← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


047:01 ࡖࡊࡉࡁࡓࡀࡕ ࡏࡋࡇ ࡗ ࡒࡀࡌ ࡀࡃࡀࡌ ࡏࡋ ࡋࡉࡂࡓࡇ ࡋࡀࡈࡇ ࡋࡂࡀࡁࡓࡀ
047:02 ࡍࡀࡑࡁࡇ ࡋࡉࡈࡇ ࡋࡂࡁࡀࡋ ࡐࡀࡂࡓࡉࡀ ࡖࡏࡅࡁࡀࡃࡉࡀ ࡁࡏࡃࡇ ࡋࡀࡕࡒࡅࡍ
047:03 ࡏࡌࡉࡕࡒࡅࡍ ࡏࡅࡁࡀࡃࡉࡀ ࡀࡋࡌࡀ ࡋࡀࡃࡀࡌ ࡒࡓࡇ ࡀࡋࡌࡀ ࡒࡓࡇ ࡋࡀࡃࡀࡌ
047:04 ࡀࡋࡌࡀ ࡖࡗ ࡃࡌࡅࡕࡇ ࡀࡋࡌࡀ ࡌࡉࡌࡉࡋࡉࡇ ࡏࡔࡀࡕࡀ ࡄࡀࡉࡕࡀ ࡗ
047:05 ࡖࡀࡁࡅࡉࡀ ࡋࡃࡉࡋࡇ ࡌࡋࡇ ࡒࡓࡀ ࡅࡋࡀࡕࡀࡒࡉࡍ ࡀࡋࡌࡀ ࡖࡏࡑࡈࡅࡍࡀ ࡖࡆࡉࡐࡀ
047:06 ࡒࡓࡀ ࡒࡉࡓࡉࡇ ࡋࡏࡑࡈࡅࡍ ࡆࡉࡐࡀ ࡅࡋࡔࡐࡉࡍࡆࡀ ࡁࡀࡈࡋࡀ ࡋࡏ ࡓࡀࡍࡃࡉࡃࡅࡍ
047:07 ࡌࡍ ࡃࡅࡊࡕࡀࡉ ࡅࡌࡍ ࡁࡉࡍࡉࡀ ࡀࡄࡀࡉ ࡀࡐࡒࡅࡍ ࡌࡍ ࡁࡉࡍࡉࡀ ࡀࡄࡀࡉ
047:08 ࡈࡀࡁࡉࡀ ࡅࡌࡍ ࡁࡉࡍࡉࡀ ࡆࡓࡉࡆࡉࡀ ࡅࡌࡆࡀࡓࡆࡀ ࡋࡏࡌࡀࡕ ࡏࡐࡅࡒ ࡌࡉࡍࡇ
047:09 ࡅࡏࡐࡉࡎࡇ ࡅࡏࡄࡀࡌࡁࡋࡇ ࡏࡐࡅࡒ ࡌࡍ ࡏࡅࡁࡀࡃࡇ ࡏࡎࡉࡊࡉࡇ ࡋࡄࡅࡓࡁࡀ
047:10 ࡌࡀࡓࡃࡀ ࡀࡍࡀ ࡋࡀࡕࡓࡀࡉ ࡏࡎࡀࡒ ࡔࡉࡁࡉࡀࡄࡉࡀ ࡍࡀࡐࡋࡅࡍ ࡅࡋࡀࡍࡉࡒࡌࡅࡍ
047:11 ࡏࡋ ࡖࡒࡀࡉࡉࡌ ࡌࡀࡍࡀ ࡅࡌࡉࡕࡀࡐࡓࡀࡔ ࡌࡀࡈࡉࡀ ࡀࡕࡀࡋࡇ ࡍࡀࡑࡁࡀ
047:12 ࡅࡀࡃࡉࡀࡅࡓࡉࡀ ࡖࡍࡀࡐࡔࡇ ࡅࡔࡅࡕࡇ ࡊࡀࡁࡉࡓࡉࡀ ࡈࡀࡁࡉࡀ ࡖࡌࡉࡍࡇ ࡋࡅࡍ
047:13 ࡒࡀࡌ/ࡒࡅࡌ#2#/ ࡌࡀࡍࡀ ࡔࡅࡁࡒࡇ ࡋࡄࡀࡆࡉࡍ ࡀࡋࡌࡀ ࡄࡀࡓࡊࡕࡀ ࡖࡊࡓࡀࡕࡀࡋࡀࡊ
047:14 ࡌࡀࡓࡀࡅࡀࡕࡀ ࡖࡍࡀࡐࡔࡇ ࡍࡉࡒࡀࡁࡅࡋ/ࡍࡉࡒࡀࡁࡋࡅ#2#/ ࡔࡉࡍࡕࡀ ࡖࡏࡕࡉࡓࡀࡕ ࡌࡉࡍࡇ
047:15 ࡕࡉࡕࡊࡀࡌࡀࡓ ࡅࡕࡉࡊࡁࡀࡓ ࡏࡋࡀࡅࡀࡉࡄࡅࡍ ࡒࡅࡌ ࡋࡅࡁࡔࡇ ࡋࡆࡉࡅࡀ
047:16 ࡍࡀࡐࡔࡀ ࡅࡊࡀࡎࡉࡀ ࡋࡍࡄࡅࡓࡀ ࡉࡀࡒࡓࡀ ࡏࡅࡎࡓࡇ ࡋࡄࡉࡌࡉࡀࡍࡀࡊ ࡖ
047:17 ࡀࡉࡍࡏ ࡐࡕࡉࡄࡀࡕࡀ ࡖࡊࡅࡋࡇ ࡀࡉࡍࡉࡀ ࡌࡍ ࡓࡉࡔ ࡁࡓࡉࡔ ࡄࡅ ࡌࡀࡍࡀ
047:18 ࡎࡋࡉࡒ ࡌࡉࡍࡀࡉࡄࡅࡍ ࡔࡉࡁࡉࡀࡄࡉࡀ ࡌࡀࡋࡉࡀ ࡍࡀࡂࡃࡉࡀ ࡊࡅࡋ ࡉࡅࡌ
047:19 ࡍࡀࡂࡃࡉࡀ ࡌࡀࡋࡉࡀ ࡅࡊࡅࡋ ࡉࡅࡌ ࡂࡉࡁࡉࡀ ࡀࡊࡋࡉࡀ ࡏࡋࡀࡉ ࡔࡀࡊࡁࡉࡀ ࡏࡋ
047:20 ࡁࡅࡓࡉࡀ ࡅࡁࡉࡔࡉࡀ ࡁࡃࡌࡅ ࡏࡎࡉࡓࡉࡀ ࡉࡀࡕࡁࡉࡀ ࡌࡀࡍࡀ ࡎࡋࡉࡒ
047:21 ࡋࡁࡉࡕ ࡄࡉࡉࡀ ࡁࡉࡁࡋࡉࡀ ࡅࡌࡀࡋࡉࡀ ࡋࡀࡓࡍࡀ ࡋࡀࡓࡍࡀ ࡁࡉࡁࡋࡉࡀ ࡅࡌࡀࡋࡉࡀ
047:22 ࡅࡋࡀࡉࡉࡕ ࡌࡉࡍࡇ ࡄࡀࡓࡊࡕࡅࡍ ࡌࡍ ࡄࡀࡓࡊࡕࡅࡍ ࡋࡀࡉࡉࡕ ࡅࡋࡀࡒࡀࡁࡉࡋ
047:23 ࡌࡍ ࡃࡉࡋࡄࡅࡍ ࡄࡅ ࡌࡀࡍࡀ ࡁࡊࡉࡎࡉࡀ ࡒࡀࡉࡌࡅࡍ ࡅࡁࡃࡌࡅ ࡄࡉࡉࡀ
047:24 ࡓࡁࡉࡀ ࡀࡎࡌࡊࡅࡍ ࡅࡌࡔࡀࡁࡉࡍ ࡄࡉࡉࡀ ࡓࡁࡉࡀ

next page