← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


010:01 ࡔࡀࡓࡅࡉࡀ ࡅࡌࡀࡈࡉࡀ ࡂࡀࡁࡓࡀ ࡐࡀࡓࡅࡀࡍࡒࡀ ࡀࡕࡀ ࡒࡀࡌࡋࡇ ࡏࡋ
010:02 ࡏࡎࡀࡃࡇ ࡋࡀࡃࡀࡌ ࡏࡋ ࡏࡎࡀࡃࡇ ࡋࡀࡃࡀࡌ ࡒࡀࡌࡋࡇ ࡅࡌࡀࡕࡀࡓࡋࡇ
010:03 ࡌࡍ ࡔࡉࡍࡕࡇ ࡅࡀࡌࡀࡓࡋࡇ ࡒࡅࡌ ࡒࡅࡌ ࡀࡃࡀࡌ ࡔࡅࡄࡋࡇ ࡋࡐࡀࡂࡓࡀࡊ
010:04 ࡆࡀࡐࡓࡀ ࡋࡊࡉࡕࡅࡍ ࡈࡉࡍࡀ ࡖࡄࡅࡉࡕࡁࡇ ࡔࡅࡄࡋࡇ ࡋࡊࡉࡕࡅࡍ ࡐࡀࡂࡓࡉࡀ
010:05 ࡋࡐࡀࡂࡓࡀ ࡎࡀࡓࡉࡀ ࡖࡄࡅࡉࡕࡁࡇ ࡔࡅࡄࡋࡇ ࡋࡋࡁࡅࡔ ࡐࡀࡂࡓࡉࡀ ࡖࡄࡅࡉࡕࡁࡇ
010:06 ࡅࡄࡅࡁࡈࡇ ࡁࡓࡉࡔࡇ ࡖࡔࡅࡁࡀ ࡅࡕࡓࡉࡎࡀࡓ ࡂࡅࡁࡓࡉࡀ ࡖࡏࡁࡃࡅࡉࡀ
010:07 ࡅࡔࡀࡌࡀࡓ ࡔࡅࡁࡒࡇ ࡁࡂࡀࡅࡇ ࡖࡀࡋࡌࡀ ࡀࡌࡉࡍࡈࡅࡋ ࡖࡆࡉࡁࡍࡀࡊ
010:08 ࡌࡈࡀ ࡋࡌࡉࡍࡐࡀࡒ ࡅࡊࡏࡋࡀࡊ ࡔࡋࡉࡌ ࡌࡉࡍࡇ ࡖࡄࡀࡆࡉࡍ ࡀࡋࡌࡀ
010:09 ࡄࡉࡉࡀ ࡔࡀࡃࡓࡅࡍ ࡏࡋࡀࡊ ࡅࡁࡀࡉࡉࡋࡀࡊ ࡋࡀࡕࡓࡀ ࡖࡄࡉࡉࡀ ࡌࡉࡆࡋࡀࡊ
010:10 ࡋࡀࡕࡓࡀ ࡖࡄࡅࡉࡕࡁࡇ ࡌࡍ ࡒࡃࡉࡌ ࡋࡃࡀࡅࡓࡀ ࡖࡀࡁࡀࡄࡀ^ࡕࡀ^ࡊ ࡁࡂࡀࡅࡇ
010:11 ࡉࡀࡕࡁࡉࡀ ࡗ ࡄࡀࡉࡆࡉࡍ ࡔࡅࡌࡀ ࡀࡃࡀࡌ ࡄࡀࡅࡋࡉࡋ ࡏࡋ ࡍࡀࡐࡔࡇ
010:12 ࡅࡁࡊࡀ ^ࡄࡀࡅࡋࡉࡋ ࡅࡁࡊࡀ^ ࡏࡋ ࡍࡀࡐࡔࡇ ࡅࡏࡔࡕࡓࡉࡋࡇ ࡁࡀࡉࡍࡇ ࡃࡉࡌࡉࡄࡕࡀ ࡀࡃࡀࡌ
