← Back
The Comprehensive Aramaic Lexicon
← Return to the Text Browser
click on the file description for more information
81028: TgProv

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous chapter


20:01 ממיקנא הוא חמרא הומה/ורויתא#1#/ שיכרא וכל דישגי ביה לא נתחכם׃
20:02 נהם כאריא אימתיה דמלכא ומן דממחת/דמחמית#1#/ ליה חטי על נפשיה׃
20:03 יקרא הוא לגברא דיתוב בלא דינא וכל דשאטי מצטדי׃
20:04 מתחסר/מתחסד#1#/ עטלא ולא שתיק ושאיל בחצדא ולית׃
20:05 מוי עמיקי עצתא בליבא דגברא וגברא דמתביין נדליה׃
20:06 סוגעא דבני נשא מתקריין גברי [מ]רוחמני/מרחמנא#1#/ גברא מהימנא מאן/מנו#1#/ משכיח/משכח#1#/׃
20:07 דמהליך בתמיניותא/בתמימותיה#1#/ צדיקא /הוא#1#/ וטוביהון לבנוי מן בתרוי׃
20:08 מלכא דיתיב על כורסיא דדינא מפרד/מפזר#1#/ מן קדמוי כולהון בישתא׃
20:09 מאן יימר דזכי הוי/הוא#1#/ לבי ואידכית \מן חטאי/מחובתי#1#/׃
20:10 מתקלא ומתקלא כילא וכילא מרחקין אינון קדם אלהא אוף תרויהון׃
20:11 אוף בעובדוי מתידע טליא אין דכי ואין תריצין עובדוהי׃
20:12 אודנא דשמעא ועינא דחזיא אלהא איברי אוף/#1#/ תרויהון׃
20:13 לא תרחים שינתא דילמא תתמסכן פתח עינ[י]ך ושבע לחמא׃
20:14 חבריה לחבריה נאמר לדקנית/דקנית#1#/ והידין נשתכח ונימר׃
20:15 אית דהבא וסוגעא דכיפי טבתא ומני דיקרא שפוותי דידיעתא׃
20:16 נסיב לבושיה מטול דערב חילונאי ועל אפי נוכריתא משכניה׃
20:17 ערב לגברא לחמא דיגאלא ובתר הכין/הידין#1#/ נתמלי פומיה חצצא׃
20:18 מחשבתא בעצתא תתקן ובמדברנותא נתעבד קרבא׃
20:19 גלי רזיא אכל קורצא ולמאן דמשרגג בשפוותיה לא תתחלט׃
20:20 דלייט לאבוי ולאימיה נדעך שרגיה היך אתונא דחשוכא׃
20:21 רדיתתא/ירותתא#1#/ דמסתרהבא בקדמיתא ובסופה לא תתברך׃
20:22 לא תימר אשלם בישתא סבר/סכא#1#/ לאלהא ויפרקינך׃
20:23 מרחקין אינון קדם אלהא \אף תרויהון/#1#/ מתקלא ומתקלא ומסאתא/ומשחתא#1#/ דארמיותא לא שפיר קדמוי׃
20:24 מן קדם אלהא הילכתיה דגברא ובר נש \מתכוין /לא מתביין#1#/ באורחתיה׃
20:25 פחא הוא לגבר דנדיר לקדש ובתר הכין/הכי#1#/ {ה}<ת>ויא/חדיא#1#/תדיא#2#/ ליה נפישיה׃
20:26 מבדר רשיעי מלכא חכימא ומהפיך עליהון גלגילא/גלגלא#1#/׃
20:27 שרגא דאלהא נשמתא דבני נשא ובציה כולהון גוויה דכריסא׃
20:28 חיסדא וקושטא יטרון/ינטרו#1#/ למלכא ומתקן בחיסדא כורסיה׃
20:29 שיבהורא דעולימיא תוקפיהון ושבחא דסבי סיבתא׃
20:30 שוחני ופועתתא פגעי/פגעו#1#/ בבישא ומיחיונוהי/ומחותא#1#/ בגויה דכרסא׃

next chapter