← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


019:01 ࡓࡅࡓࡁࡉࡀ ࡒࡀࡃࡌࡀࡉࡉࡀ ࡀࡋࡌࡀ ࡋࡉࡅࡌࡀ ࡉࡅࡌ ࡃࡉࡍࡀ ࡅࡀࡋࡌࡀ ࡋࡔࡉࡕࡀ
019:02 ࡔࡀࡉࡉࡀ ࡖࡐࡅࡓࡒࡀࡍࡀ ࡀࡋࡌࡀ ࡋࡉࡅࡌࡀ ࡓࡁࡀ ࡖࡒࡀࡉࡀࡌࡕࡀ ࡅࡄࡀࡉࡆࡀࡊ
019:03 ࡒࡀࡉࡌࡉࡕ ࡀࡍࡀࡕ ࡀࡃࡀࡌ ࡅࡊࡅࡋࡄࡉࡍ ࡔࡅࡓࡁࡀࡕࡀࡊ ࡅࡋࡀࡓࡒࡀ ࡖࡍࡀࡐࡔࡀࡊ
019:04 ࡀࡆࡋࡉࡕ ࡅࡋࡏࡑࡓࡀࡊ ࡀࡍࡀࡄࡇ ࡅࡀࡅࡕࡁࡇ ࡋࡋࡉࡁࡀࡊ ࡏࡋ ࡎࡀࡌࡊࡀ ࡅࡄࡉࡉࡀ ࡆࡀࡊࡏࡉࡍ
019:05 ࡎࡀ
019:06 ࡄࡀࡆࡉࡍ ࡎࡉࡃࡓࡀ ࡗ ࡊࡏࡋࡀ ࡔࡀࡋࡉࡌࡋࡇ ࡋࡀࡃࡀࡌ ࡅࡄࡅࡔࡁࡀࡍ{ࡀ}<ࡇ#2#>
019:07 ࡁࡃࡀࡓࡉࡀ ࡏࡕࡁࡀࡃࡓࡅࡉࡀ ࡒࡀࡓࡉࡀ ࡅࡌࡀࡐࡓࡉࡔ ࡌࡀࡍࡃࡀ ࡖࡄࡉࡉࡀ
019:08 ࡅࡀࡌࡀࡓ ࡀࡂࡆࡀࡓࡕࡀ ࡕࡉࡄࡅࡉࡀ ࡏࡋ ࡊࡅࡋ ࡌࡀࡍ ࡌࡉࡐࡀࡒ
019:09 ࡍࡀࡐࡉࡒ ࡌࡍ ࡐࡀࡂࡓࡇ ࡌࡍ ࡀࡋࡌࡀ ࡖࡀࡉࡕࡇ ࡁࡂࡀࡅࡇ ࡅࡁࡀࡉࡉࡋࡇ
019:10 ࡋࡑࡀࡅࡕࡀ ࡅࡓࡀࡄࡉࡌ ࡃࡀࡄࡁࡀ ࡅࡊࡀࡎࡐࡀ ࡅࡃࡋࡀ ࡄࡀࡆࡉࡀ ࡀࡌࡀࡓ
019:11 ࡅࡃࡋࡀ ࡔࡀࡌࡀ ࡌࡉࡔࡕࡀࡉࡉࡀ ࡅࡐࡀࡔࡉࡈ ࡁࡉࡍࡉࡀ ࡀࡄࡉࡀ ࡅࡐࡀࡋࡉࡂ
019:12 ࡁࡍࡉࡀ ࡌࡍ ࡀࡁࡀࡄࡀࡕࡇ ࡅࡌࡀࡅࡆࡉࡐ ࡅࡔࡀࡒࡉࡋ ࡄࡁࡅࡋࡉࡀ ࡅࡀࡊࡉࡋ
019:13 ࡐࡉࡓࡑࡀ ࡆࡅࡈࡀ ࡅࡀࡐࡉࡊ ࡌࡉࡑࡓࡉࡀ ࡅࡌࡔࡀࡍࡉࡀ ࡊࡅࡃࡊࡉࡀ ࡅࡀࡁࡉࡃ
019:14 ࡏࡁࡉࡃࡀࡕࡀ ࡎࡀࡉࡍࡀࡕࡀ ࡄࡀࡆࡉࡍ ࡍࡉࡋࡉࡈࡇ ࡌࡀࡍࡃࡀ ࡖࡄࡉࡉࡀ ࡅࡁࡏࡄࡓࡀ
019:15 ࡖࡀࡆࡀࡋ ࡀࡃࡀࡌ ࡓࡉࡔࡀ ࡖࡃࡀࡓࡀ ࡋࡀࡍࡉࡆࡀࡋ ࡅࡋࡀࡍࡉࡎࡀࡒ ࡅࡋࡀࡍࡉࡄࡉࡆࡉࡀ
019:16 ࡋࡀࡕࡀࡓ ࡍࡄࡅࡓ ࡗ ࡖࡎࡀࡋࡒࡀ ࡍࡉࡔࡌࡀࡕࡀ ࡈࡀࡁࡀࡕࡀ ࡋࡁࡉࡕ
019:17 ࡄࡉࡉࡀ ࡄࡉࡍࡉࡋࡇ ࡄࡅ ࡍࡉࡕࡊࡀࡌࡀࡓ ࡌࡍ ࡀࡕࡓࡀ ࡓࡁࡀ ࡖࡍࡄࡅࡓࡀ
019:18 ࡅࡌࡍ ࡃࡀࡅࡓࡀ ࡕࡀࡒࡍࡀ ࡄࡉࡉࡀ ࡋࡉࡀࡃࡀࡍ ࡅࡄࡉࡉࡀ ࡋࡎࡀࡁࡓࡀࡍ ࡅࡄࡉࡉࡀ
019:19 ࡋࡂࡅࡁࡓࡉࡀ ࡌࡀࡎࡁࡉࡓࡀࡍࡀࡍ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ
019:20 ࡅࡄࡉࡉࡀ ࡆࡀࡊࡉࡍ ࡏࡋ ࡊࡅࡋࡄࡅࡍ ࡏࡁࡀࡃࡉࡀ
019:21 ࡎࡀ
019:22 ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡄࡀࡆࡉࡍ ࡄࡅ ࡓࡀࡆࡀ ࡅࡎࡉࡃࡓࡀ
019:23 ࡅࡀࡐࡓࡀࡔࡀࡕࡀ ࡅࡐࡉࡀࡎࡀ ࡅࡁࡅࡍࡀ ࡖࡀࡐࡓࡉࡔ ࡌࡀࡍࡃࡀ ࡖࡄࡉࡉࡀ ࡅࡀࡌࡀࡓ
019:24 ࡋࡁࡄࡉࡓࡉࡀ ࡆࡉࡃࡒࡀ ࡗ ࡊࡉࡋࡇ ࡔࡀࡋࡉࡌࡋࡇ ࡋࡀࡃࡀࡌ ࡅࡌࡍ ࡐࡀࡂࡓࡇ

next page