← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


034:01 ࡁࡄࡉࡓࡁࡀ ࡍࡅࡓࡀ ࡅࡏࡔࡀࡕࡀ ࡀࡋࡌࡀ ࡋࡉࡅࡌࡀ ࡉࡅࡌ ࡃࡉࡍࡀ ࡅࡀࡋࡌࡀ ࡋࡔࡉࡕࡀ
034:02 ࡔࡀࡉࡉࡀ ࡐࡅࡓࡒࡀࡍࡀ ࡅࡀࡃࡉࡕࡇ ࡋࡄࡀࡍࡀࡕࡇ ࡌࡀࡈࡀࡓࡕࡀ ࡅࡀࡌࡀࡓࡍࡀ ࡕࡅࡌ
034:03 ࡄࡀࡅࡒࡀ ࡅࡆࡀࡅࡉࡄࡕࡀ ࡅࡓࡕࡉࡕࡉࡀ ࡒࡅࡃࡀࡌࡀࡉ ࡋࡀࡉࡉࡕ ࡅࡀࡆࡋࡉࡕ ࡅࡐࡉࡂࡉࡕ
034:04 ࡁࡌࡀࡈࡀࡓࡕࡀ ࡄࡅࡓࡉࡍࡕࡉࡍ ࡖࡊࡁࡉࡔࡁࡇ ࡌࡀࡍࡀ ࡎࡀࡃࡀ ࡄࡋࡀࡑࡀ
034:05 ࡅࡌࡑࡀࡓࡀ ࡅࡐࡊࡀࡓࡀ ࡅࡍࡂࡀࡃࡀ ࡅࡃࡉࡍ ࡖࡋࡀࡃࡉࡍ ࡃࡀࡉࡍࡉࡋࡉࡍ ࡋࡍࡉࡔࡌࡀࡕࡀ
034:06 ࡖࡀࡍࡀࡔࡉࡀ ࡁࡉࡔࡉࡀ ࡁࡔࡀࡅࡈࡉࡀ ࡖࡍࡅࡓࡀ ࡌࡍࡀࡍࡂࡓࡉࡋࡅࡍ ࡋࡄࡀࡓࡀࡔࡉࡀ
034:07 ࡋࡄࡀࡓࡀࡔࡀࡕࡀ ࡖࡓࡉࡄࡔࡉࡀ ࡏࡋ ࡐࡅࡌࡀࡉࡅࡍ ࡖࡀࡕࡅࡍࡉࡀ ࡔࡀࡃࡉࡋࡅࡍ ࡏࡋ
034:08 ࡀࡕࡓࡇ ࡗ ࡒࡀࡉࡉࡌ ࡄࡀࡆࡉࡍ ࡍࡉࡔࡌࡀ ࡍࡀࡃ ࡅࡕࡍࡀࡅࡀࡃ ࡅࡍࡀࡃࡀࡋࡇ
034:09 ࡊࡅࡋࡇ ࡒࡅࡌࡕࡇ ࡁࡋࡁࡅࡔࡇ ࡅࡋࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ ࡌࡒࡀࡓࡉࡋࡅࡍ
034:10 ࡅࡀࡌࡀࡓ ࡊࡀ ࡄࡉࡍࡅࡍ ࡄࡉࡉࡀ ࡖࡓࡉࡄࡌࡉࡕ ࡊࡀ ࡄࡅ ࡊࡅࡔࡈࡀ ࡖࡁࡉࡋࡁࡀࡁ
034:11 ࡔࡓࡀࡋࡉࡀ ࡊࡀ ࡄࡅ ࡆࡉࡃࡒࡀ ࡖࡁࡊࡀࡍࡐࡀࡉ ࡀࡅࡋࡉࡕ ࡅࡀࡌࡓࡉࡋࡇ
034:12 ࡉࡀ ࡍࡉࡔࡌࡀ ࡀࡍࡀࡕ ࡋࡀࡕࡓࡀ ࡓࡁࡀ ࡖࡍࡄࡅࡓࡀ ࡎࡀࡋࡒࡉࡕ ࡏࡋ ࡄࡉࡉࡀ
034:13 ࡓࡁࡉࡀ ࡅࡏࡋࡀࡉࡉࡀ ࡌࡀࡄࡅ ࡌࡒࡀࡓࡉࡕ ࡄࡀࡁ ࡔࡅࡌࡀࡊ ࡅࡓࡅࡔࡅࡌࡀࡊ
034:14 ࡅࡁࡉࡓࡊࡕࡀࡊ ࡅࡌࡀࡑࡁࡅࡕࡀࡊ ࡖࡍࡎࡉࡁࡕ ࡌࡍ ࡂࡉࡋࡉࡀ ࡌࡉࡀ ࡅࡌࡍ
034:15 ࡏࡑࡓࡉࡀ ࡖࡆࡉࡅࡀ ࡅࡌࡍ ࡉࡀࡓࡃࡍࡀ ࡓࡁࡀ ࡖࡀࡎࡀࡅࡀࡕࡀ ࡅࡌࡍ ࡌࡀࡌࡁࡅࡄࡉࡀ
034:16 ࡓࡅࡓࡁࡉࡀ ࡖࡍࡄࡅࡓࡀ ࡅࡌࡍ ࡄࡉࡉࡀ ࡓࡁࡉࡀ ࡏࡋࡀࡉࡉࡀ ࡏࡋ ࡀࡕࡓࡇ ࡗ
034:17 ࡒࡀࡉࡉࡌ ࡄࡀࡆࡉࡍ ࡍࡉࡔࡌࡀ ࡐࡀࡄࡕࡀ ࡒࡀࡓࡉࡀ ࡅࡌࡄࡀࡅࡉࡀ ࡅࡉࡀࡄࡉࡁ
034:18 ࡔࡅࡌࡇ ࡅࡓࡅࡔࡅࡌࡇ ࡅࡁࡉࡓࡊࡕࡇ ࡅࡌࡀࡑࡁࡅࡕࡀ ࡅࡌ^ࡉ^ࡍࡃࡀࡌ ࡖࡁࡇ
034:19 ࡖࡍࡎࡉࡁ ࡌࡍ ࡂࡉࡋࡉࡀ ࡌࡉࡀ ࡅࡌࡍ ࡏࡅࡑࡓࡉࡀ ࡖࡆࡉࡅࡀ ࡅࡌࡍ ࡉࡀࡓࡃࡍࡀ
034:20 ࡓࡁࡀ ࡖࡀࡎࡀࡅࡀࡕࡀ ࡅࡌࡍ ࡌࡀࡌࡁࡅࡄࡉࡀ ࡓࡅࡓࡁࡉࡀ ࡖࡍࡄࡅࡓࡀ ࡅࡌࡍ
034:21 ࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ ࡅࡍࡐࡀࡋ ࡋࡉࡈࡉࡀ ࡏࡋ ࡀࡍࡐࡀࡉࡄࡅࡍ ࡅࡀࡌࡓࡉࡋࡇ
034:22 ࡉࡀ ࡍࡉࡔࡌࡀ ࡓࡄࡅࡈ ࡅࡌࡀࡈࡉࡀ ࡅࡀࡍࡃࡉࡁ ࡅࡀࡎࡉࡒ ࡃࡅࡍ ࡅࡆࡊࡉࡀ ࡅࡀࡌࡀࡓ
034:23 ࡅࡏࡔࡕࡌࡀ ࡒࡅࡃࡀࡌ ࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ ࡀࡃࡊࡀࡓ ࡏࡋࡀࡍ
034:24 ࡅࡀࡌࡀࡓࡍࡀࡋࡅࡍ ࡒࡅࡃࡀࡌ ࡄࡉࡉࡀ ࡓࡁࡉࡀ ࡅࡏࡋࡀࡉࡉࡀ ࡌࡀࡍ ࡌࡀࡃࡊࡀࡓ

next page