010:13 ࡏࡋ ࡐࡅࡌࡇ ࡐࡉࡄࡕࡇ ࡖࡍࡏࡌࡀࡓࡋࡇ ࡋࡂࡀࡁࡓࡀ ࡐࡀࡓࡅࡀࡍࡒࡀ ࡖࡀࡕࡀ
010:14 ࡏࡋࡇ ࡀࡁ ࡗ ࡀࡍࡀ ࡀࡕࡉࡍࡀ ࡌࡉࡍࡀࡊ ࡄࡀࡆࡉࡍ ࡕࡉࡁࡉࡋ ࡖࡄࡀࡆࡉࡍ ࡍࡀࡐࡔࡀ
010:15 ࡌࡀࡍ ࡍࡉࡄࡅࡉࡀ ࡁࡂࡀࡅࡇ ࡍࡀࡈࡓࡀ ࡄࡀࡉࡆࡉࡍ ࡄࡀࡅࡀ ࡆࡀࡅࡀࡉ ࡌࡀࡍ
010:16 ࡍࡉࡄࡅࡉࡋࡇ ࡑࡀࡅࡕࡀ ࡄࡀࡋࡉࡍ ࡔࡉࡕࡋࡉࡀ ࡖࡔࡉࡕࡋࡉࡕ ࡌࡀࡍ ࡍࡉࡄࡅࡉࡋࡅࡍ
010:17 ࡁࡃࡀࡓࡉࡀ ࡎࡉࡌࡀࡊࡀ ࡌࡀࡍ ࡎࡉࡌࡀࡊࡀ ࡍࡉࡄࡅࡉࡋࡅࡍ ࡄࡀࡆࡉࡍ ࡁࡀࡉࡕࡀ ࡖࡃࡀࡓࡉࡁࡇ
010:18 ࡌࡀࡍ ࡃࡀࡉࡀࡓࡁࡇ ࡅࡌࡀࡍ ࡄࡀࡅࡉࡀ ࡁࡂࡀࡅࡇ ࡄࡀࡆࡉࡍ ࡗ ࡃࡀࡓࡀ ࡃࡉࡒࡋࡀ
010:19 ࡈࡅࡍࡀ ࡅࡊࡍࡀࡓࡀ ࡃࡀࡓࡀ ࡎࡉࡌࡀࡃࡓࡀ ࡌࡀࡍ ࡍࡉࡄࡅࡉࡋࡅࡍ ࡍࡀࡈࡓࡀ ࡗ ࡀࡕࡉࡀ
010:20 ࡐࡓࡀࡕ ࡅࡃࡉࡂࡋࡀࡕ ࡌࡀࡍ ࡃࡀࡓࡀ ࡌࡄࡀࡓࡇ ࡁࡏࡃࡇ ࡅࡌࡃࡀࡁࡀࡓ ࡌࡉࡀ
010:21 ࡋࡔࡉࡕࡋࡉࡀ ࡗ ࡉࡀࡃࡋࡀ ࡉࡀࡃࡀࡋࡕࡀ ࡌࡀࡍ ࡄࡀࡅࡉࡋࡅࡍ ࡀࡍࡉࡀ ࡌࡀࡍ ࡑࡀࡌࡉࡃ
010:22 ࡐࡀࡃࡀࡍࡀ ࡕࡀࡅࡓࡉࡀ ࡅࡌࡃࡀࡁࡀࡓ ࡁࡀࡆࡉࡓࡀ ࡁࡀࡓࡒࡀ ࡌࡀࡍ ࡋࡀࡂࡉࡈ
010:23 ࡊࡀࡓࡊࡅࡔࡕࡀ ࡁࡏࡃࡇ ࡅࡌࡊࡀࡓࡊࡉࡔ ࡀࡒࡍࡉࡀ ࡋࡃࡉࡁࡍࡀࡉࡄࡅࡍ ࡉࡀࡌࡅࡓࡉࡀ
010:24 ࡋࡁࡀࡒࡓࡀࡉࡄࡅࡍ ࡅࡌࡊࡀࡍࡉࡐࡋࡅࡍ ࡋࡉࡀࡕࡉࡌࡉࡀ ࡅࡊࡀࡍࡐࡀ ࡖࡀࡓࡌࡀࡋࡕࡀ ࡌࡀࡍ

next page