← Back
The Comprehensive Aramaic Lexicon
← Return to the Text Browser
click on the file description for more information
81017: TgLamWT

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous chapter


3:01 [ai]אנא גברא \דחזא ענויא /דחזינא עניא#3#/ בחוטרא דרדי ברוגזיה׃
3:02 [ai]יתי דבר ואוביל לחשוכא ולא לאנהורא/לנהורא#3#/׃
3:03 [ai]ברם בי יתוב יגלגל עלי מחתיה כל יומא׃
3:04 [ai]עתק בסרי ממכתשין ומשכי מן מחתא תבר גרמי׃
3:05 [ai]בנה עלי כרכומין ואקף קרתא ועקר רישי עממיא ושלחי אינון׃
3:06 [ai]בבית ייסורין/איסורין#3#/ דחשוכא/וחשוכא#3#/ יתיבני כמיתין דאזלין לעלמא אוחרן׃
3:07 [ai]סגר בתרי/בתאי#3#/ בגין דלא אפוק מן טריקא יקר על ריגלוי/ריגליי#3#/ כבלין דנחשא׃
3:08 [ai]אף ארום אצוח ואצלי אסתתים/אסתתם#3#/ בית צלותי׃
3:09 [ai]סגר אורחי במרמירין/במרמרין#4#/ פסילן שבילי סרב׃
3:10 [ai]דיבא מכמן הוא לי אריא \דמיטמר בכבישא /ומנטר בטומרא בכיבשא#3#/׃
3:11 [ai]אורחי סרב ושסעני שויני צדו׃
3:12 [ai]מתח קשתיה ועתדני היך פלגליסא לגירא׃
3:13 [ai]אעיל בכיליותי/בכוליתי#3#/ גירי תיקיה׃
3:14 [ai]הויתי חוכא לכל פריצי עמי ומזמרן/ומזמרין#3#/ עלי כל יומא׃
3:15 [ai]אשביעני מרירת/מרירות#3#/ חיון ארווני/ארוויני#5#/ גידא/בנידא#3#/׃
3:16 [ai]וריצץ בפרידן שיני כן יתי בקיטמא׃
3:17 [ai]וקצת מלמשאל שלם/בשלמא#5#/ נפשי אנשיתי טיבותא׃
3:18 [ai]ואמרית הובד תוקפי וטובא/ומובי#4#/ דהויתי אוריך מן קדם יהוה׃
3:19 [ai]אדכר ענוי נפשי ומה דאמרירו בי סנאי ואשקיו יתי גידין ורישי חיון׃
3:20 [ai]מידכר תדכר ותצלי עלי נפשי על סיגופא׃
3:21 [ai]דא נחמתא אתיב על לבי בגין כן אוריך׃
3:22 [ai]טיבותא דיהוה ארום לא פסקו ארום לא אתמניעו רחמוהי׃
3:23 [ai]ניסין חדתין מרחיש/מרחיק#3#/ בצפריא סגיאה היא הימנותך׃
3:24 [ai]חולקי יהוה אמרית נפשי על כין אוריך ליה׃
3:25 [ai]טוב יהוה לסוברין/לסברין#5#/ לפורקניה לנפשא דתבע אולפניה׃
3:26 [ai]טב לאורכא ולמשתק עד דמטי/דתמטי#3#/כדו דתמטי#3#/ פורקנא דיהוה׃
3:27 [ai]טב הוא לגברא ארום יאלף נפשיה לסוברא ניר פיקודיא בטליותיה׃
3:28 [ai]יתיב בלחודוהי וישתוק ויסבול יסורין דאתין עלוהי בגין יחודא דשמא דיהוה דמשתלחין לאתפרעא מיניה על חובא קלילא דחב בעלמא הדין עד כדו דיחוס עלוהי ויטלינון מיניה ויקבל אפי/אפיה#3#/אגר#3#/ שלים לעלמא דאתי׃
3:29 [ai]יתן בעפרא פומיה וישתטח קדם ריבוניה מאים אית סבר׃
3:30 [ai]יושיט למחי ליה בגין דחלתא דיהוה יסבע קלנא/בקלנא#4#/׃
3:31 [ai]ארום לא ישלי יהוה לעובדוי/לעבדוי#5#/ לעלם לממסרינון בידא דסנאיהון׃
3:32 [ai]ארום אלהן ברישא יתבר ובתר כן יתוב וירחים לצדיקיא כסגיאות טיבותיה׃
3:33 [ai]ארום מן בגלל דלא עני גבר ית נפשיה ואעדי זחוחא מליביה בגין כן גרם לאסתקפא תברא בבני אנשא׃
3:34 [ai]למככא ולכבשא תחות <לאכסא#3#> ריגלוי כל אסירי ארעא׃
3:35 [ai]ולמצלי דין גבר מסכן כל קביל אפי עילאה׃
3:36 [ai]לסרבא אנש מסכן במצותיה איפשר דמן קדם יהוה לא יתגלי/איתגלי#5#/׃
3:37 [ai]מן הוא אנש דאמר והות בישתא מתעבדא/דמתעבדא#3#/ בעלמא אלהן מן בגלל דעבדו מה דלא אתפקדו מן פומא דיהוה׃
3:38 [ai]מפי/מפום#4#/ אלהא לא תפוק בישתא אלהן על ברת קלא רמיזא בגין חטופין דאיתמליאת ארעא ובעידן דבעי למיגזר טובא בעלמא מן פום קודשא/קודשיה#4#/ נפקא׃
3:39 [ai]מה ממון ישכח אנש דיחוב על יומי חיוהי גברא רשיעא על חובוי׃
3:40 [ai]נבלוש/נבליש#3#/ אורחנא ונבקר ונתוב בתיובתא קדם יהוה׃
3:41 [ai]נטול לבבנא בריר ונרמי חטוף וגזילן ידנא וניתוב קדם יהוה אלהנא דשכינתיה/דמדור שכינתיה#3#/ בשמי מרומא׃
3:42 [ai]נחנא מרדנא סרבנא ומן בגלל דלא הדרנא לותך אנת לא שבקת׃
3:43 [ai]טללתא עלנא ברגז/ברגוז#3#/ ורדפתנא בגלותא קטלתא ולא חסתא׃
3:44 [ai]טללתא שמיא בענני יקרא דילך מן בגלל דלא תעיבר לוותך צלותנא׃
3:45 [ai]טלטולין/טילטולין#4#/ ורטושין/ורטישין#5#/ שויתא יתנא ביני/בנו#3#/ עממיא׃
3:46 [ai]פתחו עלנא פומהון כל בעלי דבבנא למגזר עלנא \גזירין בישין /גזירן בישן#3#/׃
3:47 [ai]ואימתא וזיעא הוה/הות#4#/ לנא מנהון רתיתא ותברא׃
3:48 [ai]היך יבלין דמיא זלגת/זלגן#3#/זלגא#3#/ עיני דמען/דמעין#4#/ על תברא/תבירא#3#/ דכינשת עמי׃
3:49 [ai]עיני זלגת דמען ולא תשתוק מלמבכי מדלית פאיג עקתי וממלל תנחומין לי׃
3:50 [ai]עד כדו/כדון#3#/ דיסתכי ויחזי עולבני יהוה מן שמיא׃
3:51 [ai]בכותא דעיני אסתקפת למרע נפשי על חורבן פילכי דעמי וניוול בנתא דירושלם קרתי׃
3:52 [ai]כמנא כמנו לי היך כצפרא/ציפרא#5#/ בעלי דבבי על מגן׃
3:53 [ai]עברו/גמרו#5#/ בגובא חיי ורגימו אבנא בי׃
3:54 [ai]שטו/שאטו#4#/ מיא על רישי אמרית במימרי אתגזרית מן עלמא׃
3:55 [ai]צליתי לשמך יהוה מן גוב ארעיתא׃
3:56 [ai]צלותי קבילתא בזמנא ההיא וכען לא תכסי אודנך מלקבלא צלותי לארווחותני בגין בעותי׃
3:57 [ai]קריבתא מלאכא לשזבותי/לשזבותני#3#/לשיזבתני#3#/ ביום/ביומא#5#/ דצליתי לך אמרת במימרך לא תדחל׃
3:58 [ai]נציתא יהוה לעבדין/לעבדי#4#/ מצותא לנפשי פריקתא מן ידיהון חיי׃
3:59 [ai]חזיתא יהוה סרוך דסריכו לי דון דיני׃
3:60 [ai]גלי קדמך כל נקמתהון כל מזימתהון עלי׃
3:61 [ai]שמיע קדמך כסופיהון יהוה כל מזימתהון עלי׃
3:62 [ai]סיפות קמין/קיימין#3#/ עלי והגיונהון/ולהיגינהון#3#/ולהיגיותהון#3#/ולהגיותהון#3#/ עלי כל יומא׃
3:63 [ai]מותביהון/מותבנהון#3#/ וזקיפתהון אסתכל אנא זמריהון׃
3:64 [ai]תתיב להון גמולא בישא יהוה כעובדי ידיהון׃
3:65 [ai]תתן להון תבירות/חפיפות#3#/ לבא \ושלאהותך שלהי /ושלהאותך ישלהי#3#/ להון׃
3:66 [ai]תדלוקינון/תדליקינון#5#/ ברוגזא ותשיצינון מתחות שמי מרומא דיהוה׃

next chapter