← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


040:01 ࡊࡀࡎࡉࡀ ࡕࡉࡕࡓࡉࡑ ࡍࡉࡕࡉࡀ ࡆࡉࡅࡀࡊ ࡌࡍ ࡀࡒࡀࡌࡀࡊ ࡅࡍࡉࡕࡒࡀࡉࡀࡌ
040:02 ࡍࡄࡅࡓࡀࡊ ࡌࡍ ࡀࡁࡀࡕࡓࡀࡊ ࡊࡅࡓࡎࡉࡀࡊ ࡕࡓࡉࡑ ࡗ ࡖࡏࡕࡓࡉࡑ
040:03 ࡅࡔࡅࡁࡀ ࡖࡋࡀࡈࡀࡁࡅ ࡍࡉࡄࡅࡍ ࡅࡄࡉࡉࡀ ࡆࡀࡊࡏࡍ
040:04 ࡎࡀ
040:05 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡌࡀࡍࡀ ࡀࡍࡀ ࡖࡄࡉࡉࡀ ࡓࡅࡓࡁࡉࡀ
040:06 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡁࡓࡀࡆࡉࡀ ࡅࡓࡉࡌࡆࡉࡀ ࡌࡀࡍࡅ
040:07 ࡓࡌࡀࡍ ࡌࡀࡍ ࡓࡌࡀࡍ ࡁࡓࡀࡆࡉࡀ ࡅࡓࡉࡌࡆࡉࡀ ࡅࡁࡄࡀࡎࡉࡓ ࡅࡁࡑࡉࡓ
040:08 ࡌࡀࡍ ࡀࡔࡃࡀࡍ ࡌࡀࡍ ࡀࡔࡃࡀࡍ ࡁࡄࡀࡎࡉࡓࡅࡕࡀ ࡅࡁࡑࡉࡓࡅࡕࡀ
040:09 ࡅࡃࡌࡅ ࡐࡅࡓࡉࡀ ࡌࡀࡍ ࡄࡀࡅࡉࡀࡍ ࡌࡀࡍ ࡀࡔࡃࡀࡍ ࡁࡀࡓࡒࡀ
040:10 ࡖࡐࡉࡎࡅࡎࡕࡀ ࡋࡉࡂࡀࡋ ࡄࡀࡅࡉࡀ ࡊࡅࡋࡄࡅࡍ ࡈࡅࡓࡉࡀ ࡖࡏࡕࡁࡇ ࡌࡉࡕࡐࡀࡎࡀࡎࡉࡀ
040:11 ࡌࡉࡕࡐࡀࡎࡀࡎࡉࡀ ࡊࡅࡋࡄࡅࡍ ࡂࡀࡁࡀࡓࡉࡀ ࡓࡀࡌࡉࡀ ࡖࡏࡕࡁࡇ ࡄࡀࡉࡋࡀࡉࡅࡍ
040:12 ࡕࡅࡕࡀࡉࡅࡍ ࡌࡉࡐࡎࡉࡒ ࡏࡋ ࡖࡒࡀࡉࡉࡌ ࡌࡀࡍࡀ ࡅࡌࡉࡕࡄࡀࡔࡀࡁ
040:13 ࡌࡀࡈࡉࡀ ࡂࡀࡁࡓࡀ ࡀࡃࡉࡀࡅࡓࡀ ࡌࡀࡈࡉࡀ ࡀࡃࡉࡀࡅࡓࡀ ࡓࡁࡀ
040:14 ࡖࡄࡅ ࡆࡀࡃࡇ ࡅࡄࡅ ࡆࡀࡅࡃࡇ ࡀࡍࡀࡕ ࡁࡀࡉࡕࡀ ࡖࡃࡀࡉࡓࡉࡕ ࡁࡂࡀࡅࡇ
040:15 ࡋࡌࡀࡋࡀࡊ ࡖࡌࡔࡀࡉࡋࡉࡕ ࡏࡋࡇ ࡀࡍࡀࡕ ࡋࡀࡏࡃࡉࡕ ࡌࡀࡍࡀ ࡖࡄࡀࡉࡆࡉࡍ
040:16 ࡄࡀࡅࡉࡀ ࡗ ࡖࡀࡌࡀࡓࡕ ࡀࡍࡏࡍ ࡁࡊࡉࡎࡉࡀ ࡌࡉࡃࡍࡉࡍࡉࡍ ࡖࡋࡉࡂࡀࡋ
040:17 ࡌࡉࡍࡇ ࡍࡀࡐࡒࡉࡕ ࡋࡉࡂࡀࡋ ࡍࡀࡐࡒࡉࡕ ࡌࡉࡍࡇ ࡋࡅࡀࡕࡀࡍ ࡃࡉࡋࡀࡍ
040:18 ࡎࡀࡋࡒࡉࡕ ࡎࡀࡋࡒࡉࡕ ࡋࡅࡀࡕࡀࡍ ࡃࡉࡋࡀࡍ ࡅࡁࡔࡊࡉࡍࡕࡀ ࡃࡉࡋࡀࡍ ࡉࡀࡕࡁࡉࡕ
040:19 ࡗ ࡄࡀࡉࡆࡀࡍ ࡀࡌࡀࡓࡋࡇ ࡍࡀࡑࡁࡇ ࡋࡌࡀࡍࡀ ࡄࡕࡉࡌ ࡅࡏࡎࡕࡌࡉࡊ
040:20 ࡄࡕࡉࡌ ࡅࡎࡕࡌࡉࡊ ࡌࡀࡍࡀ ࡅࡋࡀࡌࡔࡀࡉࡉࡋࡁࡅࡍ ࡁࡀࡅࡃࡉࡀ ࡁࡀࡅࡃࡉࡀ
040:21 ࡋࡀࡌࡔࡀࡉࡉࡋࡁࡅࡍ ࡖࡁࡍࡅࡍ ࡁࡀࡉࡕࡀ ࡍࡀࡐࡋࡀ ࡎࡁࡀࡋ ࡒࡀࡋࡉࡀ
040:22 ࡅࡃࡀࡓ ࡁࡂࡀࡅࡇ ࡅࡁࡋࡉࡂࡀࡋ ࡐࡓࡀ ࡋࡀࡕࡓࡇ ࡌࡈࡀ ࡁࡋࡉࡂࡀࡋ
040:23 ࡌࡈࡀ ࡋࡀࡕࡓࡇ ࡃࡅࡊࡕࡇ ࡖࡌࡀࡍࡀ ࡏࡕࡉࡍࡑࡉࡁ ࡃࡅࡊࡕࡀ ࡖࡏࡕࡉࡍࡑࡉࡁ
040:24 ࡌࡀࡍࡀ ࡅࡃࡌࡅࡕࡇ ࡁࡂࡀࡅࡇ ࡍࡉࡄࡓࡀࡕ ࡌࡀࡍࡀ ࡁࡋࡉࡁࡇ ࡄࡀࡃࡉࡀ

next page