← Back
The Comprehensive Aramaic Lexicon
← Return to the Text Browser
click on the file description for more information
74410: Ginza Rabba (Great Treasury) Right Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


080:01 ࡋࡉࡕࡋࡇ ^ࡏ^ࡄࡀࡁࡋࡉࡀ ࡋࡁࡅࡔࡀ ࡓࡁࡀ ࡅࡔࡀࡅࡉࡅࡍ ࡓࡁࡀ ࡌࡍ ࡓࡉࡔ
080:02 ࡁࡓࡉࡔ ࡏࡄࡀࡁࡋࡉࡀ ࡌࡀࡓࡂࡍࡀ ࡖࡌࡉࡀ ࡄࡉࡉࡀ ࡂࡀࡅࡀࡆࡀ ࡖ
080:03 ࡌࡉࡕࡊࡀࡁࡔࡉࡁࡇ ࡌࡀࡓࡃࡉࡀ ࡏࡄࡀࡁࡋࡉࡀ ࡊࡋࡉࡋ ࡏࡔࡀࡕࡀ ࡄࡀࡉࡕࡀ
080:04 ࡖࡔࡀࡍࡀࡉ ࡅࡌࡀࡍࡄࡀࡓ ࡌࡍ ࡊࡅࡋ ࡃࡌࡅ ࡆࡀࡓࡆࡅࡍ ࡁࡌࡆࡀࡓࡆࡅࡕࡅࡍ
080:05 ࡅࡄࡀࡍࡀࡍࡅࡍ ࡅࡍࡉࡔࡒࡅࡍ ࡗ ࡓࡅࡓࡁࡉࡀ ࡀࡌࡓࡉࡋࡉࡀ ࡏࡆࡉࡋ ࡏࡋ
080:06 ࡌࡀࡓࡃࡉࡀ ࡖࡄࡔࡅࡊࡀ ࡖࡏࡋࡀࡍ ࡋࡁࡉࡔ ࡌࡉࡕࡄࡀࡔࡁࡉࡀ ࡌࡉࡕࡄࡀࡔࡁࡉࡀ
080:07 ࡁ^ࡁ^ࡔࡅࡕࡀ ࡅࡁࡉࡔࡀ ࡁࡊࡀࡍࡇ ࡍࡉࡎࡕࡀࡓ ࡁࡉࡔࡀ ࡍࡏࡎࡕࡀࡓ ࡁࡊࡀࡍࡇ
080:08 ࡅࡌࡍ ࡌࡉࡍࡉࡋࡕࡀࡊ ࡃࡉࡋࡀࡊ ࡋࡀࡕࡉࡄࡅࡉࡀ ࡏࡋࡇ ࡀࡌࡓࡉࡋࡉࡀ ࡈࡀࡁࡀ
080:09 ࡁࡈࡀࡁࡅࡕࡇ ࡍࡉࡎࡀࡒ ࡍࡉࡄࡉࡆ^ࡉ^ࡀ ࡋࡀࡕࡀࡓ ࡍࡄࡅࡓ ࡁࡉࡔࡀ ࡁࡁࡉࡔࡅࡕࡀ
080:10 ࡍࡉࡎࡓࡀ ࡋࡕࡉࡓࡉࡀ ࡄࡔࡅࡊ ࡌࡉࡒࡓࡀ ࡒࡓࡏࡉࡀ ࡒࡀࡋࡉࡀ ࡅࡌࡉࡄࡔࡉࡁ
080:11 ࡄࡔࡉࡁࡉࡀ ࡌࡀࡌࡋࡀࡋࡉࡀ ࡀࡕࡉࡀ ࡄࡃࡀ ࡒࡀࡋࡀ ࡅࡌࡀࡐࡓࡉࡔ ࡏࡋ
