← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


079:01 \ࡊࡋࡉࡋࡀࡊ ࡓࡀࡅࡆࡀ ࡕࡉࡁ ࡏࡋ ࡊࡅࡓࡎࡉࡀࡊ ࡖࡆࡉࡅࡀ ࡖࡄࡉࡉࡀ ࡕࡉࡓࡑࡅࡉࡀ
079:02 ࡁࡀࡕࡀࡓ ࡍࡄࡅࡓ ࡃࡀࡓࡁࡉࡍ ࡁࡔࡊࡉࡍࡀࡕࡀ ࡁࡉࡍࡉࡀ ࡏࡅࡕࡓࡉࡀ ࡀࡄࡀࡊ
079:03 ࡗ ࡌࡀࡋࡐࡉࡕ ࡁࡅࡓࡊࡇ ࡋࡁࡉࡕ ࡀࡍࡀࡔࡀࡊ ࡅࡋࡅࡈࡀ/ࡅࡋࡅࡈࡇ#3#/ ࡋࡄࡀࡆࡉࡍ ࡀࡕࡓࡀ
079:04 ࡖࡁࡉࡕ ࡌࡅࡍࡒࡀࡊ ࡖࡔࡍࡉࡀ ࡖࡄࡅࡉࡕ ࡁࡂࡀࡅࡇ ࡔࡅࡁࡀ ࡄࡀࡌࡁࡀࡂࡀࡊ
079:05 ࡄࡅࡍ ࡔࡅࡁࡀ ࡄࡅࡍ ࡄࡀࡌࡁࡀࡂࡀࡊ ࡅࡕࡓࡉࡎࡀࡓ ࡄࡅࡋࡀࡊ
079:06 ࡓࡉࡃࡐࡀ ࡌࡉࡔࡕࡀࡉࡉࡍ ࡄࡉࡉࡀ ࡅࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ
079:07 ࡖࡀࡎࡂࡉࡀ ࡋࡊࡀ ࡎࡀ
079:08 ⊚ ࡄࡀࡁࡔࡀࡁࡀ ࡅࡊࡅࡔࡈࡀ ࡅࡆࡉࡃࡒࡀ ࡋࡍࡉࡔࡌࡀ ࡄࡅࡋࡇ ࡎࡀࡄࡃࡀ
079:09 ࡀࡍࡀࡕࡅࡍ ࡁࡎࡀࡄࡃࡉࡀ ࡄࡅࡋࡇ ࡅࡀࡄࡋࡉࡐࡅࡉࡀ ࡌࡍ ࡁࡉࡕ ࡌࡀࡊࡎࡉࡀ
079:10 ࡎࡀ
079:11 ࡏࡆࡉࡋ ࡁࡉࡔࡋࡀࡌ ࡁࡄࡉࡓࡀ ࡃࡀࡊࡉࡀ ࡆࡀࡊࡀࡉࡀ ࡖࡌࡅࡌࡀ ࡋࡉࡕࡁࡇ
079:12 ࡀࡍࡀࡕ ࡍࡀࡐࡔࡀࡊ ࡁࡄࡀࡓࡕ ࡌࡍ ࡕࡉࡁࡉࡋ ࡅࡄࡉࡋࡒࡀࡊ ࡌࡍ ࡃࡀࡓࡉࡀ
079:13 ࡔࡅࡀࡓ ࡄࡉࡋࡒࡀࡊ ࡔࡅࡀࡓ ࡌࡍ ࡃࡀࡓࡉࡀ ࡏࡋࡀࡅࡇ ࡖࡊࡅࡋࡇ ࡀࡋࡌࡀ
079:14 ࡀࡍࡀࡕ ࡀࡌࡀࡓࡕ ࡁࡄࡉࡓࡀ ࡃࡀࡊࡉࡀ ࡖࡄࡀࡆࡀࡉࡀ ࡅࡐࡀࡓࡅࡔࡀ ࡀࡍࡀ
079:15 ࡄࡀࡆࡀࡉࡀ ࡀࡍࡀ ࡅࡐࡀࡓࡅࡔࡀ ࡅࡀࡋࡌࡉࡀ ࡋࡃࡉࡍࡀ ࡊࡀࡍࡐࡉࡀ ࡀࡋࡌࡉࡀ ࡊࡀࡍࡐࡉࡀ
079:16 ࡋࡃࡉࡍࡀ ࡅࡃࡉࡍࡀ ࡌࡉࡍࡀࡉࡄࡅࡍ ࡌࡉࡕࡌࡀࡓ ࡃࡉࡍࡀ ࡌࡉࡕࡌࡀࡓ ࡌࡉࡍࡀࡉࡄࡅࡍ
079:17 ࡖࡋࡀࡁࡀࡃ ࡏࡅࡁࡀࡃࡉࡀ ࡖࡂࡁࡀࡓ ࡊࡔࡉࡈ ࡀࡍࡀࡕ ࡁࡋࡄࡅࡃࡀࡊ ࡁࡄࡉࡓࡀ
079:18 ࡃࡀࡊࡉࡀ ࡌࡀࡍࡀ ࡎࡒࡉࡋࡀ ࡖࡎࡒࡉࡋࡕ ࡖࡋࡀࡆࡋࡉࡕ ࡋࡁࡉࡕ ࡃࡉࡍࡀ ࡅࡃࡉࡍࡀ
079:19 ࡌࡉࡍࡀࡊ ࡋࡀࡌࡉࡕࡌࡀࡓ ࡋࡀࡌࡉࡕࡌࡀࡓ ࡃࡉࡍࡀ ࡌࡉࡍࡀࡊ ࡖࡀࡁࡀࡃࡕ
079:20 ࡏࡅࡁࡀࡃࡉࡀ ࡖࡂࡁࡀࡓ ࡊࡔࡉࡈ ࡄࡀࡆࡀ ࡖࡎࡀࡁࡋࡉࡀ ࡅࡃࡀࡓࡉࡀ ࡀࡍࡀࡕ
079:21 ࡁࡄࡉࡓࡀ ࡒࡀࡌࡀࡊ ࡋࡀࡕࡀࡔࡊࡀ ࡐࡅࡒ ࡌࡍ ࡀࡕࡅࡕࡉࡀ ࡏࡃࡀࡉࡄࡅࡍ
079:22 ࡖࡔࡉࡁࡉࡀࡄࡉࡀ ࡂࡀࡁࡀࡓࡉࡀ ࡖࡀࡄࡀࡆࡉࡀࡍ/ࡖࡄࡀࡆࡉࡍ#3#/ ࡀࡋࡌࡀ ࡎࡀࡁ ࡋࡁࡅࡔ ࡏࡅࡑࡈࡋࡀࡊ
079:23 ࡖࡆࡉࡅࡀ ࡅࡕࡓࡅࡑ ࡊࡋࡉࡋࡀࡊ ࡓࡀࡅࡆࡉࡀ ࡊࡁࡅࡔ ࡒࡅࡌࡕࡀࡊ ࡎࡂࡅࡃ ࡅࡌࡕࡀ
079:24 ࡅࡔࡀࡁࡀ ࡋࡄࡉࡉࡀ ࡓࡅࡓࡁࡉࡀ ࡔࡀࡁࡀ ࡋࡀࡕࡓࡀ ࡖࡄࡉࡉࡀ ࡖࡀࡁࡀࡄࡀࡕࡀࡊ

next page