← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


092:01 ࡅࡀࡌࡓࡀ ࡅࡀࡉ ࡏࡋࡀࡉ ࡖࡋࡀࡏࡃࡀࡕ/ࡖࡋࡀࡏࡃࡉࡕ#2#/ ࡏࡋ ࡂࡉࡍࡆࡀࡉࡄࡅࡍ ࡖࡀࡍࡀ ࡁࡉࡕ ࡏࡁࡉࡃࡋࡇ
092:02 ࡅࡏࡎࡀࡓࡇ ࡋࡕࡀࡎࡍࡉࡒࡉࡀ ࡖࡀࡓࡒࡀ ࡋࡕࡀࡎࡍࡉࡒࡉࡀ ࡖࡀࡓࡒࡀ ࡏࡎࡀࡓࡇ
092:03 ࡅࡏࡊࡀࡕࡓࡇ ࡁࡕࡉࡓࡉࡀ ࡄࡔࡅࡊ ࡁࡕࡉࡓࡉࡀ ࡄࡔࡅࡊ ࡏࡊࡀࡕࡓࡇ ࡅࡁࡌࡀࡈࡀࡓࡀࡕࡀ
092:04 ࡏࡉࡀࡁࡈࡇ ࡊࡅࡋࡇ ࡔࡅࡓࡁࡕࡇ ࡌࡉࡍࡀࡍ ࡃ{{ࡀ}}<<ࡉ>>ࡋࡉࡍ ࡍࡏࡉࡀࡎࡋࡇ ࡏࡋ ࡄࡔࡅࡊࡀ
092:05 ࡄࡀࡉࡀࡁࡀ ࡒࡀࡋࡀ ࡋࡁࡉࡕ ࡄࡉࡉࡀ ࡓࡁࡉࡀ ࡀࡆࡀࡋ ࡗ ࡄࡀࡆࡀ ࡔࡅࡌࡀ
092:06 ࡓࡁࡉࡀ ࡐࡀࡓࡅࡀࡍࡒࡀ ࡖࡍࡄࡅࡓࡀ ࡔࡀࡃࡓࡅࡍ ࡓࡁࡉࡀ ࡀࡌࡓࡉࡋࡇ ࡋࡄࡉࡁࡉࡋ
092:07 ࡆࡉࡅࡀ ࡏࡅࡕࡓࡀ ࡏࡅࡕࡓࡀ ࡈࡀࡁࡀ ࡁࡀࡎࡉࡌ ࡔࡅࡌࡇ ࡀࡍࡀࡕ ࡐࡀࡓࡒࡇ
092:08 ࡋࡀࡃࡀࡌ ࡌࡍ ࡄࡔࡅࡊࡀ ࡅࡀࡎࡒࡇ ࡋࡊࡀ ࡆࡉࡅࡀ ࡋࡉࡁࡔࡉࡕ ࡌࡍ ࡀࡕࡓࡀࡉ
092:09 ࡅࡌࡍ ࡃࡅࡊࡕࡀࡉ ࡏࡕࡉࡕ ࡌࡍ ࡀࡋࡌࡀ ࡖࡁࡉࡔࡉࡀ ࡀࡐࡉࡒࡕࡇ ࡋࡀࡃࡀࡌ
092:10 ࡅࡏࡋ ࡊࡅࡋ ࡃࡌࡅ ࡎࡀࡉࡍࡀ ࡀࡃࡉࡕࡇ ࡍࡄࡅࡓࡀ ࡖࡁࡉࡔࡉࡀ ࡄࡀࡔࡊࡀࡕ
092:11 ࡅࡕࡀࡁࡀࡓࡕࡉࡍࡅࡍ ࡋࡌࡀࡈࡀࡓࡀࡕࡅࡍ ࡊࡅࡋࡄࡉࡍ ࡀࡕࡉࡀ ࡓࡅࡄࡀ ࡖࡒࡅࡃࡔࡀ
092:12 ࡅࡌࡀࡔࡊࡀࡋࡇ ࡋࡐࡀࡂࡓࡇ ࡖࡀࡃࡀࡌ ࡗ ࡍࡉࡔࡉࡌࡕࡀ ࡋࡉࡕࡁࡇ
092:13 ࡌࡀࡋࡉࡀ ࡅࡄࡀࡁࡈࡀ ࡓࡅࡄࡀ ࡋࡏࡎࡕࡉࡓࡀࡕࡀ ࡖࡌࡉࡍࡇ ࡒࡀࡓࡉࡀ
092:14 ࡅࡀࡌࡓࡀࡋࡉࡍ ࡏࡋ ࡋࡉࡋࡉࡀࡕࡀ ࡅࡏࡎࡕࡉࡓࡀࡕࡀ ࡀࡕࡉࡀࡍ ࡍࡉࡍࡀࡌࡁࡉࡉࡀ
092:15 ࡅࡍࡉࡁࡊࡉࡀ ࡁࡏࡎࡕࡉࡓࡀࡕࡀ ࡍࡀࡒࡃࡀ ࡖࡄࡀࡆࡉࡍ ࡀࡁࡀࡃ ࡂࡀࡁࡓࡀ
092:16 ࡍࡅࡊࡓࡀࡉࡀ ࡖࡏࡋ ࡂࡉࡍࡆࡀࡉࡄࡅࡍ ࡋࡀࡏࡃࡉࡕ ࡀࡃࡉࡕࡇ ࡋࡀࡃࡀࡌ
092:17 ࡏࡋ ࡊࡅࡋ ࡌࡉࡍࡃࡀࡌ ࡖࡎࡍࡉࡀ ࡅࡒࡅࡃࡀࡌ ࡔࡊࡉࡍࡕࡇ ࡖࡐࡕࡀࡄࡉࡋ
092:18 ࡌࡈࡉࡕ ࡌࡈࡉࡕ ࡔࡊࡉࡍࡕࡇ ࡖࡐࡕࡀࡄࡉࡋ ࡐࡕࡀࡄࡉࡋ ࡌࡍ ࡊࡅࡓࡎࡉࡇ
092:19 ࡒࡀࡌ ࡐࡕࡀࡄࡉࡋ ࡒࡀࡌ ࡌࡍ ࡊࡅࡓࡎࡉࡇ ࡅࡎࡉࡂࡅࡃࡕࡀ ࡌࡍ ࡄࡉࡉࡀ
092:20 ࡁࡀࡉࡉࡀ ࡎࡉࡂࡅࡃࡕࡀ ࡁࡀࡉࡉࡀ ࡌࡍ ࡄࡉࡉࡀ ࡅࡊࡅࡔࡈࡀ ࡌࡍ ࡍࡉࡔࡌࡀ
092:21 ࡐࡔࡀࡈࡀ{#2#} ࡊࡅࡔࡈࡀ ࡐࡔࡀࡈ ࡌࡍ ࡍࡉࡔࡌࡀ ࡅࡀࡌࡀࡓࡋࡇ ࡔࡋࡀࡌࡋࡀࡊ
092:22 ࡊࡉࡋࡀࡊ ࡍࡉࡔࡌࡀ ࡅࡌࡍ ࡀࡋࡌࡀ ࡖࡁࡉࡔࡉࡀ ࡍࡐࡀࡒࡕ ࡅࡀࡌࡀࡓࡋࡇ
092:23 ࡕࡉࡁ ࡏࡅࡕࡓࡀ ࡕࡌࡉࡌࡀ ࡖࡌࡉࡍࡃࡀࡌ ࡁࡕࡉࡁࡉࡋ ࡋࡀࡏࡃࡀ ࡐࡕࡀࡄࡉࡋ
092:24 ࡏࡋ ࡊࡅࡓࡎࡉࡇ ࡏࡕࡉࡁ ࡅࡒࡅࡃࡀࡌ ࡔࡊࡉࡍࡕࡇ ࡖࡀࡁࡀࡕࡅࡓ ࡌࡀࡈࡉࡕ

next page