080:12 ࡒࡀࡋࡉࡀ ࡊࡅࡋࡄࡅࡍ ࡀࡕࡉࡀ ࡄࡃࡀ ࡌࡀࡌࡋࡀ ࡅࡌࡀࡐࡓࡉࡔ ࡏࡋ
080:13 ࡌࡀࡌࡋࡀࡋࡉࡀ ࡊࡅࡋࡄࡅࡍ ࡀࡕࡉࡀ ࡄࡃࡀ ࡂࡀࡁࡓࡀ ࡅࡌࡀࡐࡓࡉࡔ ࡏࡋ
080:14 ࡃࡇ ࡅࡃࡇ ࡗ ࡄࡀࡉࡆࡉࡍ ࡀࡌࡀࡓࡋࡉࡀ ࡓࡁࡉࡀ ࡀࡍࡀ ࡁࡄࡀࡉࡋࡀࡉࡄࡅࡍ
080:15 ࡀࡎࡂࡉࡕ ࡋࡀࡕࡀࡓ ࡄࡔࡅࡊ ࡋࡀࡕࡓࡀ ࡖࡔࡓࡉࡍ ࡁࡉࡔࡉࡀ ࡅࡋࡃࡀࡅࡓࡀ
080:16 ࡖࡊࡅࡋࡇ ࡌࡉࡄࡀࡌࡁࡋࡉࡀ ࡋࡀࡕࡓࡀ ࡖࡕࡉࡍࡉ{{ࡀ}}ࡍࡉࡀ/ࡖࡕࡀࡍࡉࡍࡉࡀ#2#/ ࡅࡋࡃࡅࡂࡉࡀ ࡅࡏࡔࡀࡕࡀ
080:17 ࡀࡊࡋࡀ ࡋࡀࡃࡅࡂࡉࡀ ࡖࡍࡅࡓࡀ ࡖࡎࡀࡋࡉࡒ ࡀࡋࡅࡊ{ࡀ}<ࡅ#2#>ࡍ ࡌࡀࡈࡉࡀ ࡌࡉࡑࡉࡀ
080:18 ࡓࡒࡏࡉࡀ ࡏࡆࡋࡉࡕ ࡅࡀࡔࡊࡀࡕࡉࡍࡅࡍ ࡋࡁࡅࡓࡉࡀ ࡌࡀࡓࡃࡉࡀ ࡖࡄࡔࡅࡊࡀ
080:19 ࡏࡆࡋࡉࡕ ࡅࡀࡔࡊࡀࡕࡉࡍࡅࡍ ࡖࡊࡅࡋࡄࡅࡍ ࡁࡁࡉࡔࡅࡕࡀ ࡌࡉࡕࡄࡀࡔࡁࡉࡍ ࡅࡒࡀࡉࡌࡉࡀ
080:20 ࡅࡌࡉࡕࡄࡀࡔࡁࡉࡀ ࡁࡁࡉࡔࡅࡕࡀ ࡅࡒࡀࡉࡌࡉࡀ ࡅࡆࡀࡉࡍࡀ ࡄࡀࡔࡋࡉࡀ ࡒࡀࡉࡌࡉࡀ
080:21 ࡅࡄࡀࡔࡋࡉࡀ ࡆࡀࡉࡍࡀ ࡅࡏࡋ ࡈࡀࡁࡉࡀ ࡋࡁࡉࡔ ࡌࡉࡕࡄࡀࡔࡁࡉࡀ ࡌࡉࡕࡄࡀࡔࡁࡉࡀ
080:22 ࡅ{#2#}ࡁࡁࡉࡔࡅࡕࡀ ࡅࡁࡉࡄࡃࡀࡃࡉࡀ ࡌࡉࡕࡌࡀࡋࡊࡉࡀ/ࡌࡉࡕࡌࡉࡋࡊࡉࡀ#2#/ ࡌࡉࡕࡌࡉࡋࡊࡉࡀ ࡁࡉࡄࡃࡀࡃࡉࡀ
080:23 ࡅࡀࡌࡓࡉࡀ ࡌࡀࡊࡀ ࡀࡋࡌࡀ ࡄࡅࡓࡉࡍࡀ ࡖࡐࡀࡋࡉࡂ ࡐࡋࡅࡂࡕࡀ ࡁࡀࡋࡌࡀࡍ
080:24 ࡏࡅ ࡀࡊࡀ ࡖࡂࡀࡁࡉࡓ ࡌࡉࡍࡀࡍ ࡍࡉࡒࡅࡌ ࡌࡉࡍࡇ ࡍࡉࡐࡃࡀࡓ ࡅࡍࡉࡄࡉࡆࡉࡀ
080:25 ࡖࡌࡍࡀ ࡄࡅࡀ ࡌࡍࡀ ࡄࡅࡀ ࡃࡀࡅࡓࡇ ࡅࡀࡋࡌࡀ ࡁࡀࡉࡕࡀ ࡄࡀࡆࡉࡍ ࡃࡉࡋࡀࡍ

next page