← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


032:01 ࡖࡍࡄࡅࡓࡀ ࡅࡌࡍ ࡒࡅࡃࡀࡌ ࡄࡉࡉࡀ ࡓࡁࡉࡀ ࡏࡋࡀࡉࡉࡀ ࡅࡍࡐࡀࡋ ࡋࡉࡈࡉࡀ ࡏࡋ ࡀࡍࡐࡀࡉࡄࡅࡍ
032:02 ࡅࡀࡌࡓࡉࡋࡇ ࡓࡄࡅࡈ ࡍࡉࡔࡌࡀ ࡅࡀࡍࡃࡀࡁ ࡅࡌࡀࡈࡉࡀ ࡅࡎࡀࡒ ࡅࡃࡅࡍ ࡅࡊࡆࡉࡀ ࡒࡅࡃࡀࡌ
032:03 ࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ ࡀࡃࡊࡀࡓ ࡏࡋࡀࡍ ࡅࡀࡌࡉࡓࡍࡀࡋࡅࡍ ࡒࡅࡃࡀࡌ ࡄࡉࡉࡀ
032:04 ࡓࡁࡉࡀ ࡅࡏࡋࡀࡉࡉࡀ ࡌࡀࡍ ࡌࡀࡃࡊࡀࡓ ࡏࡋࡀࡅࡀࡉࡊࡅࡍ ࡀࡍࡀࡕࡅࡍ ࡂࡀࡁࡀࡓࡉࡀ ࡅࡀࡍࡉࡍ
032:05 ࡌࡊࡉࡊࡉࡀ ࡀࡍࡀࡕࡅࡍ ࡀࡋࡀࡄࡉࡀ ࡅࡀࡍࡉࡍ ࡀࡍࡀࡔࡉࡀ ࡀࡍࡀࡕࡅࡍ ࡏࡅࡁࡀࡃࡀࡉࡊࡅࡍ ࡅࡌࡀࡁࡀࡃࡀࡉࡊࡅࡍ
032:06 ࡖࡍࡀࡐࡔࡀࡉࡊࡅࡍ ࡌࡀࡃࡊࡀࡓ ࡏࡋࡀࡅࡀࡉࡊࡅࡍ ࡀࡍࡀ ࡌࡉࡎࡀࡒ ࡎࡀࡋࡉࡒࡍࡀ ࡅࡏࡅࡕࡓࡉࡀ
032:07 ࡀࡄࡀࡉ ࡁࡍࡉࡀ ࡍࡄࡅࡓࡀ ࡎࡀࡋࡒࡉࡀ ࡋࡒࡅࡃࡀࡌࡀࡉ ࡋࡏࡅࡕࡓࡉࡀ ࡀࡄࡀࡉ
032:08 ࡌࡔࡀࡉࡉࡋࡍࡀ ࡅࡀࡌࡉࡓࡍࡀࡋࡅࡍ ࡄࡀࡆࡀ ࡌࡀࡈࡀࡓࡕࡀ ࡖࡌࡀࡍ ࡄࡏ
032:09 ࡅࡌࡀࡍ ࡌࡀࡁࡀࡈࡁࡇ ࡅࡀࡌࡓࡉࡋࡉࡀ ࡁࡄࡀࡆࡀ ࡌࡀࡈࡀࡓࡕࡀ ࡓࡅࡓࡁࡉࡀ
032:10 ࡖࡍࡀࡎࡁࡉࡀ ࡁࡀࡓࡃࡁࡉࡀ ࡓࡅࡓࡁࡉࡀ ࡅࡉࡀࡄࡁࡉࡀ ࡁࡀࡓࡃࡁࡉࡀ ࡃࡉࡓࡃࡒࡉࡀ
032:11 ࡍࡀࡎࡁࡉࡀ ࡄࡁ{{ࡁ}}<<ࡋ>>ࡉࡀ/ࡄࡁࡅࡋࡉࡀ#2#/ ࡅࡄࡁࡅࡋ ࡄࡁࡅࡋࡉࡀ ࡌࡀࡁࡀࡈࡉࡋࡅࡍ ࡁࡄࡀࡆࡀ ࡌࡀࡈࡀࡓࡕࡀ
032:12 ࡅࡎࡀࡋࡒࡉࡋࡅࡍ ࡁࡄࡉࡓࡁࡀ ࡍࡅࡓࡀ ࡅࡏࡔࡀࡕࡀ ࡀࡋࡌࡀ ࡋࡉࡅࡌࡀ ࡉࡅࡌ ࡃࡉࡍࡀ
032:13 ࡅࡀࡋࡌࡀ ࡋࡔࡉࡕࡀ ࡔࡀࡉࡉࡀ ࡖࡐࡅࡓࡒࡀࡍࡀ ࡅࡀࡃࡉࡕࡇ ࡋࡄࡀࡍࡀࡕࡇ ࡌࡀࡈࡀࡓࡕࡀ
032:14 ࡅࡀࡌࡉࡓࡍࡀ ࡕࡅࡌ ࡄࡀࡅࡒࡀ ࡅࡃࡀࡄࡀࡋࡕࡀ ࡅࡆࡉࡅࡉࡄࡕࡀ ࡅࡓࡕࡉࡕࡉࡀ ࡒࡅࡃࡀࡌࡀࡉ
032:15 ࡋࡀࡉࡉࡕ ࡅࡀࡆࡀࡋ ࡄࡀࡆࡉࡍ ࡍࡉࡔࡌࡀ{{ࡕࡀ}} ࡁࡂࡀ ࡁࡄࡓࡉࡍࡕࡉࡍ ࡌࡀࡈࡀࡓࡕࡀ
032:16 ࡖࡊࡁࡉࡔࡁࡀ ࡌࡀࡍࡀ ࡎࡀࡃࡀ ࡄࡋࡀࡑࡀ ࡅࡌࡑࡀࡓࡀ ࡅࡃࡉࡍ ࡖࡋࡀࡃࡉࡍ
032:17 {{ࡖࡋࡀ}}ࡃࡀࡉࡍࡉࡋࡉࡍ ࡋࡍࡉࡔࡌࡀࡕࡀ ࡖࡀࡍࡀࡔࡉࡀ ࡁࡉࡔࡉࡀ ࡅࡁࡔࡀࡅࡈࡉࡀ ࡖࡍࡅࡓࡀ
032:18 ࡌࡍࡀࡍࡂࡓࡉࡋࡅࡍ ࡋࡄࡀ{{ࡔ}}ࡓࡀࡔࡉࡀ ࡅࡄࡀࡓࡀࡔࡀࡕࡀ ࡗ ࡓࡉࡄࡔࡉࡀ ࡋࡐࡅࡌࡀࡉࡅࡍ
032:19 ࡖࡃࡅࡃࡉࡀ ࡔࡀࡃࡉࡋࡅࡍ ࡏࡋ ࡀࡕࡓࡇ ࡗ ࡒࡀࡉࡉࡌ ࡄࡀࡆࡉࡍ ࡍࡉࡔࡌࡀ
032:20 ࡍࡀࡃ ࡅࡕࡍࡀࡅࡀࡃ ࡅࡍࡀࡃࡀࡋࡇ ࡊࡅࡋࡇ ࡒࡅࡌࡕࡇ ࡁࡋࡁࡅࡔࡀ ࡅࡋࡄࡉࡉࡀ ࡓࡁࡉࡀ
032:21 ࡏࡋࡀࡉࡉࡀ ࡌࡒࡀࡓࡉࡋࡅࡍ ࡅࡀࡌࡀࡓࡋࡅࡍ ࡊࡀ ࡄࡉࡍࡅࡍ ࡄࡉࡉࡀ ࡖࡓࡀࡄࡌࡉࡕ
032:22 ࡊ{{ࡖ}}<<ࡀ>> ࡄࡅ ࡊࡅࡔࡈࡀ ࡖ^ࡁࡉ^ࡋࡁࡀࡁ ࡔࡓࡉࡋࡉࡀ ࡊࡀ ࡄࡅ ࡆࡉࡃࡒࡀ ࡖࡁࡊࡀࡍࡐࡀࡉ
032:23 ࡀࡅࡋࡉࡕ ࡅࡀࡌࡀࡓࡋࡉࡀ ࡉࡀ ࡍࡉࡔࡌࡀ ࡀࡍࡀࡕ ࡋࡀࡕࡓࡀ ࡓࡁࡀ ࡖࡍࡄࡅࡓࡀ
032:24 ࡎࡀࡋࡒࡉࡕ ࡋࡄࡉࡉࡀ ࡓࡅࡓࡁࡉࡀ ࡅࡏࡋࡀࡉࡉࡀ ࡌࡀࡄࡅ ࡌࡒࡀࡓࡉࡕ ࡄࡀࡁ

next page