← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


080:01 ࡋࡂࡀࡅࡇ ࡀࡆࡋࡉࡀ ࡀࡍࡀࡕ ࡁࡄࡉࡓࡀ ࡋࡀࡄࡅࡉࡕ ࡌࡍ ࡄࡀࡊࡀ ࡅࡋࡀࡅ ࡌࡍ
080:02 ࡄࡀࡊࡀ ࡍࡑࡉࡁࡀ ࡍࡉࡑࡅࡁࡕࡀࡊ ࡀࡕࡓࡀࡊ ࡀࡕࡓࡀ ࡖࡄࡉࡉࡀ ࡅࡃࡀࡅࡓࡀࡊ
080:03 ࡃࡀࡅࡓࡀ ࡕࡀࡒࡍࡀ ࡕࡓࡀࡑࡋࡀࡊ ࡊࡅࡓࡎࡉࡀ ࡖࡍࡉࡀࡄࡀ ࡖࡄࡀࡅࡌࡀ
080:04 ࡅࡓࡅࡂࡆࡀ ࡋࡉࡕࡁࡇ ࡌࡍࡀࡈࡀࡓࡋࡀࡊ ࡄࡉࡌࡉࡀࡍࡀ ࡖࡀࡎࡂࡀ ࡅࡌࡅࡌࡀ
080:05 ࡋࡉࡕࡁࡇ ࡈࡀࡁࡀ ࡎࡀࡒ ࡋࡁࡉࡕ ࡄࡉࡉࡀ ࡅࡀࡎࡂࡉࡀ ࡋࡃࡀࡅࡓࡀ
080:06 ࡕࡀࡒࡍࡀ ࡁࡉࡍࡉࡀ ࡔࡓࡀࡂࡉࡀ ࡖࡍࡄࡅࡓࡀ ࡍࡉࡃࡀࡋࡅࡍ ࡔࡓࡀࡂࡀࡊ
080:07 ࡅࡍࡉࡍࡉࡄࡓࡅࡍ ࡁࡆࡉࡁࡍࡀࡊ ࡅࡏࡃࡀࡍࡀࡊ ࡎࡀࡒ ࡄࡅࡆࡉࡇ ࡋࡀࡕࡀࡓ
080:08 ࡍࡄࡅࡓ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖࡀࡎࡂࡉࡀ ࡋࡊࡀ
080:09 ࡎࡀ
080:10 ࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡌࡀࡁࡓࡀࡉࡀࡉ ࡌࡀࡁࡀࡓ ࡄࡉࡋࡐࡀ
080:11 ࡀࡁࡀࡓࡋࡉࡀ ࡀࡍࡀࡍࡀ ࡖࡍࡄࡅࡓࡀ ࡅࡕࡉࡎࡀࡒ ࡁࡆࡀࡊࡅ ࡋࡀࡕࡀࡓ ࡍࡄࡅࡓ
080:12 ࡎࡀ
080:13 ࡍࡉࡀࡄࡀ ࡅࡔࡀࡋࡌࡀ ࡍࡉࡄࡅࡉࡀ ࡁࡅࡄࡓࡀ ࡖࡀࡃࡀࡌ ࡊࡉࡔࡓࡀ ࡍࡉࡀࡄࡀ
080:14 ࡅࡔࡀࡋࡌࡀ ࡍࡉࡄࡅࡉࡀ ࡁࡏࡅࡄࡓࡀ ࡖࡍࡉࡔࡉࡌࡕࡀ ࡀࡆࡋࡀ ࡏࡆࡉࡋ ࡍࡉࡔࡌࡀ
080:15 ࡁࡆࡀࡊࡅࡕࡀ ࡋࡀࡕࡓࡀ ࡖࡌࡉࡍࡇ ࡏࡕࡉࡍࡑࡉࡁࡕ ࡋࡀࡕࡓࡀ ࡖࡄࡀࡃࡅࡕࡀ
080:16 ࡖࡀࡍࡐࡉࡀ ࡁࡂࡀࡅࡇ ࡓࡀࡅࡆࡉࡀ ࡔࡓࡀࡕࡇ ࡍࡉࡔࡉࡌࡕࡀ ࡋࡔࡅࡔࡋࡕࡀ/ࡋࡔࡅࡔࡀࡋࡕࡀ#3#/ࡋࡔࡅࡔࡉࡋࡕࡀ#4#/
080:17 ࡅࡕࡀࡁࡉࡓࡕࡉࡍࡅࡍ ࡋࡎࡎࡈࡌࡉࡀ ࡔࡋࡀࡕࡇ ࡋࡊࡉࡕࡅࡍ ࡐࡀࡂࡓࡉࡀ
080:18 ࡏࡄࡉࡃࡓࡀࡕ ࡄࡆࡀࡕࡇ ࡅࡏࡎࡕࡀࡍࡃࡓࡀࡕ ࡒࡀࡋࡀ ࡖࡍࡉࡔࡉࡌࡕࡀ
080:19 ࡖࡄࡉࡉࡀ ࡖࡌࡍ ࡐࡀࡂࡓࡀ ࡖࡋࡅࡐࡀࡕࡀ ࡁࡀࡊࡉࡀ ࡔࡀࡓࡅࡉࡀ ࡖࡔࡀࡓࡉࡇ
080:20 ࡋࡍࡉࡔࡌࡀ ࡖࡄࡉࡍࡅࡍ ࡖࡔࡀࡓࡉࡀ ࡅࡋࡀࡔࡀࡁࡒࡉࡀ ࡐࡉࡓࡉࡀ ࡅࡀࡆࡉࡋ
080:21 ࡍࡉࡔࡌࡀ ࡁࡀࡁࡀ ࡖࡁࡉࡕ ࡄࡉࡉࡀ ࡌࡈࡀ ࡌࡀࡈࡅࡉࡀ ࡁࡀࡁࡀ
080:22 ࡖࡁࡉࡕ ࡄࡉࡉࡀ ࡏࡅࡕࡓࡉࡀ ࡍࡀࡐࡒࡉࡀ ࡀࡋࡀࡍࡐࡇ ࡅࡌࡁࡀࡓࡊࡉࡋࡇ ࡅࡀࡆࡋࡉࡍ
080:23 ࡀࡕࡀࡉ ࡁࡔࡋࡀࡌ ࡐࡕ ࡄࡀࡓࡉࡀ ࡖࡁࡃࡅࡓ ࡁࡉࡔࡉࡀ ࡀࡌࡕࡀ ࡄࡅࡉࡕ
080:24 ࡀࡕࡀࡉ ࡁࡔࡋࡀࡌ ࡌࡁࡀࡎࡌࡀࡍࡉࡕࡀ ࡖࡁࡀࡎࡉࡌࡕࡇ ࡋࡐࡀࡂࡓࡀ ࡆࡀࡐࡓࡀ ࡀࡕࡀࡉ
080:25 ࡁࡔࡋࡀࡌ ࡌࡀࡓࡂࡀࡍࡉࡕࡀ ࡃࡀࡊࡉࡕࡀ ࡖࡌࡍ ࡂࡉࡍࡆࡀࡉࡄࡅࡍ ࡖࡄࡉࡉࡀ ࡏࡕࡍࡉࡑࡁࡀࡕ ࡀࡕࡀࡉ

next page