← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


045:01 ࡋࡆࡉࡅࡀ ࡖࡀࡐࡓࡉࡔࡉࡅࡍ ࡏࡋࡇ ࡄࡃࡉࡁࡇ ࡁࡊࡅࡋࡇ ࡂࡉࡍࡆࡀ ࡅࡏࡂࡀࡌࡀࡓࡁࡀ
045:02 ࡁࡊࡅࡋࡇ ࡄࡅࡊࡅࡌࡕࡇ ࡏࡋ ࡖࡒࡀࡉࡉࡌ ࡅࡌࡉࡕࡄࡀࡔࡀࡁ ࡌࡀࡍࡀ ࡌࡀࡈࡉࡀ
045:03 ࡂࡀࡁࡓࡀ ࡍࡀࡑࡁࡇ ࡌࡀࡈࡉࡀ ࡍࡀࡑࡁࡇ ࡓࡁࡀ ࡏࡁࡀࡉࡉࡕ ࡖࡕࡉࡎࡉࡁࡇ
045:04 ࡋࡈࡀࡁࡅࡕࡇ ࡖࡀࡁࡅࡊ ࡅࡕࡉࡎࡉࡁࡇ ࡋࡆࡉࡅࡀ ࡖࡀࡐࡓࡉࡔࡅࡊ ࡏࡋࡇ ࡏࡁࡀࡉࡉࡕ
045:05 ࡖࡕࡉࡎࡁࡇ ࡅࡕࡉࡄࡃࡉࡁࡇ ࡅࡁࡊࡅࡋࡇ ࡂࡉࡍࡆࡀࡊ ࡅࡕࡉࡂࡀࡌࡀࡓࡁࡇ ࡁࡊࡅࡋࡇ
045:06 ࡄࡅࡊࡅࡌࡕࡀࡊ ࡏࡅ ࡁࡀࡉࡉࡕ ࡖࡕࡉࡎࡀࡃࡀࡓ ࡎࡁࡀࡋ ࡅࡃࡀࡓࡉࡁࡇ/ࡅࡃࡀࡓࡁࡇ#2#/ ࡁࡀࡋࡌࡀ
045:07 ࡎࡁࡀࡋ ࡁࡀࡋࡌࡀ ࡅࡃࡀࡓࡁࡇ ࡀࡋࡌࡀ ࡖࡊࡏࡋࡀࡊ ࡔࡀࡋࡉࡌࡋࡀࡊ ࡀࡋࡌࡀ
045:08 ࡖࡔࡀࡋࡉࡌࡋࡀࡊ ࡊࡏࡋࡀࡊ ࡖࡌࡉࡕࡂࡀࡌࡀࡓࡋࡅࡍ ࡌࡉࡍࡉࡀࡍࡀ ࡖࡏࡄࡀࡁࡋࡀࡊ
045:09 ࡀࡍࡀ ࡏࡕࡉࡀ ࡏࡋࡀࡊ ࡁࡆࡉࡅࡀ ࡍࡀࡐࡔࡀ ࡅࡁࡍࡄࡓࡀ ࡖࡎࡀࡊࡀ ࡋࡉࡕࡋࡇ
045:10 ࡀࡈࡀࡓ ࡎࡉࡁࡋࡉࡕ ࡅࡃࡀࡓࡉࡁࡇ ࡀࡋࡌࡀ ࡖࡊࡉࡋࡀࡉ ࡔࡋࡉࡌ ࡔࡋࡉࡌ ࡊࡉࡋࡀࡉ
045:11 ࡅࡏࡕࡂࡀࡌࡀࡓ ࡌࡉࡍࡉࡀࡍࡀࡉ ࡀࡎࡂࡉࡀ ࡅࡀࡕࡀ ࡏࡋࡀࡉ ࡍࡀࡑࡁࡀࡉ ࡀࡐࡒࡀࡍ
045:12 ࡌࡉࡍࡀࡉࡄࡅࡍ ࡀࡎࡉࡒ ࡕࡉࡓࡑࡀࡍ ࡁࡉࡕ ࡕࡅࡔࡋࡌࡀ ࡎࡁࡀࡓࡕࡀ ࡋࡈࡀࡁࡅࡕࡀ
045:13 ࡖࡀࡁ ࡅࡎࡁࡀࡓࡕࡇ ࡋࡆࡉࡅࡀ ࡖࡀࡐࡓࡉࡔࡅࡍ ࡏࡋࡇ ࡂࡉࡍࡆࡀ ࡖࡐࡕࡀ
045:14 ࡄࡃࡀࡁࡇ ࡅࡏࡕࡂࡀࡌࡀࡓࡁࡇ ࡁࡄࡉࡊࡅࡌࡕࡇ ࡅࡄࡉࡉࡀ ࡆࡀࡊࡉࡍ
045:15 ࡎࡀ
045:16 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡌࡀࡍࡀ ࡀࡍࡀ ࡖࡄࡉࡉࡀ ࡓࡅࡓࡁࡉࡀ
045:17 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡁࡊࡀࡓࡉࡅࡕࡀ ࡖࡌࡀࡋࡀࡊࡉࡀ ࡌࡀࡍࡅ
045:18 ࡓࡌࡀࡍ ࡌࡀࡍࡅ ࡓࡌࡀࡍ ࡁࡊࡀࡓࡉࡅࡕࡀ ࡖࡌࡀࡋࡀࡊࡉࡀ ࡖࡄࡉࡍࡅࡍ ࡎࡍࡏࡉࡍ
045:19 ࡅࡓࡉࡄࡀࡉࡅࡍ ࡆࡀࡐࡅࡓ ࡅࡃࡌࡅࡕࡀࡉࡅࡍ ࡎࡀࡉࡍࡀ ࡅࡋࡀࡊࡀࡔࡓࡀ ࡌࡉࡎࡍࡀ
045:20 ࡎࡀࡉࡍࡀ ࡃࡌࡅࡕࡀࡉࡅࡍ ࡁࡉࡍࡀࡕࡀࡉࡅࡍ ࡌࡀࡍࡅ ࡓࡌࡀࡍ ࡄࡀ^ࡉ^ࡆࡉࡍ ࡏࡓࡁࡉࡀ
045:21 ࡁࡉࡍࡀࡕࡀࡉࡅࡍ ࡖࡋࡀࡊࡀࡔࡓࡉࡋࡉࡀ ࡃࡀࡅࡓࡀࡉࡅࡍ ࡄࡀࡆࡉࡍ ࡏࡋࡉࡁࡔࡇ ࡋࡋࡁࡅࡔࡀࡉࡄࡅࡍ
045:22 ࡅࡏࡃࡀࡓࡁࡇ ࡁࡌࡃࡅࡓࡕࡅࡍ ࡏࡋ ࡖࡒࡀࡉࡉࡌ ࡅࡌࡉࡕࡀࡐࡓࡀࡔ ࡌࡀࡍࡀ ࡀࡕࡀ
045:23 ࡏࡋࡇ ࡍࡀࡑࡁࡇ ࡀࡕࡀ ࡏࡋࡇ ࡀࡔࡌࡇ ࡒࡀࡋࡇ ࡕࡀࡒࡍࡀ ࡀࡔࡌࡇ ࡅࡀࡌࡀࡓࡋࡇ
045:24 ࡌࡀࡋࡀࡋࡀ ࡓࡀࡅࡆࡀ ࡎࡍࡉࡀ ࡓࡉࡄࡀࡉࡅࡍ ࡖࡌࡋࡀࡊࡉࡀ ࡌࡍ ࡓࡉࡄࡀࡉࡅࡍ

next page