← Back
The Comprehensive Aramaic Lexicon
← Return to the Text Browser
click on the file description for more information
74411: Ginza Rabba (Great Treasury) Left Side

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

previous page


129:01 ࡋࡀࡎࡉࡀ ࡓࡁࡀ ࡅࡋࡉࡐࡋࡉࡄࡅࡍࡇ ࡋࡐࡀࡎࡉࡌࡊࡀ ࡓࡁࡀ ࡖࡊࡅࡋࡇ ࡍࡄࡅࡓ ࡋࡉࡐࡋࡉࡄࡅࡍࡇ
129:02 ࡋࡌࡀࡍࡃࡀ ࡖࡄࡉࡀ ࡖࡋࡉࡒࡅࡌ ࡋࡉࡄࡅࡉࡋࡊࡅࡍ ࡁࡀࡄࡉࡃ ࡏࡃࡀ ࡁࡀࡄࡉࡃ ࡏࡃࡀ
129:03 ࡋࡔࡀࡋࡌࡀࡍࡉࡀ ࡌࡍ ࡀࡕࡓࡀ ࡖࡄࡔࡅࡊ ࡋࡀࡕࡀࡓ ࡍࡄࡅࡓ ࡆࡊࡉࡕ ࡌࡀࡍࡃࡀ
129:04 ࡖࡄࡉࡉࡀ ࡆࡊࡉࡕ ࡅࡆࡀࡊࡉࡕ ࡓࡀࡄࡌࡀࡊ ࡅࡄࡉࡉࡀ ࡆࡀࡊࡉࡍ
129:05 ࡎࡀ
129:06 ࡉࡀ ࡑࡉࡐࡓࡉࡀ ࡄࡅࡓࡁࡉࡀ ࡖࡏࡋ ࡒࡉࡍࡃࡋࡀࡉࡄࡅࡍ ࡉࡀࡕࡁࡉࡀ ࡌࡀࡄࡅ
129:07 ࡀࡊࡋࡉࡕࡅࡍ ࡑࡉࡐࡓࡉࡀ ࡌࡍ ࡄࡅࡓࡁࡉࡀ ࡅࡌࡀࡄࡅ ࡔࡀࡕࡉࡕࡅࡍ ࡌࡍ
129:08 ࡒࡉࡍࡃࡋࡉࡀ ࡗ ࡄࡀࡅࡉࡀ ࡆࡉࡁࡍࡀ ࡖࡍࡀࡐࡒࡉࡕࡅࡍ ࡌࡍ ࡐࡀࡂࡓࡀࡉࡊࡅࡍ
129:09 ࡌࡀࡄࡅ ࡋࡏࡄࡅࡉࡀ ࡆࡅࡀࡃࡀࡉࡊࡅࡍ ࡅࡌࡀࡄࡅ ࡋࡉࡄࡅࡉࡀ ࡆࡅࡀࡃࡉࡀ ࡖࡏࡅࡄࡓࡀ
129:10 ࡋࡀࡃࡀࡄࡁࡀ ࡅࡋࡀࡊࡀࡎࡐࡀ ࡋࡀࡄࡀࡅࡉࡀ ࡆࡅࡀࡃࡉࡀ ࡖࡏࡅࡄࡓࡀ ࡋࡀ ࡀࡓࡂࡁࡀ
129:11 ࡅࡋࡀࡌࡀࡋࡀ ࡋࡀࡄࡀࡅࡉࡀ ࡆࡅࡀࡃࡉࡀ ࡖࡏࡅࡄࡓࡀ ࡏࡕࡊࡀࡍࡀࡔ ࡊࡅࡋࡄࡅࡍ
129:12 ࡀࡌࡀࡌࡉࡀ ࡋࡁࡀࡁࡀ ࡖࡁࡓࡄࡉࡉࡀ ࡏࡕࡅࡍ ࡏࡌࡀࡓࡋࡀࡍ ࡁࡓࡄࡉࡉࡀ
129:13 ࡁࡆࡉࡁࡍࡀ ࡖࡄࡀࡅࡉࡀ ࡌࡀࡐࡉࡒࡕࡀࡍ ࡌࡀࡄࡅ ࡋࡉࡏࡅࡄࡓࡀ ࡆࡅࡀࡃࡀࡍ
129:14 ࡅࡌࡀࡄࡅ ࡋࡉࡄࡅࡉࡀ ࡆࡅࡀࡃࡉࡀ ࡖࡏࡅࡄࡓࡀࡍ ࡏࡃࡀࡉࡊࡅࡍ ࡍࡏࡕࡍࡀ
129:15 ࡆࡉࡃࡒࡀ ࡅࡋࡉࡁࡀࡉࡊࡅࡍ ࡍࡉࡒࡅࡌ ࡁࡄࡀࡉࡌࡍࡅࡕ ࡄࡀࡍࡀࡕࡇ ࡄࡅ
129:16 ࡆࡅࡀࡃࡀࡉࡊࡅࡍ ࡖࡄࡀࡅࡉࡋࡊࡅࡍ ࡆࡅࡀࡃࡉࡀ ࡖࡏࡅࡄࡓࡀ ࡌࡉࡔࡕࡀࡉࡉࡍ
129:17 ࡄࡉࡉࡀ ࡅࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖࡀࡎࡂࡉࡀ ࡋࡊࡀ
129:18 ࡎࡀ
129:19 ࡏࡋࡇ ࡖࡁࡉࡍࡉࡀࡍࡀ ࡏࡋ ࡓࡉࡔࡀ ࡖࡊࡅࡋࡇ ࡒࡅࡌࡕࡇ ࡏࡋ ࡓࡉࡔࡀ
129:20 ࡖࡒࡅࡌࡕࡀ ࡊࡅࡋࡇ ࡒࡀࡉࡉࡌ ࡅࡃࡀࡓࡉࡔ ࡓࡁࡉࡀ ࡒࡀࡉࡉࡌ ࡅࡓࡁࡉࡀ
129:21 ࡃࡀࡓࡉࡔ ࡅࡌࡀࡌࡍࡉࡀ ࡂࡅࡍࡉࡀ ࡖࡄࡀࡆࡉࡍ ࡀࡋࡌࡀ ࡉࡀ ࡀࡋࡌࡀ ࡎࡀࡊࡋࡀ
129:22 ࡀࡋࡌࡀ ࡁࡋࡉࡋࡀ ࡅࡌࡁࡀࡋࡀࡋࡀ ࡉࡀ ࡀࡋࡌࡀ ࡎࡀࡊࡋࡀ ࡓࡄࡑࡀࡍࡀࡊ ࡋࡌࡀࡄࡅ
129:23 ࡍࡉࡄࡅࡉࡀ ࡏࡋ ࡌࡀࡄࡅ ࡍࡉࡄࡅࡉࡀ ࡓࡄࡑࡀࡍࡀࡊ ࡅࡄࡀࡉࡌࡀࡍࡅࡕࡀࡊ ࡏࡋ
129:24 ࡌࡀࡍ ࡕࡉࡄࡅࡉࡀ ࡏࡔࡒࡅࡋ ࡏࡉࡀࡎࡁࡇ ࡌࡉࡍࡀࡊ ࡏࡅࡑࡁࡀ ࡖࡍࡄࡅࡓࡀ

next page