← Back
The Comprehensive Aramaic Lexicon
← Return to the Text Browser
click on the file description for more information
74410: Ginza Rabba (Great Treasury) Right Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


034:01 ࡆࡉࡒࡀ ࡍࡅࡓࡀ ࡅࡌࡉࡀ ࡅࡏࡕࡉࡍࡑࡉࡁ ࡐࡉࡓࡉࡀ ࡅࡏࡌࡁࡉࡀ ࡅࡏࡋࡀࡍࡉࡀ ࡅࡎࡉࡌࡀࡍࡉࡀ
034:02 ࡅࡁࡀࡆࡓࡅࡍࡉࡀ ࡅࡓࡉࡄࡀࡍࡉࡀ ࡅࡀࡁࡀࡃ ࡄࡉࡅࡀ ࡁࡉࡓࡀ ࡅࡄࡉࡅࡀ ࡁࡀࡋࡀ ࡖࡊࡅࡋ
034:03 ࡂࡅࡀࡍ ࡌࡍ ࡀࡒࡀࡐࡓࡀ ࡅࡎࡅࡌࡒࡀ ࡅࡔࡐࡉࡕࡀ ࡅࡃࡅࡓࡃࡉࡀ ࡖࡀࡍࡀࡍࡉࡀ ࡖࡀࡉࡁࡀ
034:04 ࡆࡉࡒࡀ ࡍࡅࡓࡀ ࡅࡌࡉࡀ ࡅࡈࡅࡄࡌࡀ ࡅࡆࡌࡀ ࡅࡌࡉࡓࡕࡀ ࡅࡓࡀࡆࡉࡀ ࡖࡀࡋࡌࡀ
034:05 ࡄࡀࡉࡆࡉࡍ/ࡄࡀࡆࡉࡍ#2#/ ࡀࡃࡀࡌ ࡅࡄࡀࡅࡀ ࡏࡕࡉࡂࡁࡉࡋ ࡁࡄࡀࡉࡋࡀ ࡖࡌࡀࡋࡊࡀ ࡓࡀࡌࡀ
034:06 ࡖࡍࡄࡅࡓࡀ ࡍࡉࡔࡉࡌࡕࡀ ࡁࡀࡃࡀࡌ ࡅࡄࡀࡅࡀ ࡍࡉࡐࡋࡀࡕ ࡗ ࡍࡐࡀࡋࡁࡅࡍ
034:07 ࡍࡉࡔࡉࡌࡕࡀ ࡁࡂࡉࡍࡀࡕ ࡏࡋࡀࡍࡉࡀ ࡄࡅࡍ ࡗ ࡄࡅࡍ ࡁࡂࡉࡍࡀࡕ
034:08 ࡏࡋࡀࡍࡉࡀ ࡌࡉࡍࡃࡀࡌ ࡋࡀࡄࡊࡅࡌ ࡅࡋࡀࡐࡓࡀࡔ ࡀࡌࡀࡓ ࡌࡀࡋࡊࡀ ࡓࡀࡌࡀ
034:09 ࡖࡍࡄࡅࡓࡀ ࡌࡍ ࡌࡀࡋࡀࡊࡉࡀ ࡍࡅࡓࡀ ࡋࡒࡅࡃࡀࡌ ࡀࡃࡀࡌ ࡍࡉࡔࡕࡀࡁࡃࡅࡍ
034:10 ࡍࡉࡕࡅࡍ ࡅࡍࡉࡎࡉࡂࡃࡅࡍ ࡋࡒࡅࡃࡀࡌࡇ ࡅࡋࡀࡍࡉࡔࡀࡍࡅࡍ ࡌࡍ ࡌࡉࡌࡓࡀ ࡄࡃࡀ
