← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


062:01 ࡖ{{ࡖࡏࡕࡀ}} ࡖࡏࡕࡉࡕࡋࡇ ࡋࡅࡏࡔࡊࡀ ࡖࡋࡉࡁࡀࡈࡋࡇ ࡗ ࡄࡀࡆࡀ ࡔࡅࡌࡀ ࡌࡉࡍࡇ
062:02 ࡄࡃࡀࡁࡇ ࡌࡍ ࡓࡉࡔ ࡁࡓࡉࡔ ࡄࡅ ࡅࡄࡅ ࡀࡕࡉࡇ ࡋࡄࡀࡊࡀ ࡅࡄࡅ
062:03 ࡄࡅࡀࡋࡇ ࡋࡄࡉࡋ ࡐࡀࡓࡅࡀࡍࡒࡀ ࡀࡔࡋࡇ ࡀࡋࡁࡅࡔࡉࡀ/ࡀࡋࡁࡔࡉࡇ#2#/ ࡋࡁࡅࡔࡇ ࡅࡃࡉࡁࡓࡇ
062:04 ࡅࡀࡎࡉࡒ ࡕࡉࡓࡑࡇ ࡁࡉࡕ ࡓࡅࡓࡁࡉࡀ ࡋࡉࡂࡈࡇ ࡁࡉࡀࡌࡉࡍࡇ ࡅࡋࡂࡀࡍࡆࡉࡁࡓࡀ
062:05 ࡖࡍࡀࡐࡔࡇ ࡀࡔࡋࡌࡇ ࡄࡀࡃࡉࡁࡇ ࡂࡀࡍࡆࡉࡁࡓࡇ ࡄࡉࡍࡅࡍ ࡄࡅࡋࡇ ࡍࡀࡈࡓࡀ
062:06 ࡄࡉࡍࡅࡍ ࡍࡀࡈࡓࡀ ࡄࡅࡋࡇ ࡅࡀࡉࡉࡋ ࡁࡉࡕ ࡂࡉࡍࡆࡀࡉࡅࡍ ࡊࡉࡎࡉࡅࡉࡀ ࡅࡄࡉࡉࡀ ࡆࡀࡊࡉࡍ
062:07 ࡎࡀ
062:08 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡌࡀࡍࡀ ࡀࡍࡀ ࡖࡄࡉࡉࡀ ࡓࡅࡓࡁࡉࡀ
062:09 ࡌࡀࡍࡀ ࡀࡍࡀ ࡖࡄࡉࡉࡀ ࡓࡁࡉࡀ ࡌࡍ ࡂࡉࡍࡆࡀࡉࡄࡅࡍ ࡖࡄࡉࡉࡀ ࡏࡊࡀ
062:10 ࡏࡋࡀࡉ ࡁࡔࡅࡕࡀ ࡖࡀࡁ ࡍࡀࡄࡀࡓࡍࡀ ࡁࡕࡅࡔࡁࡉࡄࡕࡇ ࡖࡂࡀࡁࡓࡀ
062:11 ࡍࡀࡑࡁࡀࡉ ࡏࡌࡀࡕ ࡄࡅࡀࡕ ࡏࡋࡀࡉ ࡌࡍ ࡂࡉࡍࡆࡀࡉࡄࡅࡍ ࡁࡅࡍ ࡏࡌࡀࡕ
062:12 ࡁࡅࡍ ࡌࡍ ࡂࡉࡍࡆࡀࡉࡄࡅࡍ ࡅࡔࡀࡃࡓࡅࡍ ࡋࡄࡀࡆࡉࡍ ࡀࡋࡌࡀ ࡌࡉࡕࡉࡀࡉ
062:13 ࡌࡍ ࡁࡉࡕ ࡂࡉࡍࡆࡀࡉࡄࡅࡍ ࡀࡃࡉࡒࡉࡕ ࡄࡆࡀࡉࡕࡇ ࡋࡀࡋࡌࡀ ࡀࡃࡉࡒࡉࡕ
062:14 ࡋࡀࡋࡌࡀ ࡄࡆࡀࡉࡕࡇ ࡄࡅ ࡎࡍࡉࡀ ࡅࡃࡌࡅࡕࡇ ࡋࡀࡊࡀࡔࡓࡀ ࡏࡊࡉࡄࡉࡁࡅࡍ
062:15 ࡅࡏࡈࡀࡓࡈࡉࡋࡕࡉࡍࡅࡍ ࡅࡀࡔࡉࡈࡕࡉࡍࡅࡍ ࡋࡂࡅࡁࡓࡉࡀ ࡖࡏࡁࡃࡅࡉࡀ ࡀࡌࡀࡓࡍࡀࡋࡅࡍ
062:16 ࡄࡀࡉࡆࡉࡍ ࡏࡔࡁࡅࡒ ࡓࡀࡆࡉࡀ ࡍࡉࡄࡉࡀ ࡅࡏࡉࡅࡋࡁࡅࡍ ࡁࡓࡀࡆࡉࡀ ࡌࡀࡓࡃࡉࡀ
062:17 ࡄࡀࡉࡆࡉࡍ ࡏࡔࡁࡅࡒ ࡕࡅࡔࡁࡉࡄࡕࡀ ࡖࡀࡁࡀࡄࡀࡕࡀࡉ ࡅࡏࡐࡉࡋࡁࡇ
062:18 ࡁࡀࡍࡃࡀࡔࡀࡕࡀ ࡖࡋࡁࡅࡔࡀ ࡁࡀࡈࡋࡀ ࡄࡀࡉࡆࡉࡍ ࡏࡔࡁࡅࡒ ࡔࡓࡀࡓࡀ
062:19 ࡖࡊࡀࡁࡉࡓࡉࡀ ࡅࡏࡃࡀࡓ ࡁࡏࡑࡈࡅࡍࡀ ࡍࡀࡐࡋࡀ ࡀࡃࡒࡀࡉࡉࡌ ࡅࡌࡉࡕࡀࡐࡓࡉࡔ
062:20 ࡀࡌࡀࡓ ࡌࡈࡀ ࡂࡀࡁࡓࡀ ࡀࡃࡉࡀࡅࡓࡇ ࡌࡉࡈࡉࡇ ࡀࡃࡉࡀࡅࡓࡇ ࡓࡀࡌࡀ ࡖࡄࡅ
062:21 ࡀࡅࡋࡇ ࡁࡉࡄࡃࡀ ࡆࡉࡅࡀ ࡓࡁࡀ ࡀࡌࡀࡓࡋࡇ ࡀࡍࡀࡕ ࡋࡁࡅࡔ ࡖࡋࡁࡅࡔࡀࡊ
062:22 ࡖࡁࡆࡉࡅࡀ ࡖࡍࡀࡐࡔࡀࡊ ࡌࡒࡀࡉࡌࡉࡕ ࡋࡀࡕࡉࡍࡔࡉࡀ ࡖࡐࡀࡒࡃࡅࡊ ࡓࡁࡉࡀ
062:23 ࡅࡄࡀࡉࡀࡁࡀ ࡋࡅࡀࡕࡀࡉࡄࡅࡍ ࡋࡀࡕࡉࡕࡒࡓࡉࡀ ࡏࡉࡅࡋ ࡅࡏࡃࡅࡓࡁࡇ ࡁࡄࡀࡆࡉࡍ
062:24 ࡏࡑࡈࡅࡍࡀ ࡖࡏࡕࡉࡕ ࡌࡉࡍࡇ ࡖࡕࡉࡄࡅࡉࡀ ࡔࡅࡓࡁࡕࡀ ࡏࡕࡉࡕࡀ ࡔࡅࡓࡁࡕࡀ

next page