← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


021:01 ࡁࡒࡍࡀࡎࡀ ࡖࡒࡅࡃࡀࡌ ࡄࡉࡓࡁࡀ ࡍࡀࡐࡒࡉࡍ ࡅࡁࡏࡅࡄࡓࡀ ࡖࡄࡉࡉࡀ ࡌࡀࡎࡂࡉࡍ
021:02 ࡅࡁࡔࡁࡉࡋࡀ ࡖࡍࡐࡀࡒࡉࡁࡅࡍ ࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡕࡅࡌ ࡏࡎࡕࡌࡉࡊ
021:03 ࡁࡄࡉࡉࡀ ࡅࡏࡋ ࡔࡊࡉࡍࡀࡕࡀ ࡖࡓࡅࡓࡁࡉࡀ ࡏࡒࡀࡓࡀ ࡅࡏࡔࡕࡀࡅࡆࡀࡁ
021:04 ࡀࡐ ࡀࡍࡀࡕ ࡀࡁࡀࡕࡓࡇ ࡋࡉࡂࡀࡋ ࡀࡕࡉࡕ ࡄࡉࡍ ࡊࡀࡐࡓࡉࡕ ࡀࡉࡍࡉࡊ
021:05 ࡌࡍ ࡃࡉࡌࡉࡄࡕࡀ ࡅࡔࡀࡒࡋࡉࡕ ࡊࡀࡍࡐࡉࡊ ࡌࡍ ࡓࡉࡔࡉࡊ ࡅࡀࡉࡈࡀ
021:06 ࡅࡊࡀࡓࡉࡅࡕࡀ ࡃࡀࡄࡉࡕ ࡌࡍ ࡏࡑࡓࡉࡊ ࡅࡃࡀࡄࡉࡕ ࡏࡁࡋࡉࡀ ࡅࡌࡀࡋࡉࡀ ࡌࡍ
021:07 ࡋࡉࡁࡉࡊ {{ࡁࡍࡀ}} ࡁࡒࡍࡀࡎࡀ ࡖࡒࡅࡃࡀࡌ ࡄࡉࡓࡁࡀ ࡅࡌࡀࡎࡂࡉࡕ ࡁࡏࡅࡄࡓࡀ
021:08 ࡖࡄࡉࡉࡀ ࡅࡍࡀࡐࡒࡉࡕ ࡁࡔࡁࡉࡋࡀ ࡖࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡕࡅࡌ
021:09 ࡄࡀࡋࡉࡍ ࡐࡅࡂࡃࡀࡌࡉࡀ ࡀࡌࡓࡉࡋࡇ ࡀࡁࡀࡄࡀࡕࡇ ࡋࡄࡉࡁࡉࡋ ࡆࡉࡅࡀ
021:10 ࡅࡀࡎࡂࡉࡀ ࡅࡀࡕࡀ ࡋࡒࡅࡃࡀࡌ ࡄࡀࡅࡀ ࡅࡊࡀࡐ ࡔࡉࡐ<ࡅࡋ#2#>ࡇ ࡅࡈࡀࡓࡈࡁࡅࡍࡉࡀ
021:11 ࡅࡏࡕࡉࡁ ࡁࡔࡅࡕࡀ ࡁࡀࡎࡉࡌࡕࡀ ࡋࡄࡀࡅࡀ ࡏࡔࡕࡀࡉࡉࡋࡇ ࡅࡄࡀࡅࡀ ࡌࡍࡀࡊࡓࡉࡀ
021:12 ࡏࡑࡓࡇ ࡅࡀࡋࡀࡍࡐࡇ ࡁࡀࡊࡉࡇ ࡅࡀࡌࡓࡀࡋࡇ ࡅࡀࡌࡓࡀࡋࡇ ࡌ{ࡆ}<ࡉ>ࡄࡆࡉࡋࡀࡊ
021:13 ࡍࡉࡔࡌࡀ ࡖࡍࡐࡀࡒ ࡌࡉࡍࡀࡉ ࡅࡀࡌࡀࡓࡋࡇ ࡍࡉࡔࡌࡀ ࡖࡍࡐࡀࡒ
021:14 ࡌࡉࡍࡀࡊ ࡕࡓࡉࡑ ࡁࡂࡉࡅࡀࡕ ࡏࡒࡀࡓࡀ ࡅࡍࡀࡄࡓࡉࡋࡇ ࡀࡍࡐࡇ ࡁࡉࡓࡅࡀࡄࡀ
021:15 ࡖࡀࡔࡊࡀ ࡅࡕࡓࡉࡑ ࡁࡄࡀࡃࡅࡕࡀ ࡓࡀࡁࡕࡉࡀ ࡖࡍࡄࡅࡓࡀ ࡅࡀࡌࡀࡓࡋࡇ
021:16 ࡔࡉࡈࡉࡕ ࡔࡉࡈࡅࡀࡕࡅࡍ ࡖࡔࡉࡁࡉࡀࡄࡉࡀ ࡅࡏࡁࡋࡉࡀ ࡅࡌࡀࡋࡉࡀ ࡋࡀࡂࡈࡉࡕ
021:17 ࡅࡁࡀࡊࡉࡕ ࡅࡔࡀࡄࡓࡉࡕ ࡅࡃࡀࡅࡉࡕ ࡅࡀࡉࡈࡀ ࡊࡀࡓࡉࡅࡕࡀ ࡌࡀࡉࡋࡉࡕ
021:18 ࡋࡏࡑࡓࡉࡊ ࡅࡀࡌࡓࡉࡀ ࡖࡍࡉࡋࡂࡅࡈ ࡌࡀࡋࡉࡀ ࡅࡏࡕࡂࡍࡀ ࡂࡅࡄࡀ
021:19 ࡅࡏࡑࡈࡀࡓࡀࡓ ࡀࡉࡍࡉࡊ ࡃࡉࡌࡉࡄࡕࡀ ࡅࡔࡀࡉࡀࡈࡀ ࡖࡀࡃࡀࡌ ࡌࡀࡕࡉࡀࡋࡇ
021:20 ࡋࡄࡀࡅࡀ ࡁࡔࡅࡕࡀ ࡁࡀࡎࡉࡌࡕࡉࡀ ࡅࡏࡔࡕࡀࡉࡉࡋࡇ ࡁࡔࡅࡕࡀ ࡏࡁࡓࡀࡉࡕࡀ
021:21 ࡏࡑࡓࡇ ࡖࡌࡀࡍࡀࡊࡓࡀࡉ ࡏࡕࡀࡄࡃࡀࡓࡋࡇ ࡏࡋ ࡀࡍࡀࡔࡉࡀ ࡍࡅࡊࡓࡀࡉࡉࡀ
021:22 ࡅࡋࡉࡁࡀ ࡕࡓࡀࡑࡋࡇ ࡏࡋ ࡁࡉࡕ ࡄࡉࡉࡀ ࡅࡏࡔࡒࡉࡋࡇ ࡏࡁࡋࡉࡀ ࡅࡌࡀࡋࡉࡀ
021:23 ࡌࡍ ࡀࡍࡐࡀ ࡅࡔࡒࡀࡋࡇ ࡌࡍ ࡀࡉࡍࡀ ࡃࡉࡌࡉࡕࡀ ࡅࡀࡌࡀࡓࡋࡇ ࡋࡄࡀࡅࡀ
021:24 ࡄࡆࡀࡉ ࡁࡔࡉࡈࡅࡀࡕࡅࡍ ࡔࡉࡈࡉࡕ ࡄࡉࡍࡉࡋࡀ ࡄࡀࡈࡀࡉࡉࡊ ࡍࡉࡔࡁࡉࡒࡅࡋࡉࡊ

next page