תשכח/תשתכח#1##2#/ והאן דין אתר ביונתא׃
28:13[1] [ai]לא ידע בר נש עלויה ולא תשתכח בארעא זידנין דמחטיין בחייהון׃
28:14[1] [ai]תהומא אמר לא גבי היא וימא אמר לית עמי/בהדי#2#/׃
28:15[1] [ai]לא יתיהב דהב סנין חלופהא ולא ייתקל סימא פירוגה׃
28:16[1] [ai]לא תשתלחוף בפיטלון דמן אופיר בבירולין יקיר ושבזיזא׃
28:17[1] [ai]לא יעלינה דהבא ואספלידא/ואיספקלירא#1#/ ופירוגא מאני אובריזון/אובריזין#1#/׃ {ת׳א} לא יסדרנה גבר עתיר בדהב וזכוכיתא/וזגוגיתא#1#/ אין לא יהיב חלופה מאני דהבא סנינא׃ {ת׳א} לית איפשר דתשתכח בקילותא/בזילותא#1#/ אלהן ביוקרא היך דהבא ומאן דלא ינטורנה אזלא/אכלא#1#/ ומתברא היך ז<ג>וגיתא ופירוג אגרא לעלמא דאתי מאני פזוזייא׃
28:18[1] [ai]סנדלנין/סנדלכין#1#/ ופירוצין/ובירוצין#1#/ובירורין#1#/ובדורין#1# לא ידכר ונגדא דחכמתא מן מרגליין׃
28:19[1] [ai]לא יעלינה מרגלא ירקא/יקרא#1#/ דאתי מן כוש בפיטלון דכי לא תשתלחיף׃
28:20[1] [ai]וחכמתא מן האן תיתי והאן דין אתר ביונתא׃
28:21[1] [ai]וכסייא מן מחמיהון דכל דחי ומן עופא דשמיא אטמרא׃
28:22[1] [ai]בית אובדנא ומלאך מותא אמרו במיתיהבא לישראל במשמענא שמענא שמועתא׃
28:23[1] [ai]אלהא אתביין אורחה והוא חכים/ידע#2#/ ית אתרה׃
28:24[1] [ai]ארום /הוא#1##2#/ לסייפי ארעא יסתכל תחות כל שמיא יחמי׃
28:25[1] [ai]למעבד לרוחא מתקלא ומיא סכים/אתקן#1#/ במשחתא׃
28:26[1] [ai]במעבדיה למטרא קיימא גזירתא ומהלך לחזיזי דרהטין בקליא׃
28:27[1] [ai]הידין/בכין#1#/ חמייה ואשתעיה עם מלאכי שירותא אתקנה ולחוד פשפיש יתה׃
28:28[1] [ai]ואמר לבר נשא הא דחלתא דייי היא חכמתא ולמעדי מן ביש ביונתא׃

next chapter