← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


031:01 ࡁࡀࡁࡉࡀ ࡖࡋࡀࡄࡀࡃ ࡏࡃࡀࡉࡄࡉࡍ ࡅࡌࡕࡀࡁࡓࡀ ࡖࡋࡀࡄࡕࡀࡌ ࡏࡃࡀࡉࡄࡉࡍ ࡅࡔࡀࡓࡉࡀ
031:02 ࡀࡎࡀࡓࡉࡀ ࡖࡋࡀࡎࡀࡓ ࡏࡃࡀࡉࡄࡉࡍ ࡅࡍࡀࡎࡁࡀ ࡌࡉࡍࡃࡀࡌ ࡖࡋࡀࡄࡉࡕ ࡏࡃࡀࡉࡄࡉࡍ
031:03 ࡄࡀࡋࡉࡍ ࡖࡌࡆࡀࡁࡍࡀ ࡄࡀࡋࡁࡀࡉࡉࡍ ࡅࡂࡀࡈࡋࡀ ࡁࡍࡀࡉࡉࡍ ࡅࡌࡄࡀࡉࡀࡍ ࡁࡍࡉࡀ
031:04 ࡖࡄࡀࡁࡀࡓࡉࡕࡉࡍ ࡀࡌࡉࡍࡈࡅࡋ ࡖࡏࡋ ࡏࡅࡌࡑࡉࡀ ࡊࡀࡎࡉࡀ/ࡅࡊࡀࡎࡉࡀ#2#/ ࡄࡀࡃࡓࡉࡀ ࡂࡀࡈࡋࡉࡀ
031:05 ࡁࡍࡀࡉࡉࡍ ࡅࡌࡄࡀࡉࡀࡍ ࡁࡍࡉࡀ ࡁࡄࡀࡁࡓࡀࡕࡉࡍ ࡌࡀࡁࡈࡉࡋࡉࡍ ࡁࡄࡀࡆࡀ ࡌࡀࡈࡀࡓࡕࡀ
031:06 ࡅࡎࡀࡋࡒࡉࡋࡉࡍ ࡁࡄࡉࡓࡁࡀ ࡍࡅࡓࡀ ࡅࡏࡔࡀࡕࡀ ࡀࡋࡌࡀ ࡋࡉࡅࡌࡀ ࡉࡅࡌ ࡃࡉࡍࡀ
031:07 ࡅࡀࡋࡌࡀ ࡋࡔࡉࡕࡀ ࡔࡀࡉࡉࡀ ࡖࡐࡅࡓࡒࡀࡍࡀ ࡀࡃࡉࡕࡇ ࡋࡄࡀࡍࡀࡕࡇ ࡌࡀࡈࡀࡓࡕࡀ
031:08 ࡅࡀࡌࡀࡓࡍࡀ ࡕࡅࡌ ࡄࡀࡅࡒࡀ ࡅࡃࡀࡄࡀࡋࡕࡀ ࡅࡆࡀࡅࡉࡄࡕࡀ ࡒࡅࡃࡀࡌࡀࡉ ࡋࡀࡉࡉࡕ
031:09 ࡅࡀࡆࡀࡋ ࡄࡀࡆࡉࡍ ࡍࡉࡔࡌࡀ ࡅࡁࡂࡀ ࡁࡌࡀࡈࡀࡓࡕࡀ ࡄࡅࡓࡉࡍࡕࡉࡍ ࡖࡊࡁࡉࡔࡁࡀ
031:10 ࡌࡀࡍࡀ ࡎࡀࡃࡀ ࡄࡋࡀࡑࡀ ࡅࡌࡑࡀࡓࡀ ࡅࡍࡂࡀࡃࡀ ࡅࡃࡉࡍ ࡖࡋࡀࡃࡉࡍ ࡃࡀࡉࡍࡉࡋࡉࡍ
031:11 ࡋࡍࡉࡔࡌࡀࡕࡀ ࡖࡀࡍࡀࡔࡉࡀ ࡁࡉࡔࡉࡀ ࡁࡔࡀࡅࡈࡉࡀ ࡖࡍࡅࡓࡀ ࡌࡍࡀࡍࡂࡓࡉࡋࡅࡍ
031:12 ࡋࡄࡀࡓࡀࡔࡉࡀ ࡅࡄࡀࡓࡀࡔࡀࡕࡀ ࡗ {{ࡓࡉ}} ࡓࡉࡄࡔࡉࡀ ࡋࡐࡅࡌࡀࡉࡅࡍ ࡖࡃࡅࡃࡉࡀ
031:13 ࡔࡀࡃࡉࡋࡅࡍ ࡏࡋ ࡀࡕࡓࡀ ࡗ ࡒࡀࡉࡉࡌ ࡄࡀࡆࡉࡍ ࡍࡉࡔࡌࡀ ࡍࡀࡃ {{ࡅࡍࡅࡕࡍࡀࡅࡀࡃ}}
031:14 ࡅࡕࡍࡀࡅࡀࡃ ࡅࡍࡀࡃࡀࡋࡇ ࡊࡅࡋࡇ ࡒࡅࡌࡕࡇ ࡁࡋࡁࡅࡔࡇ ࡅࡋࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ
031:15 ࡌࡒࡀࡓࡉࡋࡅࡍ ࡅࡀࡌࡀࡓ ࡊࡀ ࡄࡉࡍࡅࡍ ࡄࡉࡉࡀ ࡖࡓࡉࡄࡌࡉࡕ ࡊࡀࡄࡅ ࡊࡅࡔࡈࡀ
031:16 ࡖࡁࡉࡋࡁࡀࡁ ࡔࡓࡀࡋࡉࡀ ࡆࡉࡃࡒࡀ ࡖࡁࡊࡀࡍࡐࡀࡉ ࡀࡅࡋࡉࡕ ࡅࡀࡌࡓࡉࡋࡇ ࡉࡀ ࡍࡉࡔࡌࡀ
031:17 ࡀࡍࡀࡕ ࡋࡀࡕࡓࡀ ࡓࡁࡀ ࡖࡍࡄࡅࡓࡀ ࡎࡀࡋࡒࡉࡕ ࡋࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ ࡌࡀࡄࡅ
031:18 ࡖࡌࡒࡀࡓࡉࡕ ࡄࡀࡁ ࡔࡅࡌࡀࡊ ࡅࡓࡅࡔࡅࡌࡀࡊ ࡅࡁࡉࡓࡊࡕࡀࡊ ࡅࡌࡀࡑࡁࡅࡕࡀࡊ
031:19 ࡅࡌࡉࡍࡃࡀࡌ ࡖࡁࡀࡊ ࡖࡍࡎࡉࡁࡕ ࡌࡍ ࡂࡉࡋࡉࡀ ࡌࡉࡀ ࡅࡌࡍ ࡏࡅࡑࡓࡉࡀ ࡖࡆࡉࡅࡀ
031:20 ࡅࡌࡍ ࡌࡀࡓࡉࡁࡀ ࡓࡁࡀ ࡅࡏࡋࡀࡉࡀ ࡅࡌࡍ ࡉࡀࡓࡃࡍࡀ ࡓࡁࡀ ࡖࡀࡎࡀࡅࡀࡕࡀ ࡅࡌࡍ
031:21 ࡌࡀࡌࡁࡅࡄࡉࡀ ࡓࡅࡓࡁࡉࡀ ࡖࡍࡄࡅࡓࡀ ࡅࡌࡍ ࡒࡅࡃࡀࡌ ࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ
031:22 ࡏࡋ ࡀࡕࡓࡇ ࡗ ࡒࡀࡉࡉࡌ ࡄࡀࡆࡉࡍ ࡍࡉࡔࡌࡀ ࡐࡀࡄࡕࡀ ࡒࡀࡓࡉࡀ ࡅࡌࡄࡀࡅࡉࡀ
031:23 ࡔࡅࡌࡇ ࡅࡓࡅࡔࡅࡌࡇ ࡅࡁࡉࡓࡊࡕࡇ ࡅࡌࡀࡑࡁࡅࡕࡇ ࡅࡌࡉࡍࡃࡀࡌ ࡖࡁࡇ ࡖࡍࡎࡀࡁ
031:24 ࡌࡍ ࡂࡉࡋࡉࡀ ࡌࡉࡀ ࡅࡌࡍ ࡏࡅࡑࡓࡉࡀ ࡖࡆࡉࡅࡀ ࡅࡌࡍ ࡌࡀࡌࡁࡅࡄࡉࡀ ࡓࡅࡓࡁࡉࡀ

next page