← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


044:01 ࡌࡀࡈࡉࡀ ࡂࡀࡁࡓࡀ ࡍࡀࡑࡁࡇ ࡀࡍࡀࡕ ࡌࡉࡃࡀࡓ ࡃࡀࡓ ࡌࡉࡍࡇ ࡅࡁࡋࡉࡁࡀࡊ
044:02 ࡍࡀࡔࡓࡉࡋࡀࡊ ࡀࡍࡏࡍ ࡁࡋࡉࡁࡀࡊ ࡀࡍࡉࡍ ࡍࡉࡔࡓࡉࡋࡀࡊ ࡌࡀࡎࡒࡉࡍࡀࡋࡀࡊ
044:03 ࡋࡔࡊࡉࡍࡕࡀࡊ ࡔࡀࡍࡉࡀ ࡒࡀࡋࡉࡀ ࡔࡀࡅࡉࡍࡉࡍ ࡅࡏࡄࡀࡑࡁࡀࡍࡉࡍ ࡋࡉࡀࡄࡓࡉࡀ
044:04 ࡗ ࡄࡀࡑࡁࡉࡀ ࡍࡉࡄࡅࡉࡀ ࡋࡀࡌࡉࡍࡃࡀࡌ ࡅࡀࡋࡌࡀ ࡊࡅࡋࡇ ࡏࡈࡀࡓࡈࡋࡇ ࡀࡍࡀࡕ
044:05 ࡄࡅ ࡏࡕࡋࡉࡀ ࡄࡀࡊࡀ ࡏࡋࡉࡂࡈࡀࡊ ࡌࡉࡍࡇ ࡅࡏࡉࡀ^ࡎ^ࡒࡀࡊ ࡏࡋࡉࡂࡈࡀࡊ ࡅࡏࡉࡀࡎࡒࡀࡊ
044:06 ࡌࡉࡍࡇ ࡅࡏࡔࡀࡌࡀࡓ ࡊࡅࡋࡄࡅࡍ ࡏࡔࡁࡅࡒ ࡊࡅࡋࡄࡅࡍ ࡊࡅࡋࡄࡅࡍ ࡍࡉࡌࡉࡕࡉࡅࡍ
044:07 ࡅࡍࡀࡅࡃࡅࡍ ࡀࡍࡀࡕ ࡃࡌࡅࡕࡀࡉ ࡃࡉࡋࡉࡀ ࡖࡏࡉࡀࡎࡀࡒ ࡏࡍࡉࡈࡓࡀࡊ ࡁࡋࡁࡅࡔࡀࡉ
044:08 ࡁࡋࡁࡅࡔ ࡖࡏࡄࡀࡁࡋࡉࡀ ࡓࡁࡉࡀ ࡅࡁࡓࡉࡄࡀ ࡃࡀࡊࡉࡀ ࡖࡐࡒࡀࡃࡋࡉࡀ ࡄࡀࡆࡉࡍ
044:09 ࡋࡁࡅࡔࡀ ࡖࡄࡁࡉࡕࡉࡁࡇ/ࡖࡄࡅࡉࡕࡉࡁࡇ#2#/ ࡏࡄࡀࡁࡈ ࡁࡓࡉࡔࡀ ࡖࡒࡉࡓࡉࡇ ࡀࡌࡉࡍࡈࡅࡋ
044:10 ࡖࡌࡉࡕࡊࡉࡋ ࡅࡁࡀࡈࡋࡉࡀ ࡂࡅࡁࡓࡉࡀ ࡖࡏࡁࡃࡅࡉࡀ ࡀࡅࡃࡉࡀ ࡂࡅࡁࡓࡉࡀ ࡖࡐࡀࡒࡀࡃࡕࡀ
044:11 ࡏࡋ ࡌࡀࡍࡀ ࡄࡅ ࡄࡅࡀࡋࡀ ࡀࡃࡉࡀࡓࡀ ࡄࡅ ࡄࡀࡍࡇ ࡅࡄࡅ ࡄࡀࡍࡀࡍࡇ ࡅࡔࡀࡓࡉࡀ
044:12 ࡌࡍ ࡁࡉࡓࡉࡊࡕࡇ ࡏࡋࡇ ࡏࡋࡇ ࡔࡀࡓࡉࡀ ࡌࡍ ࡁࡉࡓࡊࡕࡇ ࡅࡁࡔࡊࡉࡍࡕࡇ
044:13 ࡖࡀࡁࡀࡄࡀࡕࡇ ࡒࡀࡉࡌࡇ ࡅࡄࡉࡉࡀ ࡆࡀࡊࡉࡍ ࡏࡋ ࡊࡅࡋࡄࡅࡍ ࡏࡅࡁࡀࡃࡉࡀ
044:14 ࡎࡀ
044:15 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡌࡀࡍࡀ ࡀࡍࡀ ࡖࡄࡉࡉࡀ ࡓࡅࡓࡁࡉࡀ
044:16 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡖࡌࡒࡀࡉࡉࡌࡍࡀ ࡁࡈࡀࡁࡅࡕࡇ ࡖࡀࡁ
044:17 ࡁࡈࡀࡁࡅࡕࡇ ࡖࡀࡁ ࡌࡒࡀࡉࡉࡌࡍࡀ ࡅࡁࡀࡉࡀࡓࡍࡀ ࡁࡆࡉࡅࡀ ࡖࡐࡓࡉࡔࡅࡍ
044:18 ࡏࡋࡇ ࡀࡊࡀࡍࡃࡉࡕ ࡋࡀࡄࡃࡉࡁࡇ ࡁࡈࡀࡁࡅࡕࡇ ࡖࡀࡁ ࡋࡀࡎࡁࡀࡓࡕࡇ
044:19 ࡋࡆࡉࡅࡀ ࡖ^ࡀ^ࡐࡓࡉࡔࡅࡍ ࡏࡋࡇ ࡓࡌࡀࡕ ࡒࡓࡅࡍ ࡋࡕࡉࡁࡉࡋ ࡅࡓࡌࡀࡕ
044:20 ࡅࡔࡀࡌࡀࡓ ࡌࡍ ࡀࡕࡓࡀࡉ ࡅࡌࡍ ࡃࡅࡊࡕࡀࡉ ࡔࡀࡌࡀࡓ ࡀࡐࡒࡅࡍ ࡌࡍ
044:21 ࡃࡅࡊࡕࡀࡉ ࡅࡌࡓࡀࡍࡃࡉࡃࡉࡋࡉࡀ ࡌࡍ ࡁࡉࡕ ࡀࡁ ࡍࡉࡕࡉࡌࡄࡉࡀ ࡅࡍࡉࡕࡉࡂࡈࡉࡋ
044:22 ࡅࡂࡁࡉࡋ ࡐࡀࡂࡓࡉࡀ ࡖࡁࡄࡀࡔࡀࡁࡀࡕࡇ ࡒࡉࡓࡉࡇ ࡋࡀࡋࡌࡀ ࡍࡉࡕࡉࡌࡄࡅࡍ
044:23 ࡅࡍࡉࡕࡋࡀࡈࡀࡈࡅࡍ ࡔࡉࡁࡉࡀࡄࡉࡀ ࡖࡁࡓࡉࡔ ࡒࡓࡉࡕࡀ ࡃࡉࡋࡇ ࡄࡅࡍ ࡏࡐࡅࡒ
044:24 ࡌࡍ ࡀࡕࡅࡕࡉࡀ ࡏࡃࡀࡉࡄࡅࡍ ࡅࡏࡆࡀࡋ ࡏࡎࡉࡁࡇ ࡋࡈࡀࡁࡅࡕࡇ ࡖࡀࡁ ࡏࡎࡉࡁࡇ

next page