← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


030:01 ࡋࡌࡀࡄࡅ ࡖࡌࡒࡀࡓࡉࡕ ࡄࡀࡁ ࡔࡅࡌࡀࡊ ࡅࡓࡅࡔࡅࡌࡀࡊ ࡖࡍࡎࡉࡁࡕ ࡌࡍ
030:02 ࡂࡉࡋࡉࡀ ࡌࡉࡀ ࡅࡌࡍ ࡏࡑࡓࡉࡀ ࡖࡆࡉࡅࡀ ࡅࡌࡍ ࡌࡀࡓࡉࡁࡀ ࡓࡁࡀ ࡅࡏࡋࡀࡉࡀ ࡏࡋ
030:03 ࡀࡕࡓࡇ ࡗ ࡒࡀࡉࡉࡌ ࡄࡀࡆࡉࡍ ࡍࡉࡔࡌࡀ ࡐࡀࡄࡕࡀ ࡒࡀࡓࡉࡀ ࡅࡌࡄࡀࡅࡉࡀ ࡅࡉࡀࡄࡉࡁ
030:04 ࡔࡅࡌࡇ ࡅࡓࡅࡔࡅࡌࡇ ࡅࡁࡉࡓࡊࡕࡇ ࡅࡌࡀࡑࡁࡅࡕࡇ ࡅࡌࡉࡍࡃࡀࡌ ࡖࡁࡇ ࡖࡍࡎࡉࡁ ࡌࡍ
030:05 ࡂࡉࡋࡉࡀ ࡌࡉࡀ ࡅࡌࡍ ࡏࡑࡓࡉࡀ ࡖࡆࡉࡅࡀ ࡅࡌࡍ ࡌࡀࡌࡁࡅࡄࡉࡀ ࡓࡅࡓࡁࡉࡀ ࡖࡍࡄࡅࡓࡀ
030:06 ࡅࡌࡍ ࡒࡅࡃࡀࡌ ࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ ࡅࡍࡐࡀࡋ ࡋࡉࡈࡉࡀ ࡏࡋ ࡀࡍࡐࡀࡉࡄࡅࡍ ࡅࡀࡌࡓࡉࡋࡇ
030:07 ࡉࡀࡍࡉࡔࡌࡀ ࡓࡄࡅࡈ ࡅࡌࡀࡈࡉࡀ ࡅࡀࡍࡃࡉࡁ ࡅࡎࡀࡒ ࡃࡅࡍ ࡅࡆࡊࡉࡀ ࡒࡅࡃࡀࡌ ࡄࡉࡉࡀ
030:08 ࡓࡁࡉࡀ ࡅࡏࡋࡀࡉࡉࡀ ࡀࡃࡊࡀࡓ ࡏࡋࡀࡍ ࡅࡀࡌࡀࡓࡍࡀࡋࡅࡍ ࡒࡅࡃࡀࡌ ࡄࡉࡉࡀ ࡓࡁࡉࡀ
030:09 ࡅࡏࡋࡀࡉࡉࡀ ࡌࡀࡍ ࡌࡀࡃࡊࡀࡓ ࡏࡋࡀࡅࡀࡉࡊࡅࡍ ࡀࡍࡀࡕࡅࡍ ࡂࡀࡁࡀࡓࡉࡀ ࡅࡀࡍࡉࡍ ࡌࡊࡉࡊࡉࡀ
030:10 ࡀࡍࡀࡕࡅࡍ ࡀࡋࡀࡄࡉࡀ ࡅࡀࡍࡉࡍ ࡀࡍࡀࡔࡉࡀ ࡀࡍࡀࡕࡅࡍ ࡏࡅࡁࡀࡃࡀࡉࡊࡅࡍ ࡅࡌࡀࡁࡀࡃࡀࡉࡊࡅࡍ
030:11 ࡖࡍࡀࡐࡔࡀࡉࡊࡅࡍ ࡍࡀࡃࡊࡀࡓ ࡏࡋࡀࡅࡀࡉࡊࡅࡍ ࡀࡍࡀ ࡌࡉࡎࡀࡒ ࡎࡀࡋࡉࡒࡍࡀ ࡅࡏࡅࡕࡓࡉࡀ
030:12 ࡀࡄࡀࡉ ࡁࡍࡉࡀ ࡍࡄࡅࡓࡀ ࡎࡀࡋࡒࡉࡀ ࡒࡅࡃࡀࡌࡀࡉ ࡋࡏࡅࡕࡓࡉࡀ ࡀࡄࡀࡉ ࡀࡌࡀࡓࡍࡀ
030:13 ࡄࡀࡆࡀ ࡌࡀࡈࡀࡓࡕࡀ ࡖࡌࡀࡍ ࡄࡏ ࡅࡌࡀࡍ ࡌࡀࡁࡀࡈࡁࡇ ࡅࡀࡌࡓࡉࡋࡉࡀ ࡄࡀࡆࡀ
030:14 ࡌࡀࡈࡀࡓࡕࡀ ࡖࡔࡀࡁࡀ ࡃࡌࡀࡅࡀࡕࡀ ࡖࡒࡓࡀ ࡐࡕࡀࡄࡉࡋ ࡅࡀࡓࡃࡉࡀ ࡋࡁࡉࡔࡉࡀ
030:15 ࡅࡀࡓࡃࡉࡀ ࡌࡊࡀࡎࡉࡀ ࡊࡋࡉࡋ ࡐࡉࡓࡑࡀ ࡅࡆࡀࡍࡉࡅࡕࡀ ࡁࡉࡓࡉࡔࡀࡉࡉࡀ ࡌࡀࡕࡍࡀࡋࡉࡍ
030:16 ࡐࡉࡓࡑࡀ ࡅࡒࡋࡀࡋࡀ ࡁࡊࡀࡍࡐࡀࡉࡉࡍ ࡓࡌࡉࡋࡉࡍ ࡄࡀࡃࡉࡀࡉࡉࡍ ࡌࡂࡀࡋࡀࡋࡉࡍ ࡋࡒࡋࡀࡋࡀ
030:17 ࡅࡎࡉࡈࡓࡀࡉࡉࡍ ࡐࡓࡉࡌࡋࡉࡍ ࡋࡔࡉࡈࡅࡀࡕࡀ ࡅࡕࡉࡂࡓࡀ ࡓࡌࡉࡋࡉࡍ ࡅࡌࡑࡅࡕࡀ
030:18 ࡊࡁࡉࡔࡋࡉࡍ ࡅࡓࡉࡔࡀࡉࡉࡍ ࡌࡎࡀࡕࡀࡓࡋࡉ{{ࡅ}}ࡍ ࡌࡔࡀࡉࡉࡋࡍࡀ ࡅࡀࡌࡀࡓࡍࡀ ࡄࡀࡆࡀ
030:19 ࡌࡀࡈࡀࡓࡕࡀ ࡖࡒࡓࡀ ࡐࡕࡀࡄࡉࡋ ࡌࡀࡍ ࡌࡀࡁࡀࡈࡁࡇ ࡅࡀࡌࡓࡉࡋࡉࡀ ࡏࡅࡕࡓࡉࡀ ࡀࡄࡀࡉ
030:20 ࡌࡀࡁࡀࡈࡁࡀ ࡁࡄࡀࡆࡀ ࡌࡀࡈࡀࡓࡕࡀ ࡄࡀࡋࡉࡍ ࡖࡀࡆࡋࡉࡍ ࡋࡁࡉࡕ ࡕࡀࡌࡅࡆ ࡅࡉࡀࡕࡁࡉࡀ
030:21 ࡕࡌࡀࡍࡉࡀ ࡅࡎࡓࡉࡍ ࡅࡍࡀࡊࡎࡉࡀ ࡀࡍࡒࡉࡀ ࡅࡌࡀࡆࡂࡀ ࡀࡂࡀࡍࡉࡀ ࡅࡓࡀࡌࡉࡀ ࡊࡅࡊࡉࡀࡀ
030:22 ࡅࡉࡀࡕࡁࡉࡀ ࡁࡌࡀࡋࡉࡀ ࡖࡁࡉࡕ ࡃࡉࡁࡉࡕ ࡊࡀࡑࡅࡌࡉࡀ ࡅࡊࡀࡑࡅࡌࡀ^ࡀ^ࡕࡀ ࡅࡄࡀࡓࡀࡔࡉࡀ
030:23 ࡅࡄࡀࡓࡀࡔࡀࡕࡀ ࡅࡂࡀࡉࡀࡓࡉࡀ ࡅࡂࡀࡉࡀࡓࡀࡕࡀ ࡅࡂࡀࡍࡀࡁࡉࡀ ࡅࡂࡀࡍࡀࡁࡉࡀࡕࡀ ࡄࡀࡋࡉࡍ
030:24 ࡖࡒࡀࡉࡌࡉࡀ ࡁࡁࡀࡁࡉࡀ ࡖࡄࡀࡁࡀࡓࡀࡕࡉࡍ ࡅࡌࡀࡑࡉࡕࡀ ࡌࡉࡍࡉࡋࡉࡀ ࡅࡐࡀࡄࡕࡀ

next page