← Back
The Comprehensive Aramaic Lexicon
← Return to the Text Browser
click on the file description for more information
74410: Ginza Rabba (Great Treasury) Right Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


032:01 ࡋࡉࡕࡁࡇ ࡀࡋࡌࡀ ࡖࡌࡉࡀ ࡄࡉࡉࡀ ࡖࡌࡀࡋࡀࡊࡉࡀ ࡁࡓࡉࡄࡀࡉࡅࡍ ࡅࡓࡀࡅࡆࡉࡀ
032:02 ࡀࡋࡌࡀ ࡖࡊࡅࡔࡈࡀ ࡅࡄࡀࡉࡌࡀࡍࡅࡕࡀ ࡖࡊࡀࡃࡁࡀ ࡅࡍࡉࡊࡋࡀ ࡋࡉࡕࡁࡇ ࡀࡋࡌࡀ
032:03 ࡄࡅ ࡃࡀࡊࡉࡀ ࡖࡏࡅࡓࡁࡀࡍࡀ ࡁࡉࡔࡀ ࡋࡉࡕࡁࡇ ࡌࡔࡀࡁࡉࡋࡇ ࡌࡀࡋࡀࡊࡉࡀ
032:04 ࡖࡆࡉࡅࡀ ࡋࡌࡀࡋࡊࡀ ࡖࡍࡄࡅࡓࡀ ࡁࡆࡉࡅࡇ ࡅࡍࡄࡅࡓࡇ ࡖࡏࡄࡀࡁࡋࡅࡍ ࡌࡔ^ࡀ^ࡁࡉࡋࡇ
032:05 ࡌࡀࡋࡀࡊࡉࡀ ࡖࡆࡉࡅࡀ ࡋࡌࡀࡋࡊࡀ ࡖࡍࡄࡅࡓࡀ ࡁࡋࡁࡅࡔࡉࡀ ࡖࡆࡉࡅࡀ ࡖࡏࡄࡀࡁࡋࡅࡍ
032:06 ࡌࡔࡀࡁࡉࡋࡇ ࡌࡀࡋࡀࡊࡉࡀ ࡖࡆࡉࡅࡀ ࡋࡌࡀࡋࡊࡀ ࡖࡍࡄࡅࡓࡀ ࡁࡈࡀࡓࡈࡀࡁࡅࡍࡉࡀ
032:07 ࡖࡆࡉࡅࡀ ࡖࡏࡄࡀࡁࡋࡅࡍ ࡌࡔࡀࡁࡉࡋࡇ ࡌࡀࡋࡀࡊࡉࡀ ࡖࡆࡉࡅࡀ ࡋࡌࡀࡋࡊࡀ ࡖࡍࡄࡅࡓࡀ
032:08 ࡁࡊࡋࡉࡋࡉࡀ ࡖࡆࡉࡅࡀ ࡖࡏࡄࡀࡁࡋࡅࡍ ࡌࡔ^ࡀ^ࡁࡉࡋࡇ ࡌࡀࡋࡀࡊࡉࡀ ࡖࡆࡉࡅࡀ ࡋࡌࡀࡋࡊࡀ
032:09 ࡖࡍࡄࡅࡓࡀ ࡁࡄࡀࡉࡋࡀ ࡅࡔࡓࡀࡓࡀ ࡖࡏࡄࡀࡁࡋࡅࡍ ࡌࡔࡀࡁࡉࡋࡇ ࡌࡀࡋࡀࡊࡉࡀ
032:10 ࡖࡆࡉࡅࡀ ࡋࡌࡀࡋࡊࡀ ࡖࡍࡄࡅࡓࡀ ࡁࡊࡅࡔࡈࡀ ࡅࡋࡀࡅࡐࡀ ࡅࡄࡀࡉࡌࡀࡍࡅࡕࡀ
032:11 ࡖࡏࡄࡀࡁࡋࡅࡍ ࡊࡅࡋࡄࡅࡍ ࡍࡉࡄࡉࡀ ࡅࡄࡀࡊࡉࡌࡉࡀ ࡅࡁࡀࡎࡉࡌࡉࡀ ࡅࡊࡀࡃࡁࡀ
032:12 ࡅࡍࡉࡊࡋࡀ ࡋࡉࡕࡁࡅࡍ ࡏࡋࡀࡍࡉࡀ ࡖࡀࡓࡒࡀ ࡖࡍࡄࡅࡓࡀ ࡊࡅࡋࡄࡅࡍ ࡆࡉࡅࡇ
032:13 ࡅࡕࡅࡒࡍࡇ ࡌࡋࡉࡍ ࡉࡀࡓࡃࡍࡉࡀ ࡖࡀࡋࡌࡉࡀ ࡖࡍࡄࡅࡓࡀ ࡌࡉࡀ ࡄࡉࡅࡀࡓࡉࡀ
032:14 ࡌࡋࡉࡍ ࡀࡍࡀࡍࡉࡀ ࡖࡍࡄࡅࡓࡀ ࡔࡊࡉࡍࡀࡕࡀ ࡖࡆࡉࡅࡀ ࡔࡊࡉࡍࡁࡉࡍ ࡁࡔࡊࡉࡍࡀࡕࡀ
032:15 ࡖࡆࡉࡅࡀ ^ࡌࡀࡋࡊࡉࡀ^ ࡎࡀࡂࡃࡉࡀ ࡅࡌࡔࡀࡁࡉࡀ ࡄࡉࡍࡅࡍ ࡅࡀࡋࡌࡉࡀ ࡊࡅࡋࡄࡅࡍ ࡌࡔࡀࡁࡉࡋࡇ
032:16 ࡋࡓࡁࡀ ࡅࡏࡋࡀࡉࡀ ࡋࡌࡀࡓࡀ ࡖࡓࡀࡁࡅࡕࡀ ࡖࡏࡋ ࡊࡅࡋࡄࡅࡍ ࡀࡋࡌࡉࡀ ࡔࡓࡃ{{ࡀ}}<<ࡍ>>̊
032:17 ࡀࡍࡀ ࡄࡅ ࡔࡋࡉࡄࡀ ࡃࡀࡊࡉࡀ ࡌࡀࡋࡊࡀ ࡖࡍࡄࡅࡓࡀ ࡁࡔࡅࡌࡀࡉ ࡄࡉࡁࡉࡋ
032:18 ࡆࡉࡅࡀ ࡒࡓࡀࡍ ࡗ ࡑࡁࡀ ࡌࡀࡋࡊࡀ ࡓࡀࡌࡀ ࡖࡍࡄࡅࡓࡀ ࡌࡍ ࡔࡊࡉࡍࡕࡀ
032:19 ࡖࡆࡉࡅࡀ ࡒࡓࡀࡍ ࡌࡍ ࡔࡊࡉࡍࡕࡀ ࡄࡀࡍࡀࡕࡇ ࡖࡄࡅ ࡓࡁࡀ ࡔࡊࡀࡍ
032:20 ࡋࡉࡀࡌࡉࡍࡇ ࡔࡊࡀࡍ ࡅࡀࡌࡀࡓ ࡏࡆࡉࡋ ࡋࡀࡋࡌࡀ ࡖࡄࡔࡅࡊࡀ ࡖࡊࡅࡋࡇ
032:21 ࡁࡔࡅࡕࡀ ࡌࡋࡉࡍ ࡊࡅࡋࡇ ࡌࡋࡉࡍ ࡁࡉࡔࡅࡕࡀ ࡅࡌࡋࡉࡍ ࡍࡅࡓࡀ ࡀࡊࡋࡀ ࡀࡋࡌࡀ
032:22 ࡖࡔࡉࡂࡔࡀ ࡅࡈࡉࡓࡒࡀ ࡖࡕࡅࡒࡍࡀ ࡁࡂࡀࡅࡇ ࡋࡏࡊࡀ ࡀࡋࡌࡀ ࡖࡄࡔࡅࡊࡀ
032:23 ࡖࡏࡆࡁࡀ ࡖࡍࡄࡅࡓࡀ ࡋࡉࡕࡁࡇ ࡀࡋࡌࡀ ࡖࡓࡉࡃࡐࡀ ࡅࡌࡅࡕࡀ ࡖࡄࡉࡉࡀ
032:24 ࡋࡀࡋࡀࡌ ࡋࡉࡕࡇ ࡅࡀࡌࡀࡓ ࡏࡆࡉࡋ ࡊࡁࡅࡔ ࡄࡔࡅࡊࡀ ࡅࡃࡀࡉࡀࡓࡉࡀ

next page