← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


024:01 ࡄࡀࡃࡕࡉࡀ ࡖࡋࡀࡌࡔࡀࡓࡉࡍ ࡅࡔࡓࡅࡍ ࡔࡉࡁࡉࡀࡄࡉࡀ ࡋࡄࡀࡅࡀ ࡌࡓࡀࡃࡐࡉࡋࡇ
024:02 ࡅࡓࡉࡃࡐࡀ ࡁࡍࡐࡉࡔ ࡏࡋࡀ ࡔࡀࡁࡒࡉࡀ ࡅࡏࡋ ࡕࡅࡔࡁࡉࡄࡕࡇ ࡒࡀࡉࡌࡀ
024:03 ࡄࡀࡅࡀ ࡅࡋࡌࡀࡍࡃࡀ ࡖࡄࡉࡉࡀ ࡌࡒࡀࡓࡉࡀࡋࡇ ࡅࡀࡌࡓࡀࡋࡇ ࡀࡍࡀࡕ ࡌࡀࡍࡃࡀ
024:04 ࡖࡄࡉࡉࡀ ࡁࡋࡉࡂࡀࡋ ࡄࡅࡉࡋࡉࡀ ࡐࡀࡓࡅࡀࡍࡒࡀ ࡅࡐࡀࡓࡒࡀࡍ ࡌࡍ ࡀࡋࡌࡀ
024:05 ࡖࡄࡀࡆࡉࡍ ࡖࡁࡉࡔࡉࡀ ࡎࡀࡉࡍࡉࡀ ࡅࡄࡀࡌࡁࡀࡋࡉࡀ ࡊࡅࡋ ࡉࡅࡌ ࡏࡋࡀࡉ
024:06 ࡌࡉࡕࡄࡀࡔࡁࡉࡀ ࡋࡁࡉࡔ ࡅࡓࡀࡆࡀ ࡏࡋࡀࡉ ࡊࡀࡁࡔࡉࡀ ࡏࡋ ࡋࡁࡅࡔࡀ
024:07 ࡖࡒࡀࡉࡌࡀࡍࡀࡁࡇ ࡅࡏࡋ ࡖࡋࡀࡔࡀࡌࡀࡍࡀ ࡌࡍ ࡔࡅࡕࡀࡉࡄࡅࡍ ࡏࡋࡀࡍ
024:08 ࡁࡆࡉࡃࡀ ࡌࡉࡕࡌࡉࡋࡊࡉࡀ ࡅࡓࡀࡆࡉࡀ ࡎࡀࡉࡍࡉࡀ ࡊࡀࡁࡔࡉࡀ ࡏࡋࡀࡍ ࡅࡀࡌࡓࡉࡀ
024:09 ࡁࡄࡉࡓࡁࡀ ࡍࡉࡍࡎࡅࡁࡅࡍࡀࡍ ࡋࡁࡍࡇ ࡖࡀࡃࡀࡌ ࡅࡀࡎࡂࡉࡀ ࡅࡀࡕࡀ ࡌࡀࡍࡃࡀ
024:10 ࡖࡄࡉࡉࡀ ࡅࡋࡉࡂࡈࡇ ࡋࡄࡀࡅࡀ ࡌࡍ ࡒࡅࡃࡀࡌ ࡒࡍࡀࡎࡀ ࡖࡄࡉࡓࡁࡀ ࡅࡏࡁࡋࡉࡀ
024:11 ࡅࡌࡀࡋࡉࡀ ࡀࡈࡀࡓ ࡌࡉࡍࡇ ࡅࡄࡀࡅࡀ ࡖࡄࡆࡀࡕࡇ ࡋࡌࡀࡍࡃࡀ ࡖࡄࡉࡉࡀ ࡏࡔࡕࡀࡈࡉࡀࡕ
024:12 ࡅࡍࡉࡐࡋࡀࡕ ࡋࡒࡅࡃࡀࡌࡇ ࡅࡀࡌࡓࡀࡋࡇ ࡏࡋ ࡈࡀࡁࡉࡀ ࡏࡕࡉࡕ ࡌࡀࡓࡀࡉ
024:13 ࡒࡍࡅࡎࡋࡉࡀ ࡒࡍࡀࡎࡀ ࡅࡀࡐࡒࡀࡍ ࡄࡀ ࡀࡍࡀ ࡄࡉࡉࡀ ࡔࡉࡄ̊ࡋࡅࡍ ࡅࡆࡀࡓࡆࡅࡍ
024:14 ࡅࡋࡄࡀࡊࡀ ࡔࡀࡃࡓࡅࡍ ࡏࡋࡉࡊ ࡃࡉࡋࡉࡊ ࡍࡉࡔࡉࡌࡕࡀ ࡅࡋࡂࡉࡍࡆࡀ ࡖࡀࡁࡀࡄࡀࡕࡉࡊ
024:15 ࡌࡉࡁࡀࡃ ࡅࡍࡉࡐࡋࡀࡕ ࡄࡀࡅࡀ ࡁࡒࡉࡓࡎࡀ ࡅࡃࡀࡂࡅࡔࡀ ࡉࡅࡌࡀ ࡅࡐࡀࡋࡂࡉࡀ
024:16 ࡅࡀࡕࡀࡕ ࡓࡅࡄࡀ ࡅࡏࡕࡉࡁࡀࡋࡀ ࡋࡄࡀࡅࡀ ࡋࡒࡅࡃࡀࡌࡇ ࡅࡀࡌࡀࡓࡀࡋࡇ ࡀࡋࡌࡀ
024:17 ࡄࡉࡉࡀ ࡍࡀࡐࡒࡉࡕ ࡄࡀࡓࡕࡀ ࡅࡔࡀࡁࡒࡉࡕ ࡁࡀࡕࡉࡀ ࡖࡋࡀࡌࡀࡓࡀࡅࡀࡕࡀ
024:18 ࡗ ࡁࡀࡉࡀࡍࡀࡋࡉࡊ ࡅࡋࡉࡀ ࡍࡏࡆࡀࡋ ࡅࡋࡉࡀ ࡍࡉࡄࡅࡉࡋࡀࡊ ࡓࡅࡄࡑࡀࡍࡀ ࡅࡄࡀࡉࡆࡀࡊ
024:19 ࡀࡕࡀ ࡄࡉࡁࡉࡋ ࡌࡀࡎࡁࡀࡓࡋࡇ ࡅࡌࡍ ࡐࡀࡂࡓࡇ ࡌࡀࡐࡉࡒࡋࡇ ࡅࡀࡌࡀࡓࡋࡅࡍ
024:20 ࡄࡉࡁࡉࡋ ࡆࡉࡅࡀ ࡋࡔࡉࡁࡉࡀࡄࡉࡀ ࡒࡅࡌ ࡃࡓࡀ ࡏࡅࡁࡀࡃࡉࡀ ࡏࡃࡀࡉࡊࡅࡍ
024:21 ࡅࡐࡀࡓࡄࡉࡆࡀ ࡅࡀࡌࡓࡀࡋࡇ ࡓࡅࡄࡀ ࡋࡄࡉࡁࡉࡋ ࡆࡉࡅࡀ ࡊࡅࡋ ࡖࡔࡉࡄ ࡔࡉࡄ
024:22 ࡍࡀࡎࡁࡉࡕ ࡌࡉࡍࡀࡉࡀࡍ ࡅࡃࡋࡀ ࡌࡉࡍࡃࡀࡌ ࡔࡀࡁࡒࡀࡕࡋࡀࡍ ࡋࡃࡉࡋࡀࡍ
024:23 ࡅࡄࡀࡉࡆࡀࡊ ࡀࡌࡀࡓࡋࡇ ࡌࡀࡍࡃࡀ ࡖࡄࡉࡉࡀ ࡋࡓࡅࡄࡀ ࡀࡍࡀࡕ ࡏࡅࡁࡀࡃࡉࡀ
024:24 ࡏࡃࡉࡊ ࡌࡍ ࡄࡃࡀࡃࡉࡀ ࡏࡔࡕࡊࡉࡍ ࡅࡌࡀࡍࡀ ࡖࡄࡅࡀࡁࡇ ࡍࡏࡆࡀࡋ

next page