← Back
The Comprehensive Aramaic Lexicon
← Return to the Text Browser
click on the file description for more information
81015: TgEsth2sup (Targum Sheni Larger Supplements)

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

par01 ms1 01:01 [ai]די מלכון ועתידין דימלכון מן יומא דאיתברי עלמא עד סופא דעלמא; מלכותא קמיתא דמלך מלכיא יי צבאות דבעגל תתגלי מלכותיה כד שכלל שמיא וארעא ומלך על כל עובדי בראשית; תנינא דנמרוד דאמריד כל בני נשא למרי עלמא והות מלכותיה נגדא עד דנחת יעקב למצרים; תליתאה דפרעה מלכא דמצרים והות מלכותיה נגדא עד דנפקו ישראל ממצרים; רביעאה דישראל והות מלכותהון נגדא עד דאתא נבוכדנאצר ונטל מנהון מלכותא; שתיתאה דאחשורוש במדי ופרס במלכותא דעילם והות מלכותיה נגדא עד דאתא אלכסנדרוס מקדון דיון ונטל מיניה מלכותא; שביעיתא דיון ובמלכות יון מלכו אוף בני חשמונאי והות מלכותהון נגדא עד דאתו רומאי ונטלו מנהון מלכותא; תמיניתא דרומי חייבתא דבעגל ימגרינה אלהא דישראל ויתנטל מלכותא מינה ויתיהב למשיח בר דויד הוא מלכא תשיעאה; ועוד מלכותא עשיריתא מלך מלכיא יי צבאות יהי שמיה מברך דבעגל תתגלי מלכותיה על דיירי ארעא׃

next chapter