Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants
| 0340 | ࡁࡀࡄࡓࡉࡕ ࡄࡀࡃ ࡌࡍ ࡀࡋࡐࡀ ࡅࡌࡍ ࡕࡓࡉࡍ ࡀࡋࡐࡉࡀ ࡁࡀࡄࡓࡉࡕ ࡕࡓࡉࡍ ࡀࡋࡌࡀ ࡖࡑࡀࡓࡀࡓࡕࡉࡍࡀࡍ |
| 0341 | ࡌࡍ ࡑࡀࡅࡕࡀࡊ ࡅࡔࡓࡉࡕ ࡏࡋࡀࡍ. ࡅࡄࡀࡉࡆࡀࡊ ࡌࡀࡋࡀࡋࡉࡕ ࡅࡃࡓࡀࡔࡋࡅࡍ ࡁࡒࡀࡋࡀࡉ ࡍࡉࡄࡀ ࡅࡋࡁࡅࡔࡀ |
| 0342 | ࡔࡀࡍࡉࡀ ࡔࡓࡉࡕ ࡏࡋࡀࡅࡀࡉࡄࡅࡍ ࡅࡏࡋࡀࡍࡉࡀ ࡖࡔࡀࡄࡋࡉࡍ ࡅࡋࡀࡁࡔࡉࡍ. ࡅࡀࡌࡀࡓࡋࡅࡍ ࡋࡀࡕࡉࡃࡉࡄࡋࡅࡍ |
| 0343 | ࡅࡄࡀࡅࡒࡀ ࡋࡏࡅࡑࡓࡀࡉࡄࡅࡍ ࡋࡀࡍࡉࡄࡅࡍ ࡀࡍࡀ ࡁࡀࡉࡉࡍࡀ ࡌࡉࡒࡓࡉࡀ ࡀࡋࡌࡉࡀ ࡔࡅࡁࡀ ࡖࡄࡂࡀࡂࡀ |
| 0344 | ࡅࡔࡅࡁࡀ ࡀࡋࡌࡉࡀ ࡋࡉࡀࡌࡉࡍࡀࡉ ࡅࡔࡅࡁࡀ ࡀࡋࡌࡉࡀ ࡋࡎࡌࡀࡋࡀࡉ ࡅࡒࡓࡉࡀ ࡌࡔࡅࡍࡉࡀ ࡊࡅࡔࡈࡀ |
| 0345 | ࡅࡒࡓࡉࡀ ࡀࡓࡒࡀ ࡖࡕࡉࡁࡉࡋ ࡅࡒ^ࡉ^ࡓࡉ^ࡉ^ࡀ ࡋࡀࡃࡀࡌ ࡐࡀࡂࡓࡉࡀ ࡖࡌࡉࡍࡇ ࡌࡉࡕࡍࡀࡐࡔࡀ ࡔࡅࡓࡁࡀࡕࡀ |
| 0346 | ࡖࡁࡄࡉࡓࡉࡀ ࡀࡋࡌࡀ ࡋࡃࡀࡅࡓࡀ ࡖࡔࡅࡌ ࡅࡊࡅࡋࡄࡅࡍ ࡋࡅࡀࡕࡀࡊ ࡎࡀࡋࡒࡉࡀ. ࡅࡗ ࡀࡕࡉࡀ ࡃࡀࡓࡀ |
| 0347 | ࡁࡀࡕࡓࡀࡉࡀ ࡔࡅࡁࡀ ࡃࡀࡓࡉࡍ ࡌࡍࡀࡕࡅࡍ ࡍࡀࡄࡕࡉࡍ ࡔࡅࡁࡀ ࡏࡋࡀࡅࡀࡉࡄࡅࡍ ࡅࡌࡉࡃࡀࡌࡉࡀ ࡏࡋ |
| 0348 | ࡂࡅࡁࡓࡉࡀ ࡖࡆࡀࡃࡉࡒࡉࡀ ࡅࡌࡀࡋࡉࡐࡋࡅࡍ ࡄࡅࡊࡅࡌࡕࡀ ࡖࡊࡀࡃࡁࡀ ࡅࡌࡀࡐࡒࡉࡍ ࡄࡅࡊࡅࡌࡕࡀ ࡌࡍ |
| 0349 | ࡋࡉࡁࡀࡉࡄࡅࡍ ࡅࡀࡔࡊࡉࡍ ࡓࡀࡆࡉࡀ ࡕࡀࡒࡍࡉࡀ ࡊࡅࡋ ࡌࡉࡍࡃࡀࡌ ࡀࡍࡀࡉࡀ ࡅࡔࡀࡐࡉࡓࡀ ࡖࡉࡀࡄࡉࡁࡍࡀ |