← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


110:01 ࡖࡍࡄࡅࡓࡀ ࡋࡀࡄࡀࡔࡊࡉࡀ ࡂࡅࡁࡓࡉࡀ ࡖࡀࡊࡀ ࡁࡂࡀࡅࡇ ࡌࡀࡕࡍࡉࡀ ࡊࡋࡉࡋࡉࡀ
110:02 ࡓࡀࡅࡆࡉࡀ ࡄࡀࡃ ࡆࡉࡅࡀ ࡋࡁࡉࡔࡉࡀ ࡅࡄࡀࡃ ࡍࡄࡅࡓࡀ ࡐࡓࡀࡎ ࡏࡋ ࡊࡅࡋࡄࡅࡍ
110:03 ࡒࡅࡌࡀࡕ ࡄࡃࡀࡃࡉࡀ ࡒࡀࡉࡌࡉࡀ ࡅࡌࡔࡀ ࡄࡃࡀࡃࡉࡀ ࡍࡀࡎࡁࡉࡀ ࡗ
110:04 ࡌࡀࡌࡋࡀࡋࡉࡀ ࡈࡀࡁࡉࡀ ࡄࡀࡃ ࡄࡀࡅࡉࡀ ࡌࡋࡀࡋࡅࡍ ࡌࡉࡔࡕࡀࡉࡉࡍ
110:05 ࡄࡉࡉࡀ ࡅࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖࡀࡎࡂࡉࡀ ࡋࡊࡀ
110:06 ࡎࡀ
110:07 ࡍࡉࡔࡌࡀ ࡒࡅࡌ ࡏࡆࡉࡋ ࡌࡉࡍࡇ ࡌࡍ ࡌࡋࡉࡊ ࡓࡁࡉࡀ ࡖࡏࡋࡀࡊ ࡀࡕࡀ
110:08 ࡎࡀ
110:09 ࡏࡕࡐࡀࡓࡒࡉࡕ ࡔࡉࡋࡌࡀࡍ ࡊࡏࡋࡀࡉ ࡓࡁࡉࡀ ࡔࡀࡃࡀࡓ ࡏࡋࡀࡉ
110:10 ࡋࡔࡉࡕࡋࡀࡉ ࡀࡌࡀࡓࡍࡀࡋࡅࡍ ࡅࡀࡎࡁࡀࡓࡕࡉࡍࡅࡍ ࡋࡓࡅࡓࡁࡉࡀ ࡋࡔࡉࡕࡋࡀࡉ
110:11 ࡀࡌࡀࡓࡍࡀࡋࡅࡍ ࡅࡐࡀࡒࡉࡃࡕࡉࡍࡅࡍ ࡋࡓࡅࡓࡁࡉࡀ ࡔࡉࡕࡋࡀࡉ ࡌࡉࡍࡀࡉࡊࡅࡍ
110:12 ࡍࡀࡐࡉࡒࡍࡀ ࡀࡍࡀࡕࡅࡍ ࡔࡉࡕࡋࡀࡉ ࡌࡀࡄࡅ ࡕࡉࡁࡃࡅࡍ ࡁࡈࡅࡋࡀࡋࡅࡍ ࡖࡂࡅࡐࡍࡀࡉ
110:13 ࡉࡀࡕࡁࡉࡕ ࡆࡉࡅࡀࡉ ࡏࡋ ࡂࡅࡐࡍࡀࡉ ࡃࡍࡀ ࡆࡉࡅࡀࡉ ࡃࡍࡀ ࡏࡋ ࡂࡅࡐࡍࡀࡉ ࡌࡀࡋࡉࡋ
110:14 ࡂࡅࡐࡍࡀࡉ ࡌࡍ ࡃࡅࡊࡕࡀࡉࡅࡍ ࡃࡀࡓࡔࡉࡀ ࡅࡀࡌࡓࡉࡀ ࡌࡉࡍࡀࡍ ࡍࡀࡐࡒࡉࡕ
110:15 ࡂࡀࡁࡓࡀ ࡋࡀࡍ ࡃࡉࡋࡀࡍ ࡌࡀࡄࡅ ࡖࡌࡐࡀࡒࡃࡀࡕࡋࡀࡍ ࡀࡌࡀࡓࡋࡀࡍ ࡏࡋ
110:16 ࡔࡅࡌࡀࡊ ࡔࡅࡕࡀ ࡄࡀࡉࡕࡀ ࡍࡀࡐࡔࡉࡀ ࡅࡎࡀࡊࡀ ࡋࡉࡕࡋࡇ ࡀࡌࡀࡓࡋࡀࡍ
110:17 ࡏࡋ ࡌࡀࡋࡀࡋࡉࡀ ࡊࡀࡎࡉࡉࡀ ࡅࡏࡋ ࡌࡀࡍࡀ ࡍࡑࡉࡁࡀ ࡗ ࡍࡀࡐࡉࡒ
110:18 ࡀࡌࡀࡓࡋࡀࡍ ࡌࡀࡄࡅ ࡐࡀࡒࡃࡅࡍ ࡓࡁࡀࡊ ࡗ ࡍࡀࡐࡉࡒ ࡌࡉࡍࡇ ࡌࡍ ࡀࡋࡌࡀ
110:19 ࡀࡌࡀࡓࡉࡋࡊࡅࡍ ࡏࡋ ࡌࡀࡋࡀࡋࡉࡀ ࡊࡀࡎࡉࡉࡀ ࡅࡏࡋ ࡌࡀࡍࡉࡀ ࡍࡑࡉࡁࡀ ࡗ
110:20 ࡍࡀࡐࡉࡒ ࡌࡍ ࡊࡀ ࡔࡅࡁࡀ ࡄࡀࡌࡁࡀࡂࡇ ࡄࡅࡍ ࡀࡋࡌࡀ ࡋࡁࡉࡕ
110:21 ࡐࡕࡀࡄࡉࡋ ࡔࡅࡁࡀ ࡋࡄࡀࡌࡁࡀࡂࡅࡕࡀ ࡖࡌࡀࡍࡀ ࡒࡀࡌ ࡗ ࡍࡐࡀࡒ ࡌࡍ
110:22 ࡁࡉࡕ ࡐࡕࡀࡄࡉࡋ ࡀࡁࡀࡕࡅࡓ ࡒࡀࡁࡋࡇ ࡌࡍ ࡆࡉࡅࡇ ࡅࡌࡍ ࡍࡄࡅࡓࡇ
110:23 ࡖࡎࡀࡊࡀ ࡋࡉࡕࡋࡇ ࡌࡍ ࡆࡉࡅࡇ ࡖࡍࡐࡉࡔ ࡄࡀࡅࡒࡀ ࡋࡕࡉࡍࡉࡀࡍࡀ ࡌࡉࡈࡉࡇ
110:24 ࡕࡉࡍࡉࡀࡍࡀ ࡒࡀࡌ ࡌࡍ ࡊࡅࡓࡎࡉࡇ ࡅࡌࡔࡀࡁࡀࡋࡅࡍ ࡋࡄࡉࡉࡀ ࡓࡅࡓࡁࡉࡀ
110:25 ࡌࡔࡀࡁࡉࡕࡅࡍ ࡀࡍࡀࡕࡅࡍ ࡄࡉࡉࡀ ࡓࡅࡓࡁࡉࡀ ࡖࡄࡀࡆࡉࡍ ࡀࡃࡉࡀࡅࡓࡀ ࡔࡀࡃࡀࡓࡕࡅࡋࡉࡀ
110:26 ࡔࡉࡕࡋࡀࡉ ࡊࡁࡉࡔ ࡓࡉࡔࡀࡉࡄࡅࡍ ࡅࡄࡀࡅࡋࡉࡋ ࡏࡋ ࡃ{{ࡀ}}<<ࡅ>>ࡊࡕࡀࡉࡄࡅࡍ ࡁࡊࡅࡍ

next page