← Back
The Comprehensive Aramaic Lexicon
← Return to the Text Browser
click on the file description for more information
74410: Ginza Rabba (Great Treasury) Right Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


190:01 ࡁࡂࡉࡅࡕࡇ ࡏࡋ ࡀࡕࡀࡓ ࡏࡔࡀࡉࡋࡇ ࡅࡏࡌࡀࡓࡋࡇ ࡏࡋ ࡌࡀࡑࡁࡅࡕࡀ
190:02 ࡖࡌࡀࡑࡁࡀ ࡁࡄࡀࡆࡀ ࡔࡉࡕࡀ ࡖࡒࡀࡉࡌࡀࡍࡀࡁࡀ ࡌࡀࡎࡂࡉࡀ ࡅࡀࡕࡉࡀ
190:03 ࡌࡀࡍࡃࡀ ࡖࡄࡉࡉࡀ ࡌࡍ ࡀࡕࡓࡀ ࡖࡊࡅࡋࡇ ࡆࡉࡅࡀ ࡅࡌࡍ ࡀࡕࡓࡀ
190:04 ࡖࡊࡅࡋࡇ ࡍࡄࡅࡓࡀ ࡅࡌࡍ ࡀࡕࡓࡀ ࡖࡏࡕࡄࡉࡁࡋࡇ ࡏࡋ ࡀࡎࡀࡓ
190:05 ࡅࡕࡀࡓࡕࡉࡍ ࡔࡀࡉࡉࡀ {{ࡖࡋࡉࡋࡉࡀ}} ࡖࡏࡅࡌࡀࡌࡀ ࡅࡏࡋ ࡀࡎࡀࡓ
190:06 ࡅࡕࡀࡓࡕࡉࡍ ࡔࡀࡉࡉࡀ ࡋࡉࡋࡉࡀ ࡄࡀࡅࡉࡀ ࡗ ࡆࡀࡍ ࡔࡉࡕࡀ ࡄࡃࡀ
190:07 ࡏࡔࡕࡒࡉࡋ ࡏࡅࡐࡀࡍࡉࡀ ࡖࡏࡅࡌࡀࡌࡀ ࡄࡅࡍ ࡖࡋࡉࡋࡉࡀ ࡅࡏࡔࡕࡒࡉࡋ
190:08 ࡏࡅࡐࡀࡍࡏ ࡖࡋࡉࡋࡉࡀ ࡄࡅࡍ ࡖࡏࡅࡌࡀࡌࡀ ࡄࡅࡀ ࡐࡀࡉࡍࡀ ࡄࡅࡀ
190:09 ࡑࡉࡐࡓࡀ ࡄࡅࡀ ࡋࡉࡋࡉࡀ ࡅࡄࡅࡀ ࡏࡅࡌࡀࡌࡀ ࡀࡕࡀࡕ ࡔࡉࡍࡕࡀ
190:10 ࡅࡔࡀࡄࡀࡓࡕࡀ ࡏࡋ ࡀࡉࡍࡇ ࡖࡉࡅࡄࡀࡍࡀ ࡔࡄࡀࡓ ࡅࡔࡊࡉࡁ
190:11 ࡅࡏࡕࡀࡓ ࡅࡏࡕࡌࡀࡒࡀࡒ ࡅࡏࡃࡇ ࡖࡉࡀࡌࡉࡍࡀ ࡏࡋ ࡀࡉࡍࡇ ࡓࡌࡀ
190:12 ࡅࡔࡉࡍࡕࡀ ࡌࡐࡀࡈࡀࡓ ࡌࡍ ࡀࡉࡍࡇ ࡅࡀࡌࡀࡓ ࡌࡀࡍࡃࡀ ࡖࡄࡉࡉࡀ
190:13 ࡔࡋࡀࡌࡀ ࡏࡋࡀࡊ ࡓࡀࡁ ࡉࡅࡄࡀࡍࡀ ࡀࡁࡀ ࡎࡀࡁࡀ ࡓࡁࡀ
190:14 ࡖࡏࡒࡀࡓࡀ ࡅࡀࡌࡀࡓࡋࡇ ࡉࡅࡄࡀࡍࡀ ࡋࡌࡀࡍࡃࡀ ࡖࡄࡉࡉࡀ ࡀࡕࡀ
190:15 ࡁࡔࡋࡀࡌ ࡉࡀࡋࡃࡀ ࡆࡅࡈࡀ ࡖࡌࡍ ࡏࡕࡌࡀࡋ ࡋࡉࡀࡓࡃࡍࡀ ࡆࡀࡌࡉࡍࡕࡀࡊ
190:16 ࡉࡅࡌࡀࡉ {{ࡋࡏࡀ}} ࡋࡀࡏࡊࡀࡃࡁࡀࡊ ࡅࡀࡌࡀࡓࡋࡇ ࡌࡀࡍࡃࡀ ࡖࡄࡉࡉࡀ
190:17 ࡋࡉࡅࡄࡀࡍࡀ ࡒࡅࡌ ࡐࡀࡓࡀ ࡉࡀࡓࡃࡍࡀ ࡅࡐࡓࡀࡎ ࡃࡓࡀࡉࡀࡊ ࡅࡒࡀࡁࡋࡀࡍ
190:18 ࡑࡅࡁࡀࡍ ࡁࡌࡀࡑࡁࡅࡕࡀࡊ ࡄࡀࡉࡕࡀ ࡖࡌࡀࡑࡁࡉ{{ࡀ}}ࡕ ࡅࡀࡃࡊࡀࡓ
190:19 ࡏࡋࡀࡉ ࡌࡍ ࡔࡅࡌࡇ ࡖࡌࡀࡃࡊࡓࡉࡕ ࡅࡀࡌࡀࡓࡋࡇ ࡉࡅࡄࡀࡍࡀ
190:20 ࡋࡌࡀࡍࡃࡀ ࡖࡄࡉࡉࡀ ࡀࡓࡁࡉࡍ ࡅࡕࡀࡓࡕࡉࡍ ࡔࡍࡉࡀ ࡉࡀࡓࡃࡍࡀ
190:21 ࡋࡉࡂࡈࡉࡕ ࡅࡀࡍࡀࡔࡉࡀ ࡁࡌࡀࡉࡀ ࡑࡀࡁࡀࡍࡀ ࡏࡍࡉࡔ ࡋࡉࡀࡓࡃࡍࡀ
190:22 ࡋࡀࡒࡓࡀࡍ ࡄࡀࡔࡕࡀ ࡌࡉࡍࡀࡊ ࡃࡉࡋࡀࡊ ࡈࡀࡋࡉࡀ ࡆࡅࡈࡀ ࡁࡓ ࡔࡍࡉࡀ
190:23 ࡕࡋࡀࡕ ࡉࡅࡌࡀ ࡄࡃࡀ ࡁࡀࡉࡉࡍࡀ ࡖࡏࡉࡀࡎࡂࡉࡀ ࡋࡉࡀࡓࡃࡍࡀ ࡅࡀࡌࡀࡓࡋࡇ
190:24 ࡌࡀࡍࡃࡀ ࡖࡄࡉࡉࡀ ࡋࡉࡅࡄࡀࡍࡀ ࡌࡀࡑࡁࡅࡕࡀ {ࡖ}ࡄࡀࡆࡉࡍ ࡖࡌࡀࡑࡁࡉࡕ

next page