034:11 ࡄࡅ ࡁࡉࡔࡀ ࡖࡁࡉࡔࡅࡕࡀ ࡌࡉࡍࡇ ࡂࡉࡁࡋࡀࡕ ࡎࡈࡀ ࡌࡍ ࡌࡉࡍࡉࡋࡀࡕ
034:12 ࡌࡀࡓࡇ ^ࡅࡏࡋ ࡌࡉࡍࡉࡋࡀࡕ ࡌࡀࡓࡇ^ ࡋࡀࡒࡀࡌ ࡗ ࡋࡀࡒࡀࡌ ࡏࡋ ࡌࡉࡍࡉࡋࡀࡕ ࡌࡀࡓࡇ ࡁࡌࡀࡓࡊࡀࡁࡕࡇ
034:13 ࡁࡏࡅࡎࡅࡓࡀ ࡖࡀࡋࡀࡄࡀ ࡏࡎࡕࡀࡓ ࡀࡍࡀ ࡒࡓࡀࡍ ࡅࡐࡀࡒࡃࡀࡍ ࡌࡀࡓࡀࡉ
034:14 ࡅࡀࡌࡀࡓ ࡏࡆࡉࡋ ࡒࡓࡉࡋࡇ ࡒࡀࡋࡀ ࡔࡀࡍࡉࡀ ࡋࡀࡃࡀࡌ ࡅࡋࡄࡀࡅࡀ ࡆࡀࡅࡇ
034:15 ࡒࡀࡋࡀ ࡔࡀࡍࡉࡀ ࡋࡀࡃࡀࡌ ࡅࡋࡄࡀࡅࡀ ࡆࡀࡅࡇ ࡒࡓࡉࡋࡅࡍ ࡅࡀࡐࡓࡉࡔࡉࡍࡅࡍ
034:16 ࡏࡋ ࡊࡅࡋ ࡑࡁࡅ ࡏࡋ ࡌࡀࡋࡊࡀ ࡓࡀࡌࡀ ࡖࡍࡄࡅࡓࡀ ࡌࡀࡓࡀࡉࡄࡅࡍ
034:17 ࡖࡊࡅࡋࡄࡅࡍ ࡀࡋࡌࡉࡀ ࡖࡄࡀࡉࡋࡇ ࡍࡐࡉࡔ ࡅࡂࡀࡁࡉࡓ ࡖࡎࡀࡊࡀ ࡅࡁࡅࡈࡋࡀࡍࡀ
034:18 ࡋࡉࡕࡋࡇ ࡏࡋ ࡋࡌࡀࡋࡀࡊࡉࡀ ࡖࡕࡅࡔࡁࡉࡄࡕࡀ ࡖࡒࡀࡉࡌࡉࡀ ࡅࡌࡔࡀࡁࡉࡀ
034:19 ࡅࡋࡀࡁࡀࡈࡋࡉࡀ ࡏࡋ ࡀࡋࡌࡉࡀ ࡖࡍࡄࡅࡓࡀ ࡖࡁࡅࡈࡋࡀࡍࡀ ࡋࡉࡕࡋࡅࡍ ࡀࡐࡓࡉࡔࡀ
034:20 ࡋࡀࡃࡀࡌ ࡖࡍࡉࡍࡄࡀࡓ ࡋࡉࡁࡇ ࡅࡒࡀࡉࡌࡇ ࡖࡍࡉࡍࡄࡀࡓ ࡏࡅࡑࡓࡇ ࡄࡅࡍࡇ
034:21 ࡄࡀࡍࡀࡍࡇ ࡅࡄࡅࡉࡋࡇ ࡑࡀࡅࡕࡀ ࡀࡍࡀࡕ ࡅࡕࡓࡉࡍ ࡌࡀࡋࡀࡊࡉࡀ ࡖࡌࡀࡍࡀࡊ ࡍࡀࡎࡂࡅࡍ
034:22 ࡋࡀࡋࡌࡀ ࡀࡐࡓࡉࡔࡋࡇ ࡌࡀࡃࡀ ࡋࡀࡃࡀࡌ ࡅࡋࡄࡀࡅࡀ ࡆࡀࡅࡇ ࡅࡋࡔࡅࡓࡁࡀࡕࡇ
034:23 ࡅࡀࡌࡀࡓࡋࡅࡍ ࡖࡋࡀࡍࡉࡔࡕࡉࡐࡋࡅࡍ ࡅࡋࡀࡍࡉࡎࡈࡅࡍࡅࡍ ࡁࡉࡔࡉࡀ ࡅࡎࡀࡈࡀࡍࡀ ࡖࡋࡀࡌࡉࡕࡀࡊࡔࡀࡓ
034:24 ࡀࡋࡐࡅࡍࡅࡍ ࡁࡅࡕࡀ ࡅࡕࡅࡔࡁࡉࡄࡕࡀ ࡖ{{ࡍࡉࡒࡓࡅࡍ}} ࡖࡍࡉࡒࡌࡅࡍ ࡅࡍࡉࡔࡀࡁࡅࡍ

next page