← Back
The Comprehensive Aramaic Lexicon
← Return to the Text Browser
click on the file description for more information
74410: Ginza Rabba (Great Treasury) Right Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


331:01 ࡁࡀࡋࡌࡀ ࡌࡉࡆࡋࡀࡉࡄࡅࡍ ࡀࡋࡌࡀ ࡖࡂࡀࡍࡐࡉࡀ ࡖࡌࡀࡓࡊࡁࡀࡕࡅࡍ ࡔࡌࡀࡈ
331:02 ࡌࡀࡋࡀࡋࡀࡕ ࡖࡕࡉࡌࡀࡓࡋࡅࡍ ࡍࡀࡌࡓࡅࡎ ࡏࡌࡇ ࡖࡀࡋࡌࡀ ࡁࡍࡀࡉ ࡎࡀࡓࡀ
331:03 ࡌࡀࡓࡊ^ࡀ^ࡁࡀࡕࡅࡍ ࡍࡉࡁࡉࡍࡉࡀ ࡁࡄࡀࡆࡀ ࡃࡅࡊࡕࡀ ࡁࡄࡀࡆࡀ ࡃࡅࡊࡕࡀ ࡍࡉࡁࡍࡉࡀ
331:04 ࡀࡌࡉࡍࡈࡅࡋ ࡖࡏࡄࡓࡀ ࡔࡋࡉࡌ ࡌࡀࡋࡉࡋ ࡔࡉࡁࡉࡀࡄࡉࡀ ࡖࡍࡉࡌࡀࡓࡋࡇ
331:05 ࡋࡍࡀࡌࡓࡅࡎ ࡏࡌࡇ ࡖࡀࡋࡌࡀ ࡄࡀ ࡏࡕࡉࡓࡂࡉࡋ ࡄࡀࡉࡋࡀࡉࡀࡍ ࡅࡂࡀࡍࡐࡉࡀ
331:06 ࡖࡌࡀࡓࡊࡀࡁࡀࡕࡀࡍ ࡔࡌࡀࡈ ࡄࡀ ࡍࡉࡌࡀࡓ ࡁࡌࡉࡌࡓࡀࡍ ࡅࡍࡉࡁࡍࡉࡀ
331:07 ࡁࡄࡀࡆࡀ ࡃࡅࡊࡕࡀ ࡊࡍࡀࡐ ࡊࡅࡊࡁࡉࡀ ࡔࡅࡁࡀ ࡅࡄࡀࡓࡔࡉࡀ ࡅࡐࡅࡃࡓࡉࡀ
331:08 ࡀࡁࡃࡉࡀ ࡄࡀࡓࡔࡉࡀ ࡅࡐࡅࡃࡓࡉࡀ ࡅࡔࡅࡌ ࡀࡋࡀࡄࡀ ࡋࡀࡃࡊࡀࡓ
331:09 ࡒࡀࡌ ࡊࡉࡁࡔࡅ ࡋࡉࡋࡉࡁࡕࡀ ࡒࡀࡃࡌࡀࡉࡕࡀ ࡅࡁࡉࡍࡉࡅ ࡋࡌࡀࡕࡀ
331:10 ࡏࡅࡓࡀࡔࡋࡀࡌ ࡒࡀࡋࡀ ࡍࡐࡀࡒ ࡌࡍ ࡀࡍࡀࡍࡀ ࡖࡀࡍࡅࡔ ࡏࡅࡕࡓࡀ
331:11 ࡅࡋࡓࡅࡄࡀ ࡖࡒࡅࡃࡔࡀ ࡖࡍࡉࡌࡀࡓࡋࡇ ࡃࡅࡊࡕࡀ ࡖࡄࡀࡆࡀ ࡌࡀࡕࡀ
331:12 ࡌࡉࡕࡉࡁࡉࡍࡉࡀ ࡕࡋࡀࡕࡌࡀ ࡅࡔࡉࡕࡉࡍ ࡅࡄࡀࡌࡔࡀ ࡕࡀࡓࡌࡉࡃࡉࡀ ࡌࡉࡍࡇ
331:13 ࡍࡉࡐࡒࡅࡍ ࡌࡀࡋࡋࡀࡕ ࡓࡅࡄࡀ ࡖࡒࡅࡃࡔࡀ ࡋࡔࡉࡁࡉࡀࡄࡉࡀ ࡖࡕࡉࡌࡀࡓࡋࡅࡍ
331:14 ࡀࡕࡅࡍ ࡀࡕࡅࡍ ࡁࡍࡀࡉ ࡔࡅࡁࡀ ࡈࡅࡁࡇ ࡋࡌࡀࡍ ࡖࡀࡋࡀࡄࡀ ࡄࡀࡅࡉࡋࡇ
331:15 ࡀࡃࡉࡀࡅࡓࡀ ࡁࡉࡍࡉࡅ ࡋࡏ^ࡓࡀ^ࡔࡋࡀࡌ ࡖࡉࡀࡄࡅࡈࡀࡉࡉࡀ ࡁࡂࡀࡅࡇ ࡄࡅࡍ
331:16 ࡏࡄࡀࡁࡋࡅࡍ ࡏࡅࡁࡀࡃࡉࡀ ࡖࡄࡔࡅࡊࡀ ࡅࡔࡅࡁࡀ ࡏࡋࡀࡅࡀࡉࡄࡅࡍ ࡁࡉࡓࡊࡕࡀ
331:17 ࡁࡓࡀࡊ ࡒࡓࡅࡍࡅࡍ ࡋࡌࡋࡀࡊࡉࡀ ࡍࡀࡈࡓࡉࡀ ࡍࡅࡍࡉࡀ ࡖࡉࡀࡌࡀ ࡅࡑࡉࡐࡀࡓ
331:18 ࡂࡀࡃࡐࡀ ࡅࡁࡏࡅࡌࡀࡌࡀࡕࡀ ࡀࡅࡌࡅࡍࡅࡍ ࡁࡏ^ࡅ^ࡌࡀࡌࡀࡕࡀ ࡅࡏࡄࡀࡁࡋࡅࡍ
331:19 ࡋࡉࡀࡄࡅࡈࡀࡉࡉࡀ ࡁࡏࡓࡀࡔࡋࡀࡌ ࡁࡓࡀࡊ ࡏࡋࡀࡅࡀࡉࡄࡅࡍ ࡁࡉࡓࡊࡕࡀ
331:20 ࡅࡊࡅࡋ ࡖࡁࡅࡍ ࡀࡔࡊࡀ ࡌࡍ ࡓࡉࡔ ࡁࡓࡉࡔ ࡄࡅࡍ ࡔࡅࡁࡀ
331:21 ࡏࡑࡈࡅࡍࡉ ࡖࡊࡅࡋ ࡄࡀࡓࡊࡕࡀ ࡅࡊࡀࡃࡁࡀ ࡌࡉࡍࡀࡉࡄࡅࡍ ࡄࡅࡀ ࡏࡕࡍࡀࡐࡀࡔ
331:22 ࡉࡀࡄࡅࡈࡀࡉࡉࡀ ࡁࡂࡀࡅࡇ ࡖࡄࡅࡓࡁࡀ ࡑࡀࡃࡉࡀ ࡏࡕࡍࡀࡐࡀࡔ ࡉࡀࡄࡅࡈࡀࡉࡉࡀ
331:23 ࡅࡌࡀࡈࡉࡀࡕ ࡋࡌࡉࡋࡂࡀࡈ ࡋࡉࡂࡈࡕࡀ ࡁࡃࡌࡅ ࡐࡀࡂࡓࡉࡀ ࡏࡃࡀࡌࡉࡀࡕ
331:24 ࡅࡀࡎࡂࡉࡕ ࡀࡋࡉࡕ ࡋࡏࡅࡓࡀࡔࡋࡀࡌ ࡌࡀࡋࡀࡋ{{ࡀ}}<<ࡉ>>ࡕ ࡁࡒࡀࡋࡀࡉ ࡅࡃࡉࡓࡔࡉࡕ

next page