← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


005:01 ࡀࡍࡀ ࡁࡓ ࡀࡋࡐࡀ ࡖࡔࡍࡉࡀ ࡄࡀࡅࡉࡍࡀ ࡅࡁࡀࡉࡉࡍࡀ ࡖࡏࡊࡅࡋ ࡀࡋࡐࡀ ࡖࡔࡍࡉࡀ
005:02 ࡄࡅࡓࡉࡍࡉࡀࡕࡀ ࡄࡉࡍࡏࡋࡀ ࡏࡆࡉࡋ ࡏࡋ ࡔࡉࡕࡉࡋ ࡁࡓ ࡒࡓࡅࡋࡇ ࡄࡀࡄࡅ
005:03 ࡖࡌࡉࡁࡉࡋࡇ ࡋࡀࡋࡌࡀ ࡄࡀࡄࡅ ࡖࡌࡉࡍࡀࡉ ࡉࡀࡍࡅࡒ ࡅࡌࡉࡍࡀࡉ ࡓࡂࡉࡂ
005:04 ࡁࡓ ࡕࡌࡀࡍࡀࡍ ࡔࡍࡏ ࡄࡀࡅࡉࡀ ࡄࡀࡆࡉࡍ ࡏࡋ ࡔࡉࡐࡅࡋࡉࡀ ࡖࡀࡕࡅࡀࡕ
005:05 ࡋࡀࡃࡓࡉࡊࡋࡇ ࡅࡐࡉࡓࡉࡀ ࡓࡅࡓࡁࡉࡀ ࡋࡀࡄࡅࡀࡋࡇ ࡋࡀࡔࡌࡉࡈࡋࡇ ࡄࡉࡓࡁࡀ
005:06 ࡅࡋࡀࡔࡃࡉࡋࡇ ࡁࡂࡅ ࡃࡀࡓࡉࡀ ࡆࡌࡀ ࡄࡀࡍࡀࡕࡇ ࡄࡅ ࡖࡌࡉࡁࡉࡋࡇ
005:07 ࡋࡄࡀࡍࡀࡕࡇ ࡀࡋࡌࡀ ࡅࡄࡀࡉࡆࡀࡊ ࡀࡕࡀ ࡑࡀࡅࡓࡏࡉࡋ ࡔࡀࡓࡅࡉࡀ ࡅࡒࡌࡀࡌࡉࡓ
005:08 ࡆࡉࡅࡀ ࡒࡅࡃࡀࡌ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡅࡀࡌࡀࡓࡋࡅࡍ ࡄࡉࡉࡀ
005:09 ࡀࡁࡀࡄࡀࡕࡀࡉ ࡌࡉࡃࡀ ࡉࡀࡃࡉࡕࡅࡍ ࡅࡌࡉࡂࡋࡉࡀ ࡂࡋࡉࡋࡊࡅࡍ ࡅࡂࡉࡋࡉࡀࡕࡀ
005:10 ࡅࡊࡉࡎࡉࡀࡕࡀ ࡒࡅࡃࡀࡌࡀࡉࡊࡅࡍ ࡌࡂࡀࡋࡀࡋࡀ ࡅࡀࡎࡁࡅࡓࡉࡀ ࡋࡀࡁࡀࡉࡉࡕࡅࡍ
005:11 ࡀࡌࡉࡍࡈࡅࡋ ࡖࡀࡃࡀࡌ ࡀࡍࡏࡍ ࡀࡌࡀࡓࡍࡀࡋࡇ ࡅࡀࡃࡀࡌ ࡏࡋ
005:12 ࡔࡉࡕࡉࡋ ࡁࡓࡇ ࡔࡀࡃࡓࡉࡍࡀࡍ ࡅࡀࡌࡀࡓ ࡀࡍࡀ ࡁࡓ ࡀࡋࡐࡀ ࡖࡔࡍࡉࡀ
005:13 ࡄࡀࡅࡉࡍࡀ ࡅࡁࡀࡉࡉࡍࡀ ࡌࡉࡊࡀࡋ ࡀࡋࡐࡀ ࡔࡍࡏ ࡄࡅࡓࡉࡍࡉࡀࡕࡀ ࡅࡀࡌࡀࡓ
005:14 ࡏࡆࡉࡋ ࡏࡋ ࡔࡉࡕࡉࡋ ࡁࡓ ࡖࡌࡉࡍࡀࡉ ࡉࡀࡍࡅࡒ ࡅࡌࡉࡍࡀࡉ ࡓࡂࡉࡂ
005:15 ࡁࡓ ࡕࡌࡀࡍࡀࡍ ࡔࡍࡉࡀ ࡄࡀࡅࡉࡀ ࡁࡀࡋࡌࡀ ࡄࡀࡆࡉࡍ ࡏࡋ ࡔࡉࡐࡅࡋࡀ
005:16 ࡖࡀࡕࡅࡀࡕ ࡋࡀࡃࡓࡉࡊࡋࡇ ࡅࡐࡉࡓࡉࡀ ࡓࡅࡓࡁࡉࡀ ࡋࡀࡄࡅࡀࡋࡇ ࡋࡀࡔࡌࡉࡈࡋࡇ
005:17 ࡄࡉࡓࡁࡀ ࡅࡋࡀࡔࡃࡉࡋࡇ ࡁࡂࡅ ࡕࡉࡁࡉࡋ ࡆࡌࡀ ࡄࡀࡍࡀࡕࡇ ࡄࡅ
005:18 ࡖࡌࡉࡁࡉࡋࡇ ࡋࡀࡋࡌࡀ ࡄࡀࡄࡅ ࡅࡄࡀࡉࡆࡀࡊ ࡒࡉࡓࡅࡉࡀ ࡅࡆࡀࡓࡆࡅࡉࡀ
005:19 ࡅࡔࡀࡃࡓࡅࡉࡀ ࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡋࡑࡀࡅࡓࡏࡉࡋ ࡔࡀࡓࡅࡉࡀ
005:20 ࡅࡋࡒࡌࡀࡌࡉࡓ ࡆࡉࡅࡀ ࡅࡀࡌࡀࡓࡅࡋࡇ ࡄࡅࡕ ࡏࡆࡉࡋ ࡋࡀࡋࡌࡀ ࡄࡀࡄࡅ
005:21 ࡖࡁࡉࡔࡉࡀ ࡅࡋࡃࡀࡅࡓࡀ ࡄࡀࡄࡅ ࡖࡍࡀࡐࡔࡀ ࡕࡉࡒࡋࡀࡕࡇ ࡅࡊࡅࡋࡇ
005:22 ࡄࡅࡎࡓࡀࡍࡀ ࡅࡒࡓࡅࡋࡇ ࡋࡔࡉࡕࡉࡋ ࡁࡓ ࡀࡃࡀࡌ ࡅࡀࡐࡓࡉࡔࡅࡋࡇ
005:23 ࡌࡀࡃࡀ ࡈࡀࡁࡀ ࡋࡒࡅࡃࡀࡌࡇ ࡅࡀࡌࡅࡓࡅࡋࡇ ࡉࡀ ࡔࡉࡕࡉࡋ ࡁࡓ ࡀࡃࡀࡌ
005:24 ࡒࡅࡌ ࡌࡅࡕ ࡖࡗ ࡖࡋࡀࡄࡅࡉࡕ ࡅࡏࡕࡄࡀࡌࡁࡀࡋ ࡗ ࡖࡋࡀࡏࡔࡕࡀࡅࡉࡕ

next page