← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


006:01 ࡀࡌࡉࡍࡈࡅࡋ ࡖࡍࡏࡔࡉࡌࡕࡀࡊ ࡋࡊࡀࡍࡀ ࡌࡉࡁࡏࡉࡀ ࡅࡋࡃࡅࡊࡕࡀ ࡖࡄࡅࡀࡕ
006:02 ࡌࡍ ࡋࡀࡒࡀࡃࡌࡉࡀ ࡅࡄࡀࡉࡆࡀࡊ ࡍࡄࡉࡕ ࡀࡕࡀ ࡑࡀࡅࡓࡏࡉࡋ ࡔࡀࡓࡅࡉࡀ
006:03 ࡅࡒࡌࡀࡌࡉࡓ ࡆࡉࡅࡀ ࡋࡀࡋࡌࡀ ࡄࡀࡆࡉࡍ ࡖࡁࡉࡔࡉࡀ ࡅࡋࡃࡀࡅࡓࡀ ࡄࡀࡆࡉࡍ
006:04 ࡖࡍࡀࡐࡔࡀ ࡕࡉࡒࡋࡀࡕࡀ ࡅࡊࡅࡋࡇ ࡄࡅࡎࡓࡀࡍࡀ ࡅࡒࡓࡅࡋࡇ ࡒࡀࡋࡀ ࡋࡔࡉࡕࡉࡋ
006:05 ࡁࡓ ࡀࡃࡀࡌ ࡅࡀࡐࡓࡉࡔࡅࡋࡇ ࡌࡀࡃࡀ ࡈࡀࡁࡀ ࡅࡋࡒࡅࡃࡀࡌࡇ ࡅࡀࡌࡓࡅࡋࡇ
006:06 ࡉࡀ ࡔࡉࡕࡉࡋ ࡁࡓ ࡀࡃࡀࡌ ࡒࡅࡌ ࡌࡅࡕ ࡗ ࡖࡋࡀࡄࡅࡉࡕ
006:07 ࡅࡏࡕࡄࡀࡌࡁࡀࡋ ࡗ ࡋࡀࡏࡔࡕࡀࡅࡉࡕ ࡀࡌࡉࡍࡈࡅࡋ ࡖࡍࡏࡔࡉࡌࡕࡀࡊ
006:08 ࡋࡊࡀࡍࡀ ࡌࡉࡁࡏࡉࡀ ࡅࡋࡁࡉࡕ ࡀࡁࡅ ࡓࡁࡀ ࡒࡀࡃࡌࡀ^ࡉ^ࡉࡀ ࡋࡃࡅࡊࡕࡀ
006:09 ࡖࡄࡅࡉࡕ ࡌࡍ ࡋ̊ࡀࡒࡀࡃࡌࡉࡀ ࡅࡄࡀࡉࡆࡀࡊ ࡀࡌࡀࡓ ࡔࡉࡕࡉࡋ ࡁࡓ
006:10 ࡀࡃࡀࡌ ࡉࡀ ࡒࡀࡓࡅࡉࡀ ࡖࡋࡃࡉࡋࡉࡀ ࡒࡀࡓࡉࡀ ࡉࡀ ࡌࡀࡃࡀ ࡈࡀࡁࡀ
006:11 ࡖࡋࡒࡅࡃࡀࡌࡀࡉ ࡂࡋࡉࡋࡉࡀ ࡀࡍࡀ ࡁࡓ ࡕࡌࡀࡍࡀࡍ ࡔࡍࡉࡀ ࡄࡀࡅࡉࡍࡀ
006:12 ࡁࡀࡋࡌࡀ ࡄࡀࡆࡉࡍ ࡏࡋ ࡔࡉࡐࡅࡋࡇ ࡖࡀࡕࡅࡀࡕ ࡋࡀࡃࡓࡉࡊࡋࡉࡀ ࡅࡐࡉࡓࡉࡀ
006:13 ࡓࡅࡓࡁࡉࡀ ࡋࡀࡄࡅࡀࡋࡉࡀ ࡋࡀࡔࡌࡉࡈࡋࡇ ࡄࡉࡓࡁࡀ ࡅࡋࡀࡔࡃࡉࡋࡉࡀ
006:14 ࡁࡂࡅ ࡕࡉࡁࡉࡋ ࡆࡌࡀ ࡏࡆࡉࡋ ࡏࡋ ࡀࡃࡀࡌ ࡀࡁ ࡁࡓ ࡀࡋࡐࡀ
006:15 ࡖࡔࡍࡉࡀ ࡄࡀࡅࡉࡀ ࡁࡀࡋࡌࡀ ࡄࡀࡆࡉࡍ ࡀࡃࡋࡀ ࡍࡉࡒࡅࡔ ࡅࡀࡃࡋࡀ
006:16 ࡍࡉࡄࡎࡅࡊ ࡅࡀࡃࡋࡀ ࡍࡉࡒࡌࡅࡍ ࡁࡍࡇ ࡌࡉࡍࡇ ࡆࡅࡈࡉࡀ ࡅࡔࡉࡈࡅࡀࡕࡀ
006:17 ࡁࡍࡐࡏࡔ ࡍࡉࡁࡅࡃࡅࡋࡇ ࡅࡀࡌࡓࡉࡋࡇ ࡉࡀ ࡔࡉࡕࡉࡋ ࡁࡓ ࡀࡃࡀࡌ
006:18 ࡌࡍ ࡒࡅࡃࡀࡌ ࡄࡀࡆࡉࡍ ࡒࡀࡋࡀ ࡖࡋࡀࡊ ࡃࡉࡋࡀࡊ ࡒࡓࡉࡍࡀࡋࡀࡊ ࡋࡀࡃࡀࡌ
006:19 ࡒࡓࡉࡍࡀࡋࡇ ࡅࡀࡌࡀࡓࡍࡀࡋࡇ ࡋࡀࡃࡀࡌ ࡀࡁࡅࡊ ࡏࡋ ࡃࡉࡋࡀࡊ ࡔࡀࡃࡓࡉࡍࡀࡍ
006:20 ࡅࡀࡌࡀࡓ ࡔࡉࡕࡉࡋ ࡁࡓ ࡀࡃࡀࡌ ࡁࡓࡅࡉࡀࡍࡇ ࡖࡍࡀࡐࡔࡀࡉ ࡃࡀࡄࡉࡋࡍࡀ
006:21 ࡖࡏࡌࡀࡓ ࡖࡋࡀࡍࡀࡐࡉࡒࡍࡀ ࡌࡍ ࡐࡀࡂࡓࡀࡉ ࡏࡃࡀࡋࡌࡀ ࡄࡉࡉࡀ ࡓࡁࡉࡀ
006:22 ࡂࡉࡅࡈࡀ ࡏࡋࡀࡉ ࡁࡀࡕࡓࡀ ࡓࡁࡀ ࡃࡉࡋࡄࡅࡍ ࡖࡍࡀࡐࡔࡀࡉࡄࡅࡍ ࡅࡄࡀࡉࡆࡀࡊ
006:23 ࡒࡀࡌ ࡔࡉࡕࡉࡋ ࡁࡓ ࡀࡃࡀࡌ ࡅࡁࡀ ࡓࡀࡄࡌࡉࡀ ࡓࡅࡓࡁࡉࡀ ࡅࡋࡀࡆࡅࡈࡉࡀ
006:24 ࡅࡄࡀࡉࡆࡀࡊ ࡔࡉࡄࡋࡇ ࡋࡏࡑࡈࡅࡍࡀ ࡖࡁࡉࡎࡓࡀ ࡅࡆࡌࡀ ࡅࡋࡁࡀࡔ ࡏࡑࡈࡅࡍࡀ

next page