← Back
The Comprehensive Aramaic Lexicon
← Return to the Text Browser
click on the file description for more information
81028: TgProv

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous chapter


13:01 ברא חכימא מקבל מרדותא דאבא וברא ממיקנא לא מקבל בעתא׃
13:02 גברא מן פרי פומיה נשׂבע טבתא ונפשיהון דבזוזי תתחטף׃
13:03 דנטיר פומיה מזדהר בנפשיה ודפתיח שפוותיה סיגושיניא/שציא#1#/ אית ליה׃
13:04 מתרגיג נפשיה דערטילא/דעטלא#1#/ מידעם ולא מייתי לה ונפשיהון דתקיפי תדהן׃
13:05 מילתא דשיקרא שׂנא צדיקא ורשיעא נבהת ונחפר׃
13:06 צדקתא תנטור לאילין דתמימין באורחתהון ורשיעא מטלטל בחטוהי׃
13:07 אית מתעתר/דמעתר#1#/ נפשיה ולית לה מידעם וממסכן נפשיה ומולא/ומזליה#1#/ סגיעא׃
13:08 אית ליה פורקנא דנפשיה לגברא עותריה ומסכנא לא מקבל בעתא׃
13:09 נהורא/נוהרא#1#/ דצדיקי נירוון/נרוז#1#/ ושרגא דרשיעי נדעך׃
13:10 לחוד בזדנותא את[י]א מצותא ואלין דמתמלכין חכימי אינון׃
13:11 ממונא/מזלא#1#/ מן עילא דרמיותא/דמריה#1#/ יזעיר ודמכנש ויהב למסכניא יסגי ממוניה׃
13:12 טב מן דמשכי/דמש{ד}<ר>י#1#/ למעדריה מן דתלי בסיברא ואילנא דחיי ריגתא מייתי׃
13:13 דאבזי/דבאזי על#1#/ מילתא ניתחבל מינה ודדחיל מן פוקדנא משתלם טבתא׃
13:14 נימוס{ת}<א> דחכימא מבועא דחיי למסטי מפחא דמותא׃
13:15 שיכלא טבא יהיב חיסדא וארחא דתקיפי {בזויי}<בזוזי> תיבד׃
13:16 כל ערימתא עבידתיה מדעת/מדעתא#1#/ וסיכלא פריש/פריס#1#/ ליה לשטיותא׃
13:17 שליחא רשיעא/בישא#1#/ נפיל בבישתא ואיזגדא מהימנא אסיא הוא׃
13:18 מסכינא ומאן דאית ליה צערא מריש מרדותא ודמיזדהר במכסנותא מתיקר׃
13:19 ריגתא דאית/דיאיא#1#/ תבסם נפשא ומרחקתא דסיכלי פריקתא מן יריעתא/ידיעתא#1#/׃
13:20 דמהלך/דמהליך#1#/ עם חכימי נתחכם ודמחבר עם סיכלי נבאש ליה׃
13:21 לחטאי תרדף בישתא וצדיקי ישתלמון טבתא׃
13:22 גברא טבא מרית/מורית#1#/ לבני בנוי ומתנטיר לצדיקי עותרא דחטיאי׃
13:23 סגיעות עיבורא חקיל מסכניא ואית חקיל דמסייף בדלא פליח כהלכתיה׃ \רבא אכיל ארע מסכינא ואית גברא מתנגיד בלא דינא#1#/׃
13:24 דחשׂיך שבטיה סני בריה ודרחים ליה מקדים ליה מרדותא׃
13:25 צדיקא אכיל ושׂבעא נפשיה וכריסא דרשיעי תחסר׃

next chapter