← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


059:01 ࡁࡕࡅࡔࡁࡉࡄࡀࡕ ࡓࡅࡓࡁࡉࡀ ࡀࡌࡓࡉࡋࡇ ࡁࡌࡀࡌࡋࡀࡋࡇ ࡖࡄࡀࡃ ࡄࡀࡃ ࡔࡀࡍࡀࡉ
059:02 ࡌࡍ ࡄࡀࡁࡓࡇ ࡖࡒࡀࡉࡉࡌ ࡅࡌࡉࡕࡀࡐࡓࡀࡔ ࡌࡀࡍࡀ ࡁࡅࡉࡅࡉࡀ ࡅࡀࡎࡒࡅࡉࡀ
059:03 ࡓࡅࡓࡁࡉࡀ ࡅࡀࡌࡓࡉࡋࡇ ࡀࡕࡀ ࡍࡉࡌࡀࡓࡋࡀࡊ ࡌࡀࡍࡀ ࡅࡀࡎࡂࡉࡀ ࡋࡅࡀࡕࡀࡍ
059:04 ࡍࡏࡉࡀࡎࡁࡓࡀࡊ ࡀࡎࡂࡉࡕ ࡋࡒࡅࡃࡀࡌࡀࡉࡊࡅࡍ ࡌࡉࡍࡃࡀࡌ ࡁࡀࡉࡕࡅࡍ
059:05 ࡀࡌࡀࡓ ࡀࡌࡀࡓࡋࡇ ࡀࡋࡌࡀ ࡒࡓࡉࡀ ࡁࡉࡄࡓࡀࡓࡀ ࡒࡅࡌ ࡄࡅࡕ ࡋࡂࡀࡅࡇ
059:06 ࡏࡆࡉࡋ ࡏࡅ ࡀࡍࡀࡕ ࡋࡀࡍࡀࡄࡕࡀࡕࡋࡇ ࡌࡀࡍ ࡄࡀࡅࡉࡀ ࡍࡀࡑࡁࡇ ࡅࡌࡀࡍ
059:07 ࡍࡉࡓࡌࡉࡁࡇ ࡆࡉࡅࡀ ࡌࡀࡍ ࡆࡉࡅࡀ ࡍࡉࡓࡌࡉࡁࡇ ࡅࡋࡀࡍࡉࡔࡉࡁࡒࡇ ࡋࡔࡅࡓࡁࡕࡇ
059:08 ࡖࡋࡀࡍࡉࡐࡎࡉࡒ ࡆࡉࡓࡐࡀࡕ ࡏࡔࡀࡕࡀ ࡏࡊࡉࡋࡕࡀ ࡅࡏࡋ ࡏࡔࡀࡕࡀ
059:09 ࡀࡐࡓࡀࡕࡀ ࡏࡒࡅࡌ ࡋࡀࡋࡌࡀ ࡏࡄࡅࡕࡋࡇ ࡌࡀࡄࡅ ࡖࡌࡐࡀࡒࡃࡉࡕࡅࡋࡉࡀ
059:10 ࡏࡁࡉࡃࡀࡕࡇ ࡀࡍࡀࡕ ࡒࡅࡌ ࡋࡀࡋࡌࡀ ࡄࡅࡕࡋࡇ ࡅࡏࡆࡉࡋ ࡁࡂࡅ ࡐࡀࡂࡓࡀ
059:11 ࡏࡓࡁࡉࡀ ࡏࡆࡉࡋ ࡏࡓࡁࡉࡀ ࡁࡂࡅ ࡐࡀࡂࡓࡀ ࡁࡋࡁࡅࡔࡇ ࡄࡀࡍࡀࡕࡇ
059:12 ࡖࡐࡒࡀࡃࡋࡀࡊ ࡏࡆࡉࡋ ࡏࡓࡁࡉࡀ ࡁࡉࡍࡉࡀ ࡓࡀࡆࡉࡀ ࡅࡓࡀࡆࡉࡀ ࡁࡃࡉࡋࡀࡊ
059:13 ࡍࡉࡍࡉࡄࡓࡅࡍ ࡓࡀࡆࡉࡀ ࡍࡉࡍࡉࡄࡓࡅࡍ ࡁࡃࡉࡋࡀࡊ ࡅࡍࡉࡄࡅࡉࡋࡀ ࡔࡓࡀࡓࡀ
059:14 ࡋࡔࡅࡓࡁࡕࡀࡊ ࡔࡅࡓࡁࡕࡀࡊ ࡕࡉࡎࡀࡒ ࡋࡀࡕࡓࡀ ࡅࡍࡉࡄࡅࡉࡋࡇ ࡊࡉࡋࡀ
059:15 ࡋࡀࡋࡌࡀ ࡋࡀࡋࡌࡀ ࡊࡉࡋࡀ ࡍࡉࡄࡅࡉࡋࡇ ࡅࡕࡓࡉࡍ ࡐࡀࡎࡉࡌࡊࡉࡀ ࡍࡉࡍࡀࡈࡓࡅࡍࡇ
059:16 ࡍࡉࡍࡀࡈࡓࡅࡍࡇ ࡕࡓࡉࡍ ࡐࡀࡎࡉࡌࡊࡉࡀ ࡅࡍࡉࡄࡅࡉࡀ ࡆࡉࡅࡀ ࡌࡍ ࡓࡉࡔ
059:17 ࡁࡓࡉࡔ ࡁࡆࡉࡅࡀࡊ ࡍࡉࡍࡈࡀࡓ ࡁࡀࡉࡕࡀ ࡅࡁࡃࡉࡋࡀࡊ ࡍࡉࡕࡓࡉࡑ ࡀࡋࡌࡀ
059:18 ࡍࡉࡍࡀࡈࡓࡀࡊ ࡍࡀࡈࡓࡉࡀ ࡃࡀࡊࡉࡀ ࡅࡍࡉࡕࡂࡀࡃࡀࡋ ࡔࡉࡓࡔࡀࡊ ࡅࡍࡉࡎࡀࡒ
059:19 ࡋࡓࡉࡔ ࡍࡉࡎࡀࡒ ࡆࡀࡊࡅࡕࡀ ࡖࡀࡍࡉࡍ ࡐࡀࡋࡉࡂࡍࡉࡍ ࡁࡀࡕࡓࡀࡍ ࡌࡀࡍࡀ
059:20 ࡋࡉࡔࡀࡍࡉࡀ ࡌࡉࡍࡃࡀࡌ ࡖࡓࡁࡉࡀ ࡐࡀࡒࡃࡅࡉࡀ ࡀࡋ ࡁࡂࡅ ࡐࡀࡂࡓࡀ
059:21 ࡁࡄࡀࡍࡀࡕࡇ ࡋࡁࡅࡔࡇ ࡖࡐࡒࡀࡃࡋࡇ ࡃࡀࡓࡁࡇ ࡁࡏࡑࡈࡅࡍࡀ ࡅࡓࡀࡆࡉࡀ
059:22 ࡁࡂࡀࡅࡇ ࡍࡄࡀࡓ ࡎࡂࡉࡃ ࡒࡅࡃࡀࡌ ࡓࡁࡉࡀ ࡅࡏࡃࡍࡉࡀ ࡒࡅࡃࡀࡌ
059:23 ࡓࡅࡓࡁࡉࡀ ࡎࡂࡉࡃ ࡒࡅࡃࡀࡌ ࡓࡁࡉࡀ ࡖࡈࡀࡁࡅࡕࡀࡊ ࡅࡈࡀࡁࡅࡕࡀࡉ
059:24 ࡍࡉࡒࡀࡁࡋࡅࡍ ࡍࡉࡋࡉࡂࡈࡅࡍ ࡈࡀࡁࡅࡕࡀࡊ ࡅࡈࡀࡁࡅࡕࡀࡉ ࡖࡋࡀࡄࡅࡀ ࡊࡀࡃࡁࡀ

next page