← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


048:01 ࡎࡀ
048:02 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡌࡀࡍࡀ ࡀࡍࡀ ࡖࡄࡉࡉࡀ ࡓࡅࡓࡁࡉࡀ
048:03 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡖࡌࡉࡕࡀࡐࡓࡀࡔࡁࡇ ࡁࡏࡑࡓࡇ ࡀࡋࡌࡀ
048:04 ࡔࡍࡀࡕ ࡃࡌࡅࡕࡀࡉ ࡋࡏ ࡁࡀࡉࡉࡀ ࡖࡍࡀࡅࡋࡅࡍ ࡋࡌࡀࡄࡅ ࡀࡕࡓࡀ ࡊࡀࡍࡃࡉࡀ
048:05 ࡁࡀࡉࡉࡀ ࡋࡌࡉࡔࡉࡓࡉࡀ ࡋࡔࡊࡉࡍࡕࡀࡉ ࡁࡀࡉࡉࡀ ࡀࡐࡒࡅࡍ ࡌࡉࡍࡀࡉࡅࡍ ࡌࡍ
048:06 ࡃࡓࡀࡔࡀࡉࡅࡍ ࡕࡀࡒࡍࡉࡀ ࡁࡀࡉࡉࡀ ࡀࡋࡀࡍ ࡌࡍ ࡁࡀࡅࡀࡕࡅࡍ ࡖࡄࡉࡍࡅࡍ
048:07 ࡁࡀࡉࡉࡀ ࡁࡉࡕ ࡕࡅࡔࡋࡌࡀ ࡁࡀࡉࡉࡀ ࡌࡉࡔࡉࡓࡉࡀࡍ ࡏࡑࡓࡇ ࡃࡀࡊࡉࡀ ࡖࡍࡄࡅࡓࡀ
048:08 ࡅࡀࡔࡓࡅࡉࡀࡍ ࡁࡋࡁࡅࡔࡀ ࡆࡀࡐࡓࡀ ࡀࡍࡀ ࡗ ࡄࡀࡆࡉࡀࡍࡀࡋࡇ ࡋࡄࡀࡍࡀࡕࡇ
048:09 ࡋࡁࡅࡔࡀ ࡌࡀࡍ ࡍࡉࡕࡉࡀ ࡅࡍࡀࡃࡉࡀࡍ ࡌࡀࡍ ࡒࡀࡓࡉࡀ ࡍࡉࡄࡅࡉࡋࡉࡀ ࡅࡌࡀࡍ
048:10 ࡍࡉࡄࡅࡉࡋࡉࡀ ࡍࡀࡑࡁࡀ ࡔࡀࡍࡉࡀ ࡌࡀࡍ ࡍࡏࡕࡉࡁ ࡋࡅࡀࡕ ࡅࡍࡉࡄࡀ ࡍࡀࡍࡀࡍ
048:11 ࡖࡋࡀࡏࡍࡔࡉࡀ ࡖࡌࡐࡀࡒࡀࡃࡍࡀ ࡌࡍ ࡊࡀ ࡌࡍ ࡀࡕࡓࡀࡉ ࡀࡃࡒࡀࡉࡉࡌ
048:12 ࡅࡌࡉࡕࡄࡀࡔࡀࡁ ࡌࡀࡍࡀ ࡀࡔࡀࡓ ࡅࡋࡉࡂࡈࡇ ࡍࡀࡑࡁࡇ ࡅࡋࡉࡂࡈࡇ ࡅࡄࡅ
048:13 ࡄࡅࡀࡋࡇ ࡒࡀࡓࡉࡀ ࡆࡉࡅࡀࡊ ࡖࡄࡉࡉࡀ ࡍࡐࡉࡔ ࡅࡊࡀࡁࡉࡓ ࡀࡋࡌࡀ ࡏࡅࡑࡁࡇ
048:14 ࡖࡍࡄࡅࡓࡀ ࡒࡀࡓࡉࡀࡕࡋࡇ ࡌࡉࡍࡑࡀࡁ ࡆࡉࡅࡀ ࡅࡌࡉࡐࡎࡀࡒ ࡖࡍࡄࡓࡀ ࡌࡍ
048:15 ࡋࡁࡅࡔࡇ ࡌࡁࡀࡑࡓࡉࡀ ࡈࡀࡁࡉࡀ ࡗ ࡀࡊࡀࡍࡃ{{ࡉࡀ}}<<ࡇ>> ࡖࡎࡀࡉࡍࡇ ࡋࡀࡄࡆࡅࡍ
048:16 ࡗ ࡀࡊࡀࡍࡃࡇ ࡋࡀࡄࡆࡅࡍ ࡖࡎࡀࡉࡍࡀ ࡏࡋ ࡌࡀࡄࡅ ࡄࡀࡎࡓࡉࡀ ࡅࡁࡀࡑࡓࡉࡀ
048:17 ࡌࡀࡍࡀ ࡁࡐࡅࡌࡇ ࡃࡀࡊࡉࡀ ࡀࡌࡀࡓࡋࡇ ࡋࡍࡀࡑࡁࡀ ࡖࡀࡔࡓࡇ ࡀࡍࡀ ࡌࡉࡁࡑࡀࡓ
048:18 ࡁࡉࡑࡓࡉࡕ ࡄࡀࡔࡕࡀ ࡀࡎࡌࡉࡊࡕࡀࡍ ࡅࡍࡄࡅࡓࡀ ࡈࡐࡀ ࡄࡀࡔࡕࡀ ࡎࡌࡉࡊࡕࡀࡍ
048:19 ࡅࡈࡐࡀ ࡍࡄࡅࡓࡀ ࡅࡄࡀࡉࡋࡇ ࡅࡔࡓࡀࡓࡀ ࡁࡍࡐࡉࡔ ࡄࡅࡀ ࡁࡄࡀࡉࡋࡀ ࡖࡍࡀࡑࡁࡀࡉ
048:20 ࡓࡁࡀ ࡅࡁࡄࡀࡉࡋࡇ ࡖࡂࡀࡁࡓࡀ ࡖࡔࡓࡀࡍ ࡀࡔࡓࡀࡍ ࡅࡋࡉࡂࡈࡀࡍ
048:21 ࡁࡉࡀࡌࡉࡍࡇ ࡌࡍ ࡃࡉࡋࡇ ࡔࡀࡓࡉࡀ ࡏࡋࡀࡉ ࡁࡃࡓࡀࡁࡔࡉࡀ ࡏࡋࡀࡉ ࡍࡉࡄࡓࡉࡕ
048:22 ࡅࡃࡀࡓࡉࡕ ࡁࡂࡅ ࡐࡀࡂࡓࡀ ࡆࡀࡐࡓࡀ ࡅࡋࡀࡃࡍࡉࡕ ࡑࡅࡁ/ࡄࡑࡅࡁ#2#/ ࡔࡀࡉࡀ ࡅࡑࡅࡁ/ࡅࡄࡑࡅࡁ#2#/
048:23 ࡔࡅࡔࡉࡀ ࡅࡕࡐࡀࡋࡀࡂ ࡎࡉࡂࡉࡀ ࡋࡀࡋࡌࡀ ࡏࡕࡐࡀࡋࡀࡂ ࡊࡅࡊࡁࡉࡀ ࡔࡅࡁࡀ
048:24 ࡅࡄࡅࡎࡓࡀࡍࡀ ࡏࡋࡀࡅࡀࡉࡄࡅࡍ ࡊࡁࡀࡓ ࡀࡕࡀ ࡍࡀࡑࡁࡀࡉ ࡓࡁࡀ ࡅࡐࡀࡂࡓࡇ

next page