← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


033:01 ࡔࡅࡌࡀࡊ ࡅࡓࡅࡔࡅࡌࡀࡊ ࡅࡁࡉࡓࡊࡕࡀࡊ ࡅࡌࡀࡑࡁࡅࡕࡀࡊ ࡅࡌࡍࡃࡀࡌ
033:02 ࡖࡁࡀࡊ ࡖࡍࡎࡉࡁࡕ ࡌࡍ ࡂࡉࡋࡉࡀ ࡌࡉࡀ ࡅࡌࡍ ࡏࡅࡑࡓࡉࡀ ࡖࡆࡉࡅࡀ
033:03 ࡅࡌࡍ ࡌࡀࡌࡁࡅࡄࡉࡀ ࡓࡅࡓࡁࡉࡀ ࡖࡍࡄࡅࡓࡀ ࡅࡌࡍ ࡌࡀࡓࡉࡁࡀ ࡓࡁࡀ
033:04 ࡏࡋࡀࡉࡉࡀ ࡅࡌࡍ ࡉࡀࡓࡃࡍࡀ ࡓࡁࡀ ࡖࡀࡎࡀࡅࡀࡕࡀ ࡅࡌࡍ ࡒࡅࡃࡀࡌ ࡄࡉࡉࡀ
033:05 ࡓࡁࡉࡀ ࡅࡏࡋࡀࡉࡉࡀ ࡏࡋ ࡀࡕࡓࡇ ࡗ ࡒࡀࡉࡉࡌ ࡄࡀࡆࡉࡍ ࡍࡉࡔࡌࡀ
033:06 ࡐࡀࡄࡕࡀ ࡒࡀࡓࡉࡀ ࡅࡌࡄࡀࡅࡉࡀ ࡅࡉࡀࡄࡉࡁ ࡔࡅࡌࡇ ࡅࡓࡅࡔࡅࡌࡇ ࡅࡁࡉࡓࡊࡕࡇ
033:07 ࡅࡌࡀࡑࡁࡅࡕࡇ ࡅࡌ^ࡉ^ࡍࡃࡀࡌ ࡖࡍࡎࡉࡁࡕ ࡄࡀࡆࡉࡍ ࡍࡉࡔࡌࡀ ࡌࡍ ࡂࡉࡋࡉࡀ
033:08 ࡌࡉࡀ ࡅࡌࡉࡍ ࡏࡅࡑࡓࡉࡀ ࡖࡆࡉࡅࡀ ࡅࡌࡍ ࡌࡀࡌࡁࡅࡄࡉࡀ ࡓࡅࡓࡁࡉࡀ ࡖࡍࡄࡅࡓࡀ
033:09 ࡅࡌࡍ ࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ ࡍࡐࡀ^ࡋ^ ࡋࡉࡈࡉࡀ ࡏࡋ ࡀࡍࡐࡀࡉࡄࡅࡍ ࡅࡀࡌࡓࡉࡋࡇ
033:10 ࡓࡄࡅࡈ ࡍࡉࡔࡌࡀ ࡅࡀࡍࡃࡉࡁ ࡅࡃࡅࡍ ࡅࡆࡊࡉࡀ ࡒࡅࡃࡀࡌ ࡄࡉࡉࡀ ࡓࡁࡉࡀ
033:11 ࡅࡏࡋࡀࡉࡉࡀ ࡀࡃࡊࡀࡓ ࡏࡋࡀࡍ ࡅࡀࡌࡀࡓࡍࡀࡋࡅࡍ ࡒࡅࡃࡀࡌ ࡄࡉࡉࡀ ࡓࡁࡉࡀ
033:12 ࡅࡏࡋࡀࡉࡉࡀ ࡌࡀࡍ ࡍࡀࡃࡊࡀࡓ ࡏࡋࡀࡅࡀࡉࡊࡅࡍ ࡀࡍࡀࡕࡅࡍ ࡂࡀࡁࡀࡓࡉࡀ ࡅࡀࡍࡉࡍ
033:13 ࡌࡊࡉࡊࡉࡀ ࡀࡍࡀࡕࡅࡍ ࡀࡋࡀࡄࡉࡀ ࡅࡀࡍࡉࡍ ࡀࡍࡀࡔ^ࡉ^ࡀ ࡀࡍࡀࡕࡅࡍ ࡏࡅࡁࡀࡃࡀࡉࡊࡅࡍ
033:14 ࡅࡌࡀࡁࡀࡃࡀࡉࡊࡅࡍ ࡖࡍࡀࡐࡔࡀࡉࡊࡅࡍ ࡍࡀࡃࡊࡀࡓ ࡏࡋࡀࡅࡀࡉࡊࡅࡍ ࡀࡍࡀ ࡌࡉࡎࡀࡒ
033:15 ࡎࡀࡋࡉࡒࡍࡀ ࡅࡏࡅࡕࡓࡉࡀ ࡁࡍࡉࡀ ࡍࡄࡅࡓࡀ ࡎࡀࡋࡒࡉࡀ ࡒࡅࡃࡀࡌࡀࡉ ࡋࡏࡅࡕࡓࡉࡀ
033:16 ࡀࡄࡀࡉ ࡌࡔࡀࡉࡉࡋࡍࡀ ࡅࡀࡌࡉࡓࡍࡀࡋࡅࡍ ࡄࡀࡆࡀ ࡌࡀࡈࡀࡓࡕࡀ ࡖࡌࡀࡍ
033:17 ࡄࡏ ࡅࡋࡌࡀࡍ ࡍࡀࡈࡓࡀ ࡅࡌࡀࡍ ࡌࡀࡁࡀࡈࡁࡀ ࡔࡀࡉࡋࡉࡕ ࡅࡀࡌࡓࡉࡋࡉࡀ
033:18 ࡄࡀࡆࡀ ࡌࡀࡈࡀࡓࡕࡀ ࡖࡄࡀࡓࡀࡔࡀ ࡌࡔࡉࡄࡀ ࡁࡓ ࡓࡅࡄࡀ ࡖࡊࡀࡃࡁࡀ
033:19 ࡖࡀࡎࡉࡒ ࡋࡍࡀࡐࡔࡇ ࡀࡋࡀࡄࡀ ࡖࡍࡀࡑࡅࡓࡀࡉࡉࡀ ࡅࡀࡌࡓࡉࡋࡉࡀ ࡌࡀࡁࡀࡈࡁࡇ
033:20 ࡁࡄࡀࡆࡀ ࡌࡀࡈࡀࡓࡕࡀ ࡒࡀࡃࡉࡔࡉࡀ ࡅࡒࡀࡃࡉࡔࡀࡕࡀ ࡅࡐࡕࡅࡋࡉࡀ ࡅࡐࡕࡅࡋࡀࡕࡀ
033:21 ࡅࡏࡆࡁࡉࡀ ࡅࡏࡆࡁࡀࡕࡀ ࡂࡅࡁࡓࡉࡀ ࡖࡋࡀࡁࡀࡉࡉࡍ ࡏࡍࡔࡉࡀ ࡅࡏࡍࡔࡉࡀ
033:22 ࡖࡋࡀࡁࡀࡉࡉࡍ ࡂࡅࡁࡓࡉࡀ ࡅࡁࡍࡉࡀ ࡖࡋࡀࡄࡀࡅࡉࡋࡅࡍ ࡂࡀࡈࡋࡉࡀ ࡅࡌࡀࡅࡃࡉࡍ
033:23 ࡁࡍࡀࡉࡅࡍ ࡁࡊࡀࡓࡎࡀࡉࡉࡍ ࡅࡐࡀࡎࡒࡉࡋࡇ ࡋࡌࡀࡆࡓࡅࡕࡅࡍ ࡄࡀࡉࡕࡀ ࡖࡀࡕࡀࡕࡀࡋࡅࡍ
033:24 ࡌࡍ ࡁࡉࡕ ࡄࡉࡉࡀ ࡌࡀࡁࡈࡉࡋࡅࡍ ࡁࡄࡀࡆࡀ ࡌࡀࡈࡀࡓࡕࡀ ࡅࡎࡀࡋࡒࡉࡋࡅࡍ